Dum médium siléntium tenérent ómnia, et nox in suo cursu médium iter háberet, omnípotens Sermo tuus, Dómine, de cœlis a regálibus sédibus venit...

Omnípotens sempitérne Deus, dírige actus nostros in  beneplácito tuo: ut in nómine dilécti Fílii tui mereámur bonis opéribus abundáre: Qui tecum.

Concéde, quǽsumus, omnípotens Deus: ut nos Unigéniti tui nova per carnem Natívitas líberet; quos sub peccáti jugo vetústa sérvitus tenet. Per eúndem Dóminum.

Today is Sunday infra Octavam Nativitatis Domini, the 5th day infra Octavam this year, the 4th day infra Octavam Sancti Stephani Protomartyris, the 3rd infra Octavam Sancti Ioannis Apostoli et Evangelistae, and the 2nd infra Octavam Sanctorum Innocentium Martyrum. The Mass is Dum medium silentium tenerent omnia. The Liturgia page for today is here; the libellus for Holy Mass is here, and the one for Vespers is here. 

Today is the feast of Saint Thomas of Canterbury, Bishop and Martyr. Before 1906, the feast was transferred to tomorrow. Beginning in 1906, it was commemorated at today's Mass. From the 1960 nonsense of Ioannes XXIII forward it's evidently not celebrated at all in years when the Sunday occurs on the 29th (the Mass isn't sung tomorrow at Le Barroux, alas). My own private rubric would be that any of the Holy Ones whose Mass enjoys the Gaudeamus has to be celebrated.

Introitus. Sap. 18, 14-15. Dum médium siléntium tenérent ómnia, et nox in suo cursu médium iter háberet, omnípotens Sermo tuus, Dómine, de cœlis a regálibus sédibus venit. Ps. 92, 1. Dóminus regnávit, decórem indútus est: indútus est Dóminus fortitúdinem, et præcínxit se. V. Glória Patri.

Kyrie, Gloria.

Oratio. Omnípotens sempitérne Deus, dírige actus nostros in  beneplácito tuo: ut in nómine dilécti Fílii tui mereámur bonis opéribus abundáre: Qui tecum.

Oratio. Concéde, quǽsumus, omnípotens Deus: ut nos Unigéniti tui nova per carnem Natívitas líberet; quos sub peccáti jugo vetústa sérvitus tenet. Per eúndem Dóminum.

Lectio Epístolæ beati Pauli Apostoli ad Gálatas.
Gal. 4, 1-7.
Patres: Quanto témpore heres párvulus est, nihil differt a servo, cum sit dóminus ómnium: sed sub tutóribus et actóribus est usque ad præfinítum tempus a patre: ita et nos, cum essémus párvuli, sub eleméntis mundi erámus serviéntes. At ubi venit plenitúdo témporis, misit Deus Fílium suum, factum ex mulíere, factum sub lege, ut eos, qui sub lege erant, redímeret, ut adoptiónem filiórum reciperémus. Quóniam autem estis fílii, misit Deus Spíritum Fílii sui in corda vestra, clamántem: Abba, Pater. Itaque jam non est servus, sed fílius: quod si fílius, et heres per Deum.

Graduale. Ps. 44, 3 et 2. Speciósus forma præ filiis hóminum: diffúsa est gratia in lábiis tuis. ℣. Eructávit cor meum verbum bonum, dico ego ópera mea Regi: lingua mea cálamus scribæ, velóciter scribéntis.

Allelúja, allelúja. ℣. Ps. 92, 1. Dóminus regnávit, decórem índuit: índuit Dóminus fortitúdinem, et præcínxit se virtúte. Allelúja.

Sequentia.

Votis Pater annuit:
Justum pluunt sidera:
Salvatorem genuit
Intacta puerpera:
Homo Deus nascitur.

Superum concentibus
Panditur mysterium:
Nos mixti pastoribus
Cingamus præsepium
In quo Christus ponitur.

Tu lumen de lumine
Ante solem funderis:
Tu numen de Numine
Ab æterno gigneris,
Patri par progenies.

Tantus es! et superis,
Quæ te premit caritas,
Sedibus delaberis:
Ut surgat infirmitas
Infirmus humi jaces.

Quæ nocens debueram
Innocens exequeris:
Tu legi quam spreveram,
Legifer subjiceris:
Sic doces justitiam!

Cœlum cui regia,
Stabulum non respuis;
Qui donas imperia,
Servi formam induis:
Sic teris superbiam.

Nobis ultro similem
Te præbes in omnibus:
Debilibus debilem,
Mortalem mortalibus:
His trahis nos vinculis!

Cum ægris confunderis,
Morbi labem nesciens;
Pro peccato pateris
Peccatum non faciens:
Hoc uno dissimilis.

Summe Pater, Filium
Qui mittis ad hominem,
Gratiæ principium,
Salutis originem,
Da Jesum cognoscere.

Cujus igne cœlitus
Caritas accenditur,
Ades, alme Spiritus:
Qui pro nobis nascitur,
Da Jesum diligere.
Amen. Alleluia.

✠ Sequéntia sancti Evangélii secundum Lucam.
Luc. 2, 33-40.
In illo témpore: Erat Joseph et Maria Mater Jesu, mirántes super his quæ dicebántur de illo. Et benedíxit illis Símeon, et dixit ad Maríam Matrem ejus: Ecce, pósitus est hic in ruínam et in resurrectiónem multórum in Israël: et in signum, cui contradicétur: et tuam ipsius ánimam pertransíbit gládius, ut reveléntur ex multis cordibus cogitatiónes. Et erat Anna prophetíssa, fília Phánuel, de tribu Aser: hæc procésserat in diébus multis, et víxerat cum viro suo annis septem a virginitáte sua. Et hæc vídua usque ad annos octogínta quátuor: quæ non discedébat de templo, jejúniis et obsecratiónibus sérviens nocte ac die. Et hæc, ipsa hora supervéniens, confitebátur Dómino, et loquebátur de illo ómnibus, qui exspectábant redemptiónem Israël. Et ut perfecérunt ómnia secúndum legem Dómini, revérsi sunt in Galilǽam in civitátem suam Názareth. Puer autem crescébat, et confortabátur, plenus sapiéntia: et grátia Dei erat in illo.

Credo.

Not going to spend much time wondering about that enim, ha. The Dominican version at Gregobase is without it.

The Schola sang a trope on the Benedicamus Domino during the incensings at the Offertory, Puer natus in Bethlehem; the text is from the processionale (ca 1280-1320) of the Abbey of Saint George at Prague set to a modern (and familiar) melody. 

Puer natus in Bethleem, alleluia,
Unde gaudet Jerusalem, allelúia, allelúia.

R/. In cordis júbilo,
Christum natum adorémus,
Cum novo cántico.

Assúmpsit cárnem Fílius, allelúia,
Déi Pátris altíssimus, allelúia, allelúia.

Per Gabriélem núntium, allelúia,
Vírgo concépit Fílium, allelúia, allelúia.

Tamquam spónsus de thálamo, allelúia,
Procéssit Mátris útero, allelúia, allelúia.

Hic jacet in præsépio, alleluia,
Qui regnat sine término, alleluia, alleluia.

Cognóvit bos et asinus, alleluia,
Quod puer erat Dóminus, alleluia, alleluia.

Et Angelus pastóribus, alleluia,
Revélat quod sit Dóminus, alleluia, alleluia.

Reges de Saba véniunt
Aurum, thus, myrrham ófférunt.

Intrántes dómum ínvicem, allelúia,
Nóvum salútant Príncipem, allelúia, allelúia.

De Mátre nátus Vírgine, allelúia,
Qui lúmen est de lúmine, allelúia, allelúia.

Sine serpéntis vúlnere, alleluia,
De nostro venit sánguine, alleluia, alleluia.

In carne nobis símilis, alleluia,
Peccáto sed dissímilis, alleluia, alleluia.

Ut redderet nos hómines, alleluia,
Deo et sibi símiles, alleluia, alleluia.

In hoc natáli gáudio: alleluia,
BENEDICÁMVS DÓMINO, alleluia, alleluia.

Laudétur sancta Trinitas, alleluia,
DEO dicámus GRATIAS, alleluia, alleluia.

Offertorium. Ps. 92, 1-2. Deus firmávit orbem terræ, qui non commovébitur: paráta sedes tua, Deus, ex tunc, a sǽculo tu es. 

Secreta. Concéde, quǽsumus, omnípotens Deus: ut óculis tuae majestátis munus oblátum, et grátiam nobis piæ devotiónis obtineat, et efféctum beátæ perennitátis acquírat. Per Dóminum.

Secreta. Obláta, Dómine, múnera, nova Unigéniti tui Nativitate sanctífica: nosque a peccatórum nostrórum máculis emúnda. Per eúndem Dóminum.

Præfatio de Nativitate.

Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Quia per incarnáti Verbi mystérium nova mentis nostræ óculis lux tuæ claritátis infúlsit: ut, dum visibíliter Deum cognóscimus, per hunc in invisibílium amorem rapiámur. Et ídeo cum Angelis et Archángelis, cum Thronis et Dominatiónibus cumque omni milítia cæléstis exércitus hymnum glóriæ tuæ cánimus, sine fine dicéntes:

Sanctus, Benedictus.

At the Elevation, the O salutaris Hostia of Dr de Villiers was sung, based on a theme from the old carol A la venue de Noël. 

Agnus Dei.

Communio. Matth. 2, 20. Tolle Púerum et Matrem ejus, et vade in terram Israël: defúncti sunt enim, qui quærébant ánimam Púeri.

Postcommunio. Per hujus, Dómine, operatiónem mystérii, et vitia nostra purgéntur, et justa desidéria compleántur. Per Dóminum.

Postcommunio. Præsta, quǽsumus, omnípotens Deus: ut natus hodie Salvátor mundi, sicut divínæ nobis generatiónis est auctor; ita et immortalitátis sit ipse largítor: Qui tecum vivit et regnat.

The traditional, 18th century, Norman noël, harmonised by Dr de Villiers, sung at the departure of the clergy from the sanctuary.

Silence, ciel! Silence terre!
Demeurez dans l’étonnement;
Un Dieu pour nous se fait enfant:
L’amour vainqueur en ce mystère
Le captive aujourd’hui,
Tandis que toute la terre est à lui.

Disparaissez, ombres, figures,
Faites place à la vérité:
De notre Dieu l’humanité
Vient accomplir les Ecritures.
Il naît pauvre aujourd’hui,
Tandis que toute la terre est à lui.

A minuit, une Vierge mère
Produit cet astre lumineux:
A ce moment miraculeux,
Nous appelons Dieu notre frère.
Qui croirait aujourd’hui
Hélas ! que toute la terre est à lui?

Il a pour palais une étable,
Pour courtisans deux animaux,
Pour lit la paille et les roseaux;
Et c’est cet état lamentable
Qu’il choisit aujourd’hui,
Tandis que toute la terre est à lui.

Glaçons, frimas, saison cruelle,
Suspendez donc votre rigueur;
Vous faites souffrir votre auteur,
Qui veut, de sa gloire éternelle,
S’abaisser aujourd’hui,
Tandis que toute la terre est à lui.

Venez pasteurs, en diligence,
Adorez votre Dieu Sauveur;
Il est jaloux de votre cœur,
Il vous donne la préférence
Sur les rois aujourd’hui,
Tandis que toute la terre est à lui.

Et nous aussi, pleins d’allégresse,
Volons au berceau de Jésus,
Mettre à ses pieds tous les tributs
De l’amour et de la tendresse;
Tous ensemble aujourd’hui
Chantons que toute la terre est à lui.

Noël, Noël, en cette fête,
Noël, Noël, avec ardeur
Noël, Noël, au Dieu Sauveur
Faisons de nos cœurs sa conquête.
Chantons tous aujourd’hui
Noël par toute la terre,
Car toute la terre est à lui.

✠  ✠  ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri

I'll leave Saint Thomas's Mass here but will probably include it on tomorrow's pagina too.

Introitus. Gaudeámus omnes in Dómino, diem festum celebrántes sub honóre beáti Thomæ Mártyris: de cujus passióne gaudent Angeli et colláudant Fílium Dei. Ps. 32, 1. Exsultáte, justi, in Dómino: rectos decet collaudátio. ℣. Glória Patri.

Kyrie, Gloria.

Oratio. Deus, pro cujus Ecclésia gloriósus Póntifex Thomas gládiis impiórum occúbuit: præsta, quǽsumus; ut omnes, qui ejus implórant auxílium, petitiónis suæ salutárem consequántur efféctum. Per Dóminum.

Oratio. Concéde, quǽsumus, omnípotens Deus: ut nos Unigéniti tui nova per carnem Natívitas líberet; quos sub peccáti jugo vetústa sérvitus tenet. Per eúndem Dóminum.

Léctio Epístolæ beáti Pauli Apóstoli ad Hebrǽos.
Hebr. 5, 1-6.
Fratres: Omnis póntifex ex homínibus assúmptus, pro homínibus constitúitur in iis, quæ sunt ad Deum: ut ófferat dona, et sacrifícia pro peccátis: qui condolére possit iis, qui ígnorant et errant: quóniam et ipse circúmdatus est infirmitáte: et proptérea debet, quemádmodum pro pópulo, ita étiam et pro semetípso offérre pro peccátis. Nec quisquam sumit sibi honórem, sed qui vocátur a Deo, tamquam Aaron. Sic et Christus non semetípsum clarificávit, ut Póntifex fíeret: sed qui locútus est ad eum: Fílius meus es tu, ego hódie génui te. Quemádmodum et in álio loco dicit: Tu es sacérdos in ætérnum, secúndum órdinem Melchísedech.

Graduale. Eccli. 44, 16. Ecce sacérdos magnus, qui in diébus suis plácuit Deo. ℣. Ib., 20. Non est invéntus símilis illi, qui conserváret legem Excélsi.

Allelúja, allelúja, ℣. Joann. 10, 14. Ego sum pastor bonus: et cognósco oves meas, et cognóscunt me meæ. Allelúja.

✠ Sequéntia sancti Evangélii secundum Joannem.
Joann. 10, 11-16.
In illo témpore: Dixit Jesus pharisǽis: Ego sum pastor bonus. Bonus pastor ánimam suam dat pro óvibus suis. Mercennárius autem, et qui non est pastor, cujus non sunt oves própriæ, videt lupum veniéntem, et dimíttit oves et fugit: et lupus rapit et dispérgit oves; mercennárius autem fugit, quia mercennárius est et non pértinet ad eum de óvibus. Ego sum pastor bonus: et cognósco meas et cognóscunt me meæ. Sicut novit me Pater, et ego agnósco Patrem, et ánimam meam pono pro óvibus meis. Et álias oves hábeo, quæ non sunt ex hoc ovíli: et illas opórtet me addúcere, et vocem meam áudient, et fiet unum ovíle et unus pastor.

Credo, ratione Octavæ.

Offertorium. Ps. 20, 4-5. Posuísti, Dómine, in capite ejus corónam de lápide pretióso: vitam pétiit a te, et tribuísti ei, allelúja.

Secreta. Múnera tibi, Dómine, dicáta sanctífica: et, intercedénte beáto Thoma Mártyre tuo atque Pontífice, per éadem nos placátus inténde. Per Dóminum.

Secreta. Obláta, Dómine, múnera, nova Unigéniti tui Nativitáte sanctífica: nosque a peccatórum nostrórum máculis emúnda. Per eúndem Dóminum.

Præfatio de Nativitate, ratione Octavæ.

Sanctus, Benedictus, Agnus Dei.

Communio. Joann. 10, 14. Ego sum pastor bonus: et cognósco oves meas, et cognóscunt me meæ.

Postcommunio. Hæc nos commúnio, Dómine, purget a crímine: et, intercedénte beáto Thoma Mártyre tuo atque Pontífice, cœléstis remédii fáciat esse consórtes. Per Dóminum.

Postcommunio. Præsta, quǽsumus, omnípotens Deus: ut natus hódie Salvátor mundi, sicut divínæ nobis generatiónis est auctor; ita et immortalitátis sit ipse largítor: Qui tecum vivit et regnat.