Et quocúmque introíbat, in vicos vel in villas aut civitátes, in platéis ponébant infírmos, et deprecabántur eum, ut vel fímbriam vestiménti ejus tángerent: et quotquot tangébant eum, salvi fiébant...
Adésto, Dómine, supplicatiónibus nostris: et concéde; ut hoc sollémne jejúnium, quod animábus corporibúsque curándis salúbriter institútum est, devóto servítio celebrémus. Per Dóminum.
Omnipotens et misericors Deus, qui humano generi et salutis remedia et vitae aeternae munera contulsti: da nobis, quaesumus, ut beatorum Joannis et Camilli patrocinio, in hora exitus nostri absque peccati macula tibi repraesentari mereamur. Per Dominum.
Today is Saturday post Cineres, March 8. While I believe that the Lenten feria takes precedence before the Saturday Commemoration of Our Lady, it is, in the Missale Romanum, the feast of the Confessor Saint John of God and at Le Barroux, it is the feast of the Confessors Saints John of God and of Camillis de Lellis is commemorated. The Mass in the Benedictine Proprium is Maiorem hac dilectionem nemo habet and in the Missale Romanum Os iusti meditabitur sapientiam. After Terce, we shall hear which was sung at Le Barroux. The monks sang Audivit Dominus et misertus est mihi, ahem.
Statio ad Sanctum Tryphonem
Introitus. Ps. 29, 11. Audívit Dóminus, et misértus est mihi: Dóminus factus est adjútor meus. Ps. ibid., 2. Exaltábo te, Dómine, quóniam suscepísti me: nec delectásti inimícos meos super me. ℣. Glória Patri.
Kyrie.
Oratio. Adésto, Dómine, supplicatiónibus nostris: et concéde; ut hoc sollémne jejúnium, quod animábus corporibúsque curándis salúbriter institútum est, devóto servítio celebrémus. Per Dóminum.
Oratio. Omnipotens et misericors Deus, qui humano generi et salutis remedia et vitae aeternae munera contulsti: da nobis, quaesumus, ut beatorum Joannis et Camilli patrocinio, in hora exitus nostri absque peccati macula tibi repraesentari mereamur. Per Dominum.
Léctio Isaíæ Prophétæ.
Is. 58, 9-14.
Hæc dicit Dóminus Deus: Si abstúleris de médio tui caténam, et desíeris exténdere dígitum, et loqui quod non prodest. Cum effúderis esuriénti ánimam tuam, et ánimam afflíctam repléveris, oriétur in ténebris lux tua, et ténebræ tuæ erunt sicut merídies. Et réquiem tibi dabit Dóminus semper, et implébit splendóribus ánimam tuam, et ossa tua liberábit, et eris quasi hortus irríguus, et sicut fons aquárum, cujus non defícient aquæ. Et ædificabúntur in te desérta sæculórum: fundaménta generatiónis et generatiónis suscitábis: et vocáberis ædificátor sépium, avértens sémitas in quiétem. Si avérteris a sábbato pedem tuum, fácere voluntátem tuam in die sancto meo, et vocáveris sábbatum delicátum, et sanctum Dómini gloriósum, et glorificáveris eum, dum non facis vias tuas, et non invénitur volúntas tua, ut loquáris sermónem: tunc delectáberis super Dómino: et sustóllam te super altitúdines terræ, et cibábo te hereditáte Jacob, patris tui. Os enim Dómini locútum est.
Graduale. Ps. 26, 4. Unam pétii a Dómino, hanc requíram, ut inhábitem in domo Dómini. ℣. Ut vídeam voluptátem Dómini, et prótegar a templo sancto ejus.
✠ Sequéntia sancti Evangélii secúndum Marcum.
Marc. 6, 47-56.
In illo témpore: Cum sero esset, erat navis in médio mari, et Jesus solus in terra. Et videns discípulos suos laborántes in remigándo (erat enim ventus contrárius eis), et circa quartam vigíliam noctis venit ad eos ámbulans supra mare: et volébat præteríre eos. At illi, ut vidérunt eum ambulántem supra mare, putavérunt phantásma esse, et exclamavérunt. Omnes enim vidérunt eum, et conturbáti sunt. Et statim locútus est cum eis, et dixit eis: Confídite, ego sum, nolíte timére. Et ascéndit ad illos in navim, et cessávit ventus. Et plus magis intra se stupébant: non enim intellexérunt de pánibus: erat enim cor eórum obcæcátum. Et cum transfretássent, venérunt in terram Genésareth, et applicuérunt. Cumque egréssi essent de navi, contínuo cognovérunt eum: et percurréntes univérsam regiónem illam, cœpérunt in grabátis eos, qui se male habébant, circumférre ubi audiébant eum esse. Et quocúmque introíbat, in vicos vel in villas aut civitátes, in platéis ponébant infírmos, et deprecabántur eum, ut vel fímbriam vestiménti ejus tángerent: et quotquot tangébant eum, salvi fiébant.
Offertorium. Ps. 118, 154 et 125. Dómine, vivífica me secundum elóquium tuum: ut sciam testimónia tua.
Secreta. Súscipe, Dómine, sacrifícium, cujus te voluísti dignanter immolatióne placári: præsta, quǽsumus; ut, hujus operatióne mundáti, beneplácitum tibi nostræ mentis offerámus afféctum. Per Dóminum.
Secreta. Hostia immaculata, qua illud Domini nostri Jesu Christi immensae caritatis opus renovamus, sanctis Joanne et Camillo intercedentibus, sit contra omnes corporis et animae infirmitates salutare remedium, et in extremo agone solatium et tutela. Per eundem Dominum nostrum.
Præfatio de Quadragesima.
Sanctus, Benedictus, Agnus Dei.
Communio. Ps. 2, 11-12. Servite Dómino in timóre, et exsultáte ei cum tremóre: apprehéndite disciplínam, ne pereátis de via justa.
Postcommunio. Cœléstis vitæ múnere vegetáti, quǽsumus, Dómine: ut, quod est nobis in præsénti vita mystérium, fiat æternitátis auxílium. Per Dóminum.
Postcommunio. Per haec caelestia alimenta, quae sanctorum Confessorum tuorum Joannis et Camilli solemnia celebrantes, pia devotione suscepimus: da, quaesumus, Domine: ut in hora mortis nostrae sacramentis refecti, et culpis omnibus expiati, in sinum misericordiae tuae laeti suscipi mereamur. Qui vivis et regnas.
Oratio super populum. Fidéles tui, Deus, per tua dona firméntur: ut éadem et percipiéndo requírant, et quæ réndo sine fine percípiant. Per Dóminum.
Kyrie.
Oratio. Adésto, Dómine, supplicatiónibus nostris: et concéde; ut hoc sollémne jejúnium, quod animábus corporibúsque curándis salúbriter institútum est, devóto servítio celebrémus. Per Dóminum.
Oratio. Omnipotens et misericors Deus, qui humano generi et salutis remedia et vitae aeternae munera contulsti: da nobis, quaesumus, ut beatorum Joannis et Camilli patrocinio, in hora exitus nostri absque peccati macula tibi repraesentari mereamur. Per Dominum.
Léctio Isaíæ Prophétæ.
Is. 58, 9-14.
Hæc dicit Dóminus Deus: Si abstúleris de médio tui caténam, et desíeris exténdere dígitum, et loqui quod non prodest. Cum effúderis esuriénti ánimam tuam, et ánimam afflíctam repléveris, oriétur in ténebris lux tua, et ténebræ tuæ erunt sicut merídies. Et réquiem tibi dabit Dóminus semper, et implébit splendóribus ánimam tuam, et ossa tua liberábit, et eris quasi hortus irríguus, et sicut fons aquárum, cujus non defícient aquæ. Et ædificabúntur in te desérta sæculórum: fundaménta generatiónis et generatiónis suscitábis: et vocáberis ædificátor sépium, avértens sémitas in quiétem. Si avérteris a sábbato pedem tuum, fácere voluntátem tuam in die sancto meo, et vocáveris sábbatum delicátum, et sanctum Dómini gloriósum, et glorificáveris eum, dum non facis vias tuas, et non invénitur volúntas tua, ut loquáris sermónem: tunc delectáberis super Dómino: et sustóllam te super altitúdines terræ, et cibábo te hereditáte Jacob, patris tui. Os enim Dómini locútum est.
Graduale. Ps. 26, 4. Unam pétii a Dómino, hanc requíram, ut inhábitem in domo Dómini. ℣. Ut vídeam voluptátem Dómini, et prótegar a templo sancto ejus.
✠ Sequéntia sancti Evangélii secúndum Marcum.
Marc. 6, 47-56.
In illo témpore: Cum sero esset, erat navis in médio mari, et Jesus solus in terra. Et videns discípulos suos laborántes in remigándo (erat enim ventus contrárius eis), et circa quartam vigíliam noctis venit ad eos ámbulans supra mare: et volébat præteríre eos. At illi, ut vidérunt eum ambulántem supra mare, putavérunt phantásma esse, et exclamavérunt. Omnes enim vidérunt eum, et conturbáti sunt. Et statim locútus est cum eis, et dixit eis: Confídite, ego sum, nolíte timére. Et ascéndit ad illos in navim, et cessávit ventus. Et plus magis intra se stupébant: non enim intellexérunt de pánibus: erat enim cor eórum obcæcátum. Et cum transfretássent, venérunt in terram Genésareth, et applicuérunt. Cumque egréssi essent de navi, contínuo cognovérunt eum: et percurréntes univérsam regiónem illam, cœpérunt in grabátis eos, qui se male habébant, circumférre ubi audiébant eum esse. Et quocúmque introíbat, in vicos vel in villas aut civitátes, in platéis ponébant infírmos, et deprecabántur eum, ut vel fímbriam vestiménti ejus tángerent: et quotquot tangébant eum, salvi fiébant.
Offertorium. Ps. 118, 154 et 125. Dómine, vivífica me secundum elóquium tuum: ut sciam testimónia tua.
Secreta. Súscipe, Dómine, sacrifícium, cujus te voluísti dignanter immolatióne placári: præsta, quǽsumus; ut, hujus operatióne mundáti, beneplácitum tibi nostræ mentis offerámus afféctum. Per Dóminum.
Secreta. Hostia immaculata, qua illud Domini nostri Jesu Christi immensae caritatis opus renovamus, sanctis Joanne et Camillo intercedentibus, sit contra omnes corporis et animae infirmitates salutare remedium, et in extremo agone solatium et tutela. Per eundem Dominum nostrum.
Præfatio de Quadragesima.
Sanctus, Benedictus, Agnus Dei.
Communio. Ps. 2, 11-12. Servite Dómino in timóre, et exsultáte ei cum tremóre: apprehéndite disciplínam, ne pereátis de via justa.
Postcommunio. Cœléstis vitæ múnere vegetáti, quǽsumus, Dómine: ut, quod est nobis in præsénti vita mystérium, fiat æternitátis auxílium. Per Dóminum.
Postcommunio. Per haec caelestia alimenta, quae sanctorum Confessorum tuorum Joannis et Camilli solemnia celebrantes, pia devotione suscepimus: da, quaesumus, Domine: ut in hora mortis nostrae sacramentis refecti, et culpis omnibus expiati, in sinum misericordiae tuae laeti suscipi mereamur. Qui vivis et regnas.
Oratio super populum. Fidéles tui, Deus, per tua dona firméntur: ut éadem et percipiéndo requírant, et quæ réndo sine fine percípiant. Per Dóminum.
✠ ✠ ✠
Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.
Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.
Laus Deo Virginique Matri
Comments
Post a Comment