Effúnde super nos, Dómine, spíritum agnitiónis et dilectiónis tuæ quo ancillam tuam Genovéfam implevistí, ut sédula ejus imitatíóne tibi sincére obsequéntes, fide tíbi et ópere placeámus. Per Dominum.
Ecclésiam tuam, Dómine, benígnus illústra: ut, beáti Joánnis Apóstoli tui et Evangelístæ illumináta doctrínis, ad dona pervéniat sempitérna. Per Dóminum.
Deus, qui nobis in Corde Fílii tui, nostris vulneráto peccátis, infinítos dilectiónis thesáuros misericórditer largíri dignáris: concéde, quǽsumus; ut, illi devótum pietátis nostræ præstántes obséquium, dignæ quoque satisfactiónis exhibeámus offícium. Per eúndem Dóminum nostrum.
Deus, qui salútis ætérnæ, beátæ Maríæ virginitáte fecúnda, humáno géneri prǽmia præstitísti: tríbue, quǽsumus; ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum, Fílium tuum: Qui tecum vivit.
Today is Friday, the (notional) Octave of Saint John Apostoli et Evangelistae and the 7th day infra Octavam Sanctorum Innocentium Martyrum; the Mass Puer natus est nobis (it is the Mass in Octava Nativitatis i.e. for the feast of Our Lord's Circumcision) will presumably be celebrated at both Le Barroux and Saint-Eugène on this '3rd day of January' (in the re-arrangements of Pius XII). On the other hand, it is the feast of the Virgin Saint Geneviève, heavenly patroness of the Church of Paris and her city: the Solemn Mass will be celebrated on Sunday but it may well be that the missa lecta today at Saint-E. will be of the feast.
The Mass in Octava of Saint John Apostle and Evangelist.
Introitus. Eccli. 15, 5. In médio Ecclésiæ apéruit os ejus: et implevit eum Dóminus spíritusapiéntiæ et intelléctus: stolam glóriæ índuit eum. Ps. 91, 2. Bonum est confitéri Dómino: et psállere nómini tuo, Altíssime. ℣. Glória Patri.
Kyrie, Gloria.
Oratio. Ecclésiam tuam, Dómine, benígnus illústra: ut, beáti Joánnis Apóstoli tui et Evangelístæ illumináta doctrínis, ad dona pervéniat sempitérna. Per Dóminum.
Lectio libri Sapiéntiæ.
Eccli. 15, 1-6.
Qui timet Deum, fáciet bona: et qui cóntinens est iustítiæ, apprehéndet illam, et obviábit illi quasi mater honorificáta. Cibábit illum pane vitæ et intelléctus, et aqua sapiéntiæ salutáris potábit illum: et firmábitur in illo, et non flectétur: et continébit illum, et non confundétur: et exaltábit illum apud próximos suos, et in médio ecclésiæ apériet os ejus, et adimplébit illum spíritu sapiéntiæ et intelléctus, et stola glóriæ véstiet illum. Jucunditátem et exsultatiónem thesaurizábit super illum, et nómine ætérno hereditabit illum, Dóminus, Deus noster.
Graduale. Joann. 21, 23 et 19. Exiit sermo inter fratres, quod discípulus ille non móritur: et non dixit Jesus: Non móritur, ℣. Sed: Sic eum volo manére, donec véniam: tu me séquere.
Allelúja, allelúja. ℣. Ibid., 24. Hic est discípulus ille, qui testimónium pérhibet de his: et scimus, quia verum est testimónium ejus. Allelúja.
✠ Sequéntia sancti Evangélii secundum Joannem.
Joann. 21, 19-24.
In illo témpore: Dixit Jesus Petro: Séquere me. Convérsus Petrus vidit illum discípulum, quem diligébat Jesus, sequéntem, qui et recúbuit in cena super pectus ejus, et dixit: Dómine, quis est qui tradet te ? Hunc ergo cum vidísset Petrus, dixit Jesu: Dómine, hic autem quid? Dicit ei Jesus: Sic eum volo manére, donec véniam, quid ad te? tu me séquere. Exiit ergo sermo iste inter fratres, quia discípulus ille non móritur. Et non dixit ei Jesus: Non móritur; sed: Sic eum volo manére, donec véniam: quid ad te? Hic est discípulus ille, qui testimónium pérhibet de his, et scripsit hæc: et scimus, quia verum est testimónium ejus.
Offertorium. Ps. 91, 13. Justus ut palma florébit: sicut cedrus, quæ in Líbano est, mulliplicábitur.
Secreta. Súscipe, Dómine, múnera, quæ in ejus tibi sollemnitate deférimus, cujus nos confídimus patrocínio libcrári. Per Dóminum.
Praefatio de Apostolis.
Sanctus, Benedictus, Agnus Dei.
Communio. Joann. 21, 23. Exiit sermo inter fratres, quod discípulus ille non móritur: et non dixit Jesus: Non móritur; sed: Sic eum volo manére, donec véniam.
Postcommunio. Refécti cibo potúque cœlésti, Deus noster, te súpplices deprecámur: ut, in cujus hæc commemoratióne percépimus, ejus muniámur et précibus. Per Dóminum.
✠ ✠ ✠
The Mass of Saint Geneviève, which I presume will be celebrated at Saint-Eugène. My recollection is that no parts of the Proper are at Gregobase. The livret for Holy Mass on this Sunday in 2021 is here... and I have just now realised that the texts provided at Introibo.fr are not identical to those used at Saint-E., tsk (and also that I did realise this last year, too). Have added the two Saint-E. orations that differ from what is given at Introibo but that'll be the extent of my fussing about this. My guess is that the Saint-E. texts are proper to Paris and that the Introibo texts are proper to France but, eh.
M le Curé is celebrating Holy Mass at Saint-Eugène today, the Mass Gaudens gaudebo in Domine of the Virgin Saint Genevieve (as supra in the libellus) with the commemoration of the Most Sacred Heart, it being the First Friday of the month. M Rigot is at the organ.
Introitus. Venerémur omnes in Dómino voce, corde, nisu toto, sanctitátem Genovéfæ virginis, de cujus commemoratióne cum ángelis gáudent pópuli, et colláudant Fílium Dei. Ps. 44, 1. Eructávit cor meum verbum bonum: dico ego ópera mea Regi. V. Glória Patri.
Kyrie, Gloria.
Oratio. Effúnde super nos, Dómine, spíritum agnitiónis et dilectiónis tuæ quo ancillam tuam Genovéfam implevistí, ut sédula ejus imitatíóne tibi sincére obsequéntes, fide tíbi et ópere placeámus. Per Dominum.
Kyrie, Gloria.
Oratio. Effúnde super nos, Dómine, spíritum agnitiónis et dilectiónis tuæ quo ancillam tuam Genovéfam implevistí, ut sédula ejus imitatíóne tibi sincére obsequéntes, fide tíbi et ópere placeámus. Per Dominum.
Oratio. Deus, qui nobis in Corde Fílii tui, nostris vulneráto peccátis, infinítos dilectiónis thesáuros misericórditer largíri dignáris: concéde, quǽsumus; ut, illi devótum pietátis nostræ præstántes obséquium, dignæ quoque satisfactiónis exhibeámus offícium. Per eúndem Dóminum nostrum.
Léctio Epístolæ beáti Pauli Apóstoli ad Corínthios.
2. Cor. 10, 17-18; 11, 1-2.
Fratres: Qui gloriátur, in Dómino gloriétur. Non enim, qui seípsum comméndat, ille probátus est ; sed quem Deus comméndat. Utinam sustinerétis módicum quid insipiéntiæ meæ, sed et supportáte me: aemulor enim vos Dei æmulatióne. Despóndi enim vos uni viro vírginem castam exhibére Christo.
Léctio Epístolæ beáti Pauli Apóstoli ad Corínthios.
2. Cor. 10, 17-18; 11, 1-2.
Fratres: Qui gloriátur, in Dómino gloriétur. Non enim, qui seípsum comméndat, ille probátus est ; sed quem Deus comméndat. Utinam sustinerétis módicum quid insipiéntiæ meæ, sed et supportáte me: aemulor enim vos Dei æmulatióne. Despóndi enim vos uni viro vírginem castam exhibére Christo.
Graduale. O pia sponsa Dei, mæstis, auróra diéi, virgo Francígena, o virgo dulcédine plena, ad te clamántes audi, nec sperne rogántes. V. Ps. 44, 8. Dilexísti justítiam, et odísti iniquitátem: proptérea unxit te Deus, Deus tuus, óleo lætítíæ.
Allelúia, allelúia. V. Genovéfa virgo clemens, te precántes áspice, tolle pondus culpæ præméntes hostes et clades ábige, ægrum corpus et cor gemens salúbriter réfice. Allelúia.
✠ Sequéntia sancti Evangélii secúndum Matthǽum.
Matth. 25, 1-13.
In illo témpore : Dixit Iesus discípulis suis parábolam hanc: Simile erit regnum cælórum decem virgínibus: quæ, accipiéntes lámpades suas, exiérunt óbviam sponso et sponsæ. Quinque autem ex eis erant fátuæ, et quinque prudéntes: sed quinque fátuæ, accéptis lampádibus, non sumpsérunt óleum secum: prudéntes vero accepérunt óleum in vasis suis cum lampádibus. Horam autem faciénte sponso, dormitavérunt omnes et dormiérunt. Média autem nocte clamor factus est: Ecce, sponsus venit, exíte óbviam ei. Tunc surrexérunt omnes vírgines illae, et ornavérunt lámpades suas. Fátuæ autem sapiéntibus dixérunt: Date nobis de óleo vestro: quia lámpades nostræ exstinguúntur. Respondérunt prudéntes, dicéntes: Ne forte non suffíciat nobis et vobis, ite pótius ad vendéntes, et émite vobis. Dum autem irent émere, venit sponsus : et quæ parátæ erant, intravérunt cum eo ad núptias, et clausa est iánua. Novíssime vero véniunt et réliquæ vírgines, dicéntes: Dómine, Dómine, áperi nobis. At ille respóndens, ait: Amen, dico vobis, néscio vos. Vigiláte ítaque, quia nescítis diem neque horam.
Credo, propter sollemnitatem Sanctae Patronae Parisiensis.
Offertorium. Prótege nos, quǽsumus, Dómine, per mérita sanctæ Genovéfæ ab ómnibus malórum angústiis; ut majestáti tuæ serviámus assídue, tandémque nobis te vidéndum et fruéndum dare velis.
Secreta ad Sanctum Eugenium. Offeréntibus tibi, Dómine, preces et múnera in honóre sanctæ Vírginis tuæ Genovéfæ: da nobis, ejus exémplo, perseveráre in innocéntia vitæ, in humilitáte poeniténtiæ, in mansuetúdine patiéntiæ. Per Dóminum.
Offertorium. Prótege nos, quǽsumus, Dómine, per mérita sanctæ Genovéfæ ab ómnibus malórum angústiis; ut majestáti tuæ serviámus assídue, tandémque nobis te vidéndum et fruéndum dare velis.
Secreta ad Sanctum Eugenium. Offeréntibus tibi, Dómine, preces et múnera in honóre sanctæ Vírginis tuæ Genovéfæ: da nobis, ejus exémplo, perseveráre in innocéntia vitæ, in humilitáte poeniténtiæ, in mansuetúdine patiéntiæ. Per Dóminum.
Secreta in Introibo. Interveniénte pro nobis beáta vírgine Genovéfa cleméntiam tuam depóscimus, omnípotens ætérne Deus: salútem animárum nostrárum páriter et córporum hæc hóstia sacrosáncta efficáciter operátur. Per Dominum.
Secreta. Réspice, quǽsumus, Dómine, ad ineffábilem Cordis dilécti Fílii tui caritátem : ut quod offérimus sit tibi munus accéptum et nostrórum expiátio delictórum. Per eúndem Dóminum.
Praefatio de Sanctis.
Vere dignum et justum est, æquum et salutáre nos tibi semper et ubíque grátias ágere, Dómine sancte, Pater omnípotens, ætérne Deus: Qui glorificáris in concílio Sanctórum, et eórum coronándo mérita, corónas dona tua: Qui nobis in eórum præbes, et conversatióne exémplum, et communióne consórtium et intercessióne subsídium: ut tantam habentesimpósitam nubem téstium, per patiéntiam currámus ad propósitum nobis certámen, et cum eis percipiámus immarcescíbilem glóriæ corónam: per Jesum Christum Dóminum nostrum, cujus sánguine ministrátur nobis intróitus in ætérnum regnum. Per quem majestátem tuam treméntes adórant Angeli et omnes Spirítuum cæléstium chori sócia exsultatióne concélebrant. Cum quibus et nostras voces ut admítti júbeas deprecámur, súpplici confessióne dicéntes:
Sanctus, Benedictus, Agnus Dei.
Communio. O Genovéfa, réspice nos pietátis óculo, consors lucis angélicæ, cælésti clara título, Regis assístens vúltui, nos Regi reconcília; da nobis sponso pérfrui, sponsa, sponsíque filia.
Postcommunio ad Sanctum Eugenium. Prosint nobis, Dómine, quæsumus, ad salútem mentis et córporis sacraménta quæ súmpsimus: ut sicut in beáta Genovéfa te mirábilem prædicámus; sic per ejus suffrágia tuæ sumámus beneficéntiæ largitátem. Per Dóminum.
Postcommunio in Introibo. Cælésti pane refécti, humíliter deprecámur cleméntíam tuam, Dómine Jesu Christe: ut per preces et mérita beátæ Genovéfæ vírginis tuæ, véniam delictórum, sospitátem córporum, gratiámque et glóriam ætérnam consequámur. Qui vivis.
Postcommunio. Prǽbeant nobis, Dómine Iesu, divínum tua sancta fervórem: quo dulcíssimi Cordis tui suavitáte percépta; discámus terréna despícere, et amáre cæléstia: Qui vivis et regnas.
✠ ✠ ✠
Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.
Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.
Laus Deo Virginique Matri
Comments
Post a Comment