Amen dico vobis, nisi convérsi fueritis, et efficiámini sicut párvuli, non intrábitis in regnum cœlórum...

Deus, qui in tuae caritatis exemplum, ad fidelium redemptionem sanctos Petrum et Raymundum Ecclesiam tuam nova prole fecundare divinitus docuisti: ipsorum nobis intercessione concede, a peccati servitute solutis, in coelesti patria perpetua libertate gaudere. Qui vivis et regnas.

Deus, qui sanctum Joánnem Confessórem tuum adolescentium patrem et magístrum excitásti, ac per eum, auxiliatríce Vírgine María, novas in Ecclésia tua famílias floréscere voluísti: concéde, quǽsumus; ut eódem caritátis igne succénsi, ánimas quǽrere, tibíque soli servíre valeámus. Per Dóminum.

Today is Friday in the 3rd week post Epiphaniam, the final day of January, and, from Divino afflatu forward, the feast of the Confessor Saint John Bosco, the founder of the Salesians; the Mass is Dedit illi Deus sapientiam. It looks as if the day was a feria from 1570 until the inclusion of Saint Peter Nolasco in the Kalendarium at some point prior to 1888 (well, the lesson says this was done by Alexander VII, who reigned from 1655 to 1667). 

At Le Barroux, there is a Mass (in the 1923 Proprium Sanctorum) of Saints Peter Nolasco and Raymund de Peñafort with a commemoration of Saint John Bosco, all three Confessors of the Faith. I looked the other day but cannot for the life of me this evening (it is Thursday before Compline) remember what it is. I suppose I will add the Mass sung at Le Barroux and then infra the Mass of Saint John Bosco.

Introitus. Sap. 3, 8. Judicant Sancti gentes, et dominantur populis: et regnabit Dominus illorum in perpetuum. Ps. 32, 1. Exsultate, justi, in Domino: rectos decet collaudatio. V. Gloria Patri.

Oratio. Deus, qui in tuae caritatis exemplum, ad fidelium redemptionem sanctos Petrum et Raymundum Ecclesiam tuam nova prole fecundare divinitus docuisti: ipsorum nobis intercessione concede, a peccati servitute solutis, in coelesti patria perpetua libertate gaudere. Qui vivis et regnas.

Oratio. Deus, qui sanctum Joánnem Confessórem tuum  adolescentium patrem et magístrum excitásti, ac per eum, auxiliatríce Vírgine María, novas in Ecclésia tua famílias floréscere voluísti: concéde, quǽsumus; ut eódem caritátis igne succénsi, ánimas quǽrere, tibíque soli servíre valeámus. Per Dóminum.

Lectio Epistola beati Pauli Apostoli ad Corinthios.
1 Cor. 4, 9-14.

Graduale. Ps. 149, 5. Exsultabunt sancti in gloria, laetabuntur in cubilibus suis. V. Ibid., 1. Cantate Domino canticum novum, laus ejus in ecclesia sanctorum.

Alleluja, alleluja. V. Ps. 67, 4. Justi epulentur, et exsultent in conspectu Dei: et delectentur in laetitia. Alleluja.

✠ Sequentia sancti Evangelii secundum Lucam.
Luc. 12, 32-34.

Offertorium. Ps. 149, 5-6. Exsultabunt Sancti in gloria, laetabuntur in cubilibus suis: exaltationes Dei in faucibus eorum.

Secreta. Praesta nobis, quaesumus, omnipotens Deus: ut nostrae humilitatis oblatio, et pro tuorum tibi grata sit honore Sanctorum, et nos corpore pariter et mente purificet. Per Dominum.

Secreta. Súscipe, Dómine, oblatiónem mundam salutáris Hóstiæ, et præsta: ut, te in ómnibus et super ómnia diligéntes, in glóriæ tuæ laudem vívere mereámur. Per Dóminum.

Sanctus, Benedictus, Agnus Dei.

Communio. Matth. l9, 28-29. Amen, dico vobis, quod vos, qui reliquistis omnia, et secuti estis me, centuplum accipietis, et vitam aeternam possidebitis.

Postcommunio. Sanctorum tuorum. Domine, intercessione placatus: praesta, quaesumus; ut, quae temporali celebramus actione, perpetua salvatione capiamus. Per Dominum.

Postcommunio. Córporis et Sánguinis tui, Dómine, mystério satiátis, concéde, quǽsumus; ut, intercedénte sancto Joánne Confessóre tuo, in gratiárum semper actióne maneámus: Qui vivis.

✠   ✠   ✠

The Mass of the Confessor Saint John Bosco; it will be said at Saint-E., presumably.

Introitus. 3. Reg. 4, 29. Dedit illi Deus sapiéntiam, et prudéntiam multam nimis, et latitúdinem cordis, quasi arénam quæ est in líttore maris. Ps. 112, 1. Laudáte, pueri, Dóminum, laudáte nomen Dómini. V. Glória Patri.

Kyrie, Gloria.

Oratio. Deus, qui sanctum Joánnem Confessórem tuum  adolescentium patrem et magístrum excitásti, ac per eum, auxiliatríce Vírgine María, novas in Ecclésia tua famílias floréscere voluísti: concéde, quǽsumus; ut eódem caritátis igne succénsi, ánimas quǽrere, tibíque soli servíre valeámus. Per Dóminum.

Léctio Epístolæ beáti Pauli Apóstoli ad Philippénses.
Philipp. 4, 4-9.
Fratres: Gaudéte in Dómino semper: íterum dico, gaudéte. Modéstia vestra nota sit ómnibus homínibus: Dóminus prope est. Nihil sollíciti sitis; sed in omni oratióne et obsecratióne, cum gratiárum actióne, petitiónes vestræ innotéscant apud Deum. Et pax Dei quæ exsúperat omnem sensum, custódiat corda vestra et intelligéntias vestras, in Christo Jesu. De cetero, fratres, quæcúmque sunt vera, quæcúmque púdica, quæcúmque justa, quæcúmque sancta, quæcúmque amabília, quæcúmque bonæ famæ, si qua virtus, si qua laus disciplínæ, hæc cogitáte. Quæ et didicístis, et accepístis, et audístis, et vidístis in me, hæc agite: et Deus pacis erit vobíscum.

Graduale. Ps. 36, 3-5. Spera in Dómino, et fac bonitátem, et inhábita terram, et pascéris in divítiis ejus. V. Delectáre in Dómino, et dabit tibi petitiónes cordis tui; revéla Dómino viam tuam et spera in eo, et ipse fáciet.

Allelúja, allelúja. V. Ps. 73, 21. Pauper et inops laudábunt nomen tuum. Allelúja.

✠ Sequéntia sancti Evangélii secúndum Matthǽum.
Matth. 18, 1-5.
In illo témpore: Accessérunt discípuli ad Jesum dicéntes: Quis, putas, major est in regno cælórum? Et advocans Jesus párvulum, státuit eum in médio eórum, et dixit: Amen dico vobis, nisi convérsi fueritis, et efficiámini sicut párvuli, non intrábitis in regnum cœlórum. Quicúmque ergo humiliáverit se sicut párvulus iste, hic est major in regno cœlórum. Et qui suscéperit unum párvulum talem in nómine meo, me súscipit.

Offertorium. Ps. 33, 12. Veníte, fílii, audíte me: timórem Dómini docébo vos.

Secreta. Súscipe, Dómine, oblatiónem mundam salutáris Hóstiæ, et præsta: ut, te in ómnibus et super ómnia diligéntes, in glóriæ tuæ laudem vívere mereámur. Per Dóminum.

Sanctus, Benedictus, Agnus Dei.

Communio. Rom. 4, 18. Contra spem in spem crédidit, ut fíeret pater multárum géntium, secúndum quod dictum est ei.

Postcommunio. Córporis et Sánguinis tui, Dómine, mystério satiátis, concéde, quǽsumus; ut, intercedénte sancto Joánne Confessóre tuo, in gratiárum semper actióne maneámus: Qui vivis.

✠   ✠   ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri

Abbaye Sainte-Madeleine du Barroux, Saint-Eugène-Sainte-Cécile