O clavis David et sceptrum domus Israël; qui áperis, et nemo claudit; claudis, et nemo áperit: veni, et educ vinctum de domo cárceris, sedéntem in ténebris, et umbra mortis...

Da, quǽsumus, omnípotens Deus: ut beáti Thomæ Apóstoli tui, quam prævenímus, veneránda sollémnitas, et devotiónem nobis áugeat et salútem. Per Dóminum.

Excita, quǽsumus, Dómine, poténtiam tuam, et veni: ut hi, qui in tua pietáte confídunt, ab omni cítius adversitáte liberéntur: Qui vivis.

Prope est jam Dóminus, veníte, adorémus.

Today is the Friday Ember Day in Advent. The Office is of the Advent feria; the Mass of the (notional) Vigil of Saint Thomas is Ego autem sicut olíva fructífera. At Le Barroux and at Saint-Eugène, the Mass of the Ember Day was celebrated, Prope es tu Domine. 

Once Pius XII imposed his delightful regime of novelties the antiphon maior of the 20th, O clavis David et sceptrum domus Israël, became the antiphon of the commemoration of the Advent feria (instead of the Magnificat antiphon). This is done tomorrow also, traditionally this time, for the feast itself: the antiphon maior of the 21st, O Óriens splendor lucis ætérnæ becomes the antiphon of the commemoration, in this case of the 4th Sunday in Advent since the 2nd Vespers of the Holy Apostle and the 1st Vespers of the Sunday coincide. (The Saturday Ember Day Mass, Veni et osténde nobis fáciem tuam Dómine, is only commemorated on the feast of the Holy Apostle.)

Statio ad Sanctos Duodecim Apostolos

Introitus. Ps. 118, 151–152. Prope es tu, Dómine, et omnes viæ tuæ véritas: inítio cognóvi de testimóniis tuis, quia in ætérnum tu es. Ps. ibid., 1. Beati immaculáti in via: qui ámbulant in lege Dómini. ℣. Glória Patri.

Kyrie.

Oratio. Excita, quǽsumus, Dómine, poténtiam tuam, et veni: ut hi, qui in tua pietáte confídunt, ab omni cítius adversitáte liberéntur: Qui vivis. 

Oratio. Da, quǽsumus, omnípotens Deus: ut beáti Thomae Apóstoli tui, quam prævenímus, veneránda sollémnitas, et devotiónem nobis áugeat et salútem. Per Dóminum.

Léctio Isaíæ Prophétæ.
Is. 11, 1–5.
Hæc dicit Dóminus Deus: Egrediátur virga de radíce Jesse, et flos de radíce ejus ascéndet. Et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et pietátis; et replébit eum spíritus timóris Domini. Non secundum visiónem oculórum judicábit: neque secundum audítum áurium árguet: sed judicábit in justítia páuperes, et árguet in æquitáte pro mansuétis terræ: et percútiet terram virga oris sui, et spíritu labiórum suórum interfíciet ímpium. Et erit justítia cíngulum lumbórum ejus: et fides cinctórium renum ejus.

Graduale. Ps. 84, 8 et 2. Osténde nobis, Dómine, misericórdiam tuam: et salutáre tuum da nobis. ℣. Benedixísti, Dómine, terram tuam: avertísti captivitátem Jacob.

✠ Sequéntia sancti Evangélii secúndum Lucam.
Luc. 1, 39–47.
In illo tempore: Exsúrgens María ábiit in montána cum festinatióne in civitátem Juda: et intrávit in domum Zacharíæ, et salutávit Elísabeth. Et factum est, ut audivit salutatiónem Maríæ Elísabeth, exsultávit infans in útero ejus: et repléta est Spíritu Sancto Elísabeth, et exclamávit voce magna, et dixit: Benedícta tu inter mulíeres, et benedíctus fructus ventris tui. Et unde hoc mihi, ut véniat Mater Dómini mei ad me? Ecce enim, ut facta est vox salutatiónis tuæ in áuribus meis, exsultávit in gáudio infans in útero meo. Et beáta, quæ credidísti, quóniam perficiéntur ea, quæ dicta sunt tibi a Dómino. Et ait María: Magníficat anima mea Dóminum: et exsultávit spiritus meus in Deo, salutári meo.

The Schola is singing the Rorate coeli desuper at the Offertory.

Offertorium. Ps. 84, 7–8. Deus, tu convérsus vivificábis nos, et plebs tua lætábitur in te: osténde nobis, Dómine, misericórdiam tuam, et salutáre tuum da nobis.

Secreta. Munéribus nostris, quǽsumus, Dómine, precibúsque suscéptis: et cœléstibus nos munda mystériis, et cleménter exáudi. Per Dóminum. 

Secreta. Apostólici reveréntia cúlminis offeréntes tibi sacra mystéria, Dómine, quǽsumus: ut beáti Thomae Apóstoli tui suffrágiis, cujus natalícia prævenímus; plebs tua semper et sua vota deprómat, et desideráta percípiat. Per Dóminum.

Sanctus, Benedictus, Agnus Dei.

The Schola sang the Communio with its verses.

Communio. Zach. 14, 5–0. Ecce, Dóminus véniet et omnes Sancti ejus cum eo: et erit in die illa lux magna.

Postcommunio. Tui nos, Dómine, sacraménti libátio sancta restáuret: et a vetustáte purgátos, in mystérii salutáris fáciat transíre consortium. Per Dóminum. Postcommunio. Sancti Apóstoli tui Thomae, quǽsumus. Dómine, supplicatióne placátus: et veniam nobis tríbue, et remédia sempitérna concéde. Per Dóminum. 

At Vespers, the fourth of the antiphones maiores is sung:

O clavis David et sceptrum domus Israël; qui áperis, et nemo claudit; claudis, et nemo áperit: veni, et educ vinctum de domo cárceris, sedéntem in ténebris, et umbra mortis.

Solesmes, 1934.

Dominican Rite, 1933.

✠  ✠  ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri