Et omnis, qui reliquerit domum, vel fratres, aut sorores, aut patrem, aut matrem, aut uxorem, aut filios, aut agros propter nomen meum, centuplum accipiet, et vitam aeternam possidebit...

Omnipotens sempiterne Deus, qui hodierna die carnis eductum ergastulo sanctissimum Confessorem tuum Benedictum sublevasti ad caelum: concede, quaesumus, haec festa tuis famulis celebrantibus cunctorum veniam delictorum; ut, qui exsultantibus animis ejus claritati congaudent, ipso apud te interveniente consocientur et meritis. Per Dominum.

Today is the Friday in the 2nd week of Lent, March 21, the feast of the Transitus of the Holy Patriarch Saint Benedict. There is a proper Mass at Le Barroux. In the Roman Missal pro aliquibus locis it is the feast of the Holy Shroud of Our Lord Jesus Christ. Will add the Mass of the Lenten feria and the Mass of the Holy Shroud infra.

The 1960 rite, at Divinum Officium anyway, provides for the Mass Os iusti meditabitur sapientiam of the Holy Patriarch, so it may be that this Mass is celebrated at Saint-Eugène. Am not going to add a fourth Mass here, however, so I will add the orations for the feast to the Mass of the Lenten feria and be done (of course, if this Mass is said at Saint-E., the orations of the Lenten feria would be said as commemorations i.e. after those of the Holy Abbot). 

At Saint-Eugène, M Durodié is celebrating Holy Mass in violet vestments, so I'm going to suppose that he is saying the Mass of the Lenten feria after all (and with commemoration of the Holy Patriarch). 

Introitus. Gaudeamus omnes in Domino, diem festum celebrantes sub honore sancti Benedicti Abbatis: de cujus solemnitate gaudent Angeli, et collaudant Filium Dei. Ps. 47, 2. Magnus Dominus et laudabilis nimis: in civitate Dei nostri, in monte sancto ejus. V. Gloria Patri.

Kyrie, Gloria.

Oratio. Omnipotens sempiterne Deus, qui hodierna die carnis eductum ergastulo sanctissimum Confessorem tuum Benedictum sublevasti ad caelum: concede, quaesumus, haec festa tuis famulis celebrantibus cunctorum veniam delictorum; ut, qui exsultantibus animis ejus claritati congaudent, ipso apud te interveniente consocientur et meritis. Per Dominum.

Lectio libri Sapientiae.
Eccl. 50, 1-14.
Ecce! Confessor magnus, qui in vita sua suffulsit dorrium, et in diebus suis corroboravit templum. Templi etiam altitudo ab ipso fundita est, duplex aedificatio, et excelsi parietes templi. In diebus ipsius emanaverunt putei aquarum, et quasi mare adimpleti sunt supra modum. Qui curavit gentem suam, et liberavit eam a perditione. Qui praevaluit amplificare civitatem, qui adeptus est gloriam in conversatione gentis: et ingressum domus, et atrii amplificavit. Quasi stella matutina in medio nebulae, et quasi luna plena in diebus suis lucet. Et quasi sol refulgens, sic ille effulsit in templo Dei. Quasi arcus refulgens inter nebulas gloriae, et quasi flos rosarum in diebus vernis, et quasi lilia quae sunt in transitu aquae, et quasi thus redolens in diebus aestatis. Quasi ignis effulgens, et thus ardens in igne. Quasi vas auri solidum, ornatum omni lapide pretioso. Quasi oliva pullulans, et quasi cypressus in altitudinem se extollens. Circa illum coronia fratrum: et quasi plantatio cedri in monte Libano, sic circa illum steterunt, quasi rami palmae et omnes filii Aaron in gloria sua.

Graduale. Ps. 20, 4-5. Domine praevenisti eum in benedictionibus dulcedinis: posuisti in capite ejus coronam de lapide pretioso. V. Vitam petiit a te, et tribuisti ei longitudinem dierum in saeculum saeculi.

Tractus. Ps. 111, 1-3. Beatus vir, qui timet Dominum: in mandatis eius cupit nimis. V. Potens in terra erit semen ejus: generatio rectorum benedicetur. V. Gloria et divitiae in domo ejus: et justitia ejus manet in saeculum saeculi.

Sequentia.

Laeta quies magni Ducis,
Dona ferens novae lucis,
Hodie recolitur.

Charis datur piae menti,
Corde sonet in ardenti
Quidquid foris promitur.

Hunc per callem orientis
Admiremur ascendentis
Patriarchae speciem.

Amplum semen magnae prolis
nium fecit instar solis,
Abrahae persimilem.

Corvum cernis ministrantem,
Hinc Eliam latitantem
Specu nosce parvulo.

Eliseus dignoscatur,
Cum securis revocatur
De torrentis alveo.

Illum Joseph candor morum,

Illum Jacob futurorum

Mens effecit conscia.

Ipse, memor suae gentis,
Nos perducat in manantis
Semper Christi gaudia. 

Amen.

Sequentia sancti Evagelii secundum Matthaeum.
Matth. 19, 27-29.
In illo tempore: Dixit Petrus ad Jesum: Ecce nos reliquimus omnia, et secuti sumus te; quid ergo erat nobis? Jesus autem dixit illis: Amen dico vobis, quod vos, qui secuti estis me, in regeneratione, cum sederit Filius hominis in sede majestatis sui, sedebitis et vos super sedes duodecim, judicantes duodecim tribus Israel. Et omnis, qui reliquerit domum, vel fratres, aut sorores, aut patrem, aut matrem, aut uxorem, aut filios, aut agros propter nomen meum, centuplum accipiet, et vitam aeternam possidebit.

Credo.

Offertorium. Ps. 20, 3-4. Desiderium animae ejus tribuisti ei. Domine, et voluntate labiorum ejus non fraudasti eum: posuisti in capite ejus coronam de lapide pretioso.

Secreta. Oblatis, Domine, ad honorem sanctissimi Confessoris tui Benedicti placare muneribus: et ipsius interventu famulis tuis tribue indulgentiam peccatorum. Per Dominum.

Praefatio de S. P. N. Benedicto.

Vere dignum et justum est, aequum et salutare, nos tibi semper et ubique gratias agere, Domine sancte, Pater omnipotens, aeterne Deus. Qui beatissimum Confessorem tuum Benedictum, Ducem et Magistrum caelitus edoctum, innumerabili multitudini filiorum statuisti. Quem et omnium justorum spiritu repletum, et extra se raptum, luminis tui splendore collustrasti. Ut in ipsa luce visionis intimae, mentis laxato sinu quam angusta essent omnia inferiora deprehenderet. Per Christum Dominum nostrum. Quapropter profusis gaudiis, totus in orbe terrarum monachorum coetus exsultat. Sed et supernae virtutes, atque angelicae potestates, hymnum gloriae tuae concinunt, sine fine dicentes:

Sanctus, Benedictus, Agnus Dei.

Communio. Luc. 12, 42. Fidelis servus, et prudens, quem constituit dominus super familiam suam: ut det illis in tempore tritici mensuram.

Postcommunio. Perceptis, Domine Deus noster, salutaribus sacramentis, humiliter deprecamur: ut intercedente sanctissimo Benedicto Confessore tuo, quae pro illius veneranda gerimus sollemnitate, nobis proficiant ad salutem. Per Dominum.

✠  ✠  ✠

The Mass of the Lenten feria, Ego autem cum iustitia apparebo.

Statio ad Sanctum Vitalem

Introitus. Ps. 16, 15. Ego autem cum justítia apparébo in conspectu tuo: satiábor, dum manifestábitur glória tua. Ps. ibid., 1. Exáudi, Dómine, justitiam meam: inténde deprecatióni meæ. ℣. Glória Patri.

Kyrie.

Oratio. Da, quǽsumus, omnípotens Deus: ut, sacro nos purificante jejúnio, sincéris méntibus ad sancta ventúra fácias perveníre. Per Dóminum.

MR Oratio SPN Benedicti. Intercéssio nos, quǽsumus, Dómine, beáti Benedicti Abbátis comméndet: ut, quod nostris méritis non valémus, ejus patrocínio assequámur. Per Dóminum.

Léctio libri Genesis.
Gen. 37, 6-22.
In diébus illis: Dixit Joseph frátribus suis: Audíte sómnium meum, quod vidi: Putábam nos ligáre manípulos in agro: et quasi consúrgere manípulum meum et stare, vestrós que manípulos circumstántes
adoráre manípulum meum. Respondérunt fratres ejus: Numquid rex noster eris? aut subjiciémur dicióni tuæ? Hæc ergo causa somniórum atque sermónum, invídiæ et ódii fómitem ministrávit. Aliud quoque vidit sómnium, quod narrans frátribus, ait: Vidi per sómnium, quasi solem et lunam et stellas úndecim adoráre me. Quod cum patri suo et frátribus rettulísset, increpávit eum pater suus, et dixit: Quid sibi vult hoc sómnium, quod vidísti? Num ego et mater tua et fratres tui adorábimus te super terram? Invidébant ei igitur fratres sui: pater vero rem tácitus considerábat. Cumque fratres illíus in pascéndis grégibus patris moraréntur in Sichem, dixit ad eum Israël: Fratres tui pascunt oves in Síchimis: veni, mittam te ad eos. Quo respondénte: Præsto sum, ait ei: Vade et vide, si cuncta próspera sint erga fratres tuos et pécora: et renúntia mihi, quid agatur. Missus de valle Hebron, venit in Sichem: invenítque eum vir errántem in agro, et interrogávit, quid quǽreret. At ille respóndit: Fratres meos quæro: índica mihi, ubi pascant greges. Dixítque ei vir: Recessérunt de loco isto: audívi autem eos dicéntes: Eámus in Dóthain. Perréxit ergo Joseph post fratres suos, et invénit eos in Dóthain. Qui cum vidíssent eum procul, ántequam accéderet ad eos, cogitavérunt illum occídere, et mútuo loquebántur: Ecce, somniátor venit; veníte, occidámus eum, et mittámus in cistérnam véterem, dicemúsque: Fera péssima devorávit eum: et tunc apparébit, quid illi prosint sómnia sua. Audiens autem hoc Ruben, nitebátur liberáre eum de mánibus eórum, et dicébat: Non interficiátis ánimam ejus, nec effundátis sánguinem: sed projícite eum in cistérnam hanc, quæ est in solitúdine, manúsque vestras serváte innóxias: hoc autem dicébat, volens erípere eum de mánibus eórum, et réddere patri suo.

Graduale. Ps. 119, 1-2. Ad Dóminum, cum tribulárer, clamávi, et exaudívit me. ℣. Dómine, líbera ánimam meam a lábiis iníquis et a lingua dolósa.

Tractus. Ps. 102, 10. Dómine, non secúndum peccáta nostra, quae fécimus nos: neque secúndum iniquitátes nostras retríbuas nobis. ℣. Ps. 78, 8-9. Dómine, ne memíneris iniquitátum nostrárum antiquárum: cito antícipent nos misericórdiæ tuæ, quia páuperes facti sumus nimis. [Hic genuflectitur.] ℣. Adjuva nos, Deus, salutáris noster: et propter glóriam nóminis tui, Dómine, líbera nos: et propítius esto peccátis nostris, propter nomen tuum.

✠ Sequéntia sancti Evangélii secúndum Matthǽum.
Matth, 21, 33-46.
In illo témpore: Dixit Jesus turbis Judæórum et princípibus sacerdótum parábolam hanc: Homo erat paterfamílias, qui plantávit víneam, et sepem circúmdedit ei, et fodit in ea tórcular, et ædificávit turrim, et locávit eam agrícolis, et péregre proféctus est. Cum autem tempus frúctuum appropinquásset, misit servos suos ad agrícolas, ut accíperent fructus ejus. Et agrícolæ, apprehénsis servis ejus, alium cecidérunt, alium occidérunt, álium vero lapidavérunt. Iterum misit álios servos plures prióribus, et fecérunt illis simíliter. Novíssime autem misit ad eos fílium suum, dicens: Verebúntur fílium meum.
Agrícolæ autem vidéntes fílium, dixérunt intra se: Hic est heres, veníte, occidámus eum, et habébimus hereditátem ejus. Et apprehénsum eum ejecérunt extra víneam, et occidérunt. Cum ergo vénerit dóminus víneæ, quid fáciet agrícolis illis? Aiunt illi: Malos male perdet: et víneam suam locábit áliis agrícolis, qui reddant ei fructum tempóribus suis. Dicit illis Jesus: Numquam legístis in Scriptúris: Lápidem, quem reprobavérunt ædificántes, hic factus est in caput ánguli? A Dómino factum est istud, et est mirábile in óculis nostris. Ideo dico vobis, quia auferétur a vobis regnum Dei, et dábitur genti faciénti fructus ejus. Et qui cecíderit super lápidem istum, confringétur: super quem vero cecíderit, cónteret eum. Et cum audíssent príncipes sacerdótum et pharisǽi parábolas ejus, cognovérunt, quod de ipsis díceret. Et quæréntes eum tenére, timuérunt turbas: quóniam sicut Prophétam eum habébant.

Offertorium. Ps. 39, 14 et 15. Dómine, in auxílium meum réspice: confundántur et revereántur, qui quærunt ánímam meam, ut áuferant eam: Dómine, in auxílium meum réspice.

Secreta. Hæc in nobis sacrifícia, Deus, et actióne permáneant, et operatióne firméntur. Per Dóminum.

MR Secreta. Sacris altáribus, Dómine, hóstias superpósitas sanctus Benedictus Abbas, quǽsumus, in salútem nobis proveníre depóscat. Per Dóminum.

Præfatio de Quadragesima.

Sanctus, Benedictus, Agnus Dei.

Communio. Ps. 11, 8. Tu, Dómine, servábis nos, et custódies nos a generatióne hac in ætérnum.

Postcommunio. Fac nos, quǽsumus, Dómine: accépto pígnore salútis ætérnæ, sic téndere congruénter; ut ad eam perveníre póssimus. Per Dóminum.

MR Postcommunio. Prótegat nos, Dómine, cum tui perceptióne sacraménti beátus Benedictus Abbas, pro nobis intercedéndo: ut et conversatiónis ejus experiámur insígnia, et intercessiónis percipiámus suffrágia. Per Dóminum.

Oratio super populum. Da, quǽsumus, Dómine, pópulo tuo salútem mentis et córporis: ut, bonis opéribus inhæréndo, tuæ semper virtutis mereátur protectióne deféndi. Per Dóminum.

✠  ✠  ✠

The Mass of the Most Holy Shroud of Our Lord Jesus Christ, Humiliavit semetipsum Dominus Iesus Christus.

Introitus. Humiliavit semetipsum Dominus Jesus Christus usque ad mortem, mortem autem crucis; propter quod et Deus exaltavit illum, et donavit illi nomen quod est super omne nomen. V. Misericordias Domini in aeternum cantabo: in generationem, et generationem annuntiabo veritatem tuam in ore meo. Gloria Patri.

Kyrie.

Collecta. Deus, qui nobis in sancta Sindone, qua corpus tuum sacratissimum e cruce depositum, a Joseph involutum fuit, passionis tuae vestigia reliquisti: concede propitius, ut per mortem et sepulturam tuam, ad resurrectionis gloriam perducamur. Qui vivis et regnas.

Lectio Isaiae Prophetae.
Is. 62 et 63.
Haec dicit Dominus Deus: Dicite filiae Sion: Ecce Salvator tuus venit: ecce merces ejus cum eo. Quis est iste, qui venit de Edom, tinctis vestibus de Bosra? Iste formosus in stola sua, gradiens in multitudine fortitudinis suae. Ego, qui loquor justitiam, et propugnator sum ad salvandum. Quare ergo rubrum est indumentum tuum, et vestimenta tua, sicut calcantium in torculari? Torcular calcavi solus, et de gentibus non est vir mecum: calcavi eos in furore meo, et conculcavi eos in ira mea: et aspersus est sanguis eorum super vestimenta mea, et omnia indumenta mea inquinavi. Dies enim ultionis in corde meo, annus redemptionis meae venit. Circumspexi, et non erat auxiliator: quaesivi, et non fuit qui adjuvaret; et salvavit mihi brachium meum, et indignatio mea ipsa auxiliata est mihi. Et conculcavi populos in furore meo, et inebriavi eos in indignatione mea, et detraxi in terram virtutem eorum. Miserationum Domini recordabor, laudem Domini super omnibus, quae reddidit nobis Dominus Deus noster.

Graduale. Ps. 68. Improperium expectavit cor meum, et miseriam: et sustinui, qui simul mecum constritaretu, et non fuit: consolantem me quaesivi, et non inveni. V. Dederunt in escam meam fel, et in siti mea potaverunt me aceto.

Tractus. Is. 53. Vere languores nostros ipse tulit, et dolores nostros ipse portavit. V. Et nos putavimus eum quasi leprosum, et percussum a Deo, et humiliatum. V. Ipse autem vulneratus est propter iniquatates nostras, attritus est propter scelera nostra. V. Disciplina pacis nostrae super eum, et livore ejus sanati sumus.

✠ Sequentia sancti Evangelii secundum Marcum.
Marc. 15.
In illo tempore: Cum jam sero esset factum, (quia erat Parasceve, quod est ante sabbatum) venit Joseph ab Arimathaea, nobilis decurio, qui et ipse erat expectans regnum Dei, et audacter introivit ad Pilatum, et petiit corpus Jesu. Pilatus autem mirabatur, si iam obiisset. Et accersito centurione, interrogavit eum, si jam mortuus esset. Et cum cognovisset a centurione, donavit corpus Joseph. Joseph autem mercatus Sindonem, et deponens eum involvit Sindone, et posuit eum in monumento, quod erat excisum de petra, et advolvit lapidem ad ostium monumenti.

Credo.

Offertorium. Ingressus Aaron tabernaculum, ut holocaustum offeret super altare pro peccatis filiorum Israel, tunica linea indutus est.

Secreta. Accepta tibi, Domine, sint haec munera, cui pro mundi salute grata extitit Filii tui passio gloriosa. Per eumdem Dominum.

Praefatio de Sancta Cruce.

Sanctus, Benedictus, Agnus Dei.

Communio. Joseph autem mercatus Sindonem, et deponens eum involvit Sindone.

Postcommunio. Satiasti, Domine, familiam tuam muneribus sacris : quaesumus, ut per temporalem Filii tui mortem, quam mysteria veneranda testantur, vitam te nobis dedisse perpetuam confidamus. Per eumdem.

✠  ✠  ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

 Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri

Abbaye Sainte-Madeleine du Barroux,Saint-Eugène-Sainte-Cécile