Vidi sanctam civitátem Jerúsalem novam descendéntem de cœlo a Deo, parátam sicut sponsam ornátam viro suo...

Deus, qui nobis per síngulos annos hujus sancti templi tui consecratiónis réparas diem, et sacris semper mystériis repæséntas incólumes: exáudi preces pópuli tui, et præsta; ut, quisquis hoc templum benefícia petitúrus ingréditur, cuncta se impetrásse lætétur. Per Dóminum.

Today is Saturday in the 24th week post Pentecosten, the 1st of November, and the 4th quae superfuit post Epiphaniam. It is the feast of the Dedication of the Archbasilica (the Basilica aurea, as Saint Gregory the Great called it) of the Most Holy Savior and of Saints John the Baptist and John the Evangelist in Laterano, 'quæ omnium Urbis et Orbis Ecclesiarum est mater et caput'. The feast of the Martyr Saint Theodore is commemorated in the Roman tradition but not at Le Barroux.

The Liturgia page (it is wonderfully informative) for today's feast is here. The libellus of the Holy Mass is here. Probably I won't interrupt the night's sleep at 0200 but I may. 

Introitus. Gen. 28, 17. Terríbilis est locus iste: hic domus Dei est et porta cœli: et vocábitur aula Dei. Ps. 83, 2-3. Quam dilécta tabernácula tua, Dómine virtútum! concupíscit, et déficit ánima mea in átria Dómini. ℣. Glória Patri.

Kyrie, Gloria.

Oratio. Deus, qui nobis per síngulos annos hujus sancti templi tui consecratiónis réparas diem, et sacris semper mystériis repæséntas incólumes: exáudi preces pópuli tui, et præsta; ut, quisquis hoc templum benefícia petitúrus ingréditur, cuncta se impetrásse lætétur. Per Dóminum.

Oratio. Deus, qui nos beáti Theodóri Mártyris tui confessione gloriósa circúmdas et prótegis: præsta nobis ex ejus imitatione profícere, et oratióne fulcíri. Per Dóminum.

Léctio libri Apocalýpsis beáti Joánnis Apóstoli.
Apoc. 21, 2-5.
In diébus illis: Vidi sanctam civitátem Jerúsalem novam descendéntem de cœlo a Deo, parátam sicut sponsam ornátam viro suo. Et audívi vocem magnam de throno dicéntem: Ecce tabernáculum Dei cum homínibus, et habitábit cum eis. Et ipsi pópulus ejus erunt, et ipse Deus cum eis erit eórum Deus: et abstérget Deus omnem lácrimam ab óculis eórum: et mors ultra non erit, neque luctus neque clamor neque dolor erit ultra, quia prima abiérunt. Et dixit, qui sedébat in throno: Ecce, nova fácio ómnia.

Graduale. Locus iste a Deo factus est, inæstimábile sacraméntum, irreprehensíbilis est. ℣. Deus, cui astat Angelórum chorus, exáudi preces servórum tuórum.

Allelúja, allelúja. ℣. Ps. 137, 2. Adorábo ad templum sanctum tuum: et confitébor nómini tuo. Allelúja.

At Saint-Eugène, the sequence Jerusalem et Sion filiae attributed to Adam of Saint-Victor and used from the 12th century in the Church of Paris was sung. It is, however, not included among those judged 'authentic' as presented by Dr Juliet Mousseau RSCJ in her 2013 edition and translation; I forget which editions she relies on-- the 'famous' more or less recent ones.

IERVSALEM et Sion fíliæ,

Cœtus omnis fidélis cúriæ,

Melos pangant jugis lætítiæ.

Allelúia.

CHRISTVS enim norma justítiæ

Matrem nostram despónsat hódie,

Quam de lacu traxit misériæ

Ecclésiam.

HANC sánguinis et aquæ múnere,

Dum pénderet in crucis árbore,

De próprio prodúxit látere

Deus homo.

FORMARETVR ut sic Ecclésia,

Figurátur in prima fémina,

Quæ de costis Adæ est édita

Mater Eva.

EVA fuit novérca pósteris;

Hæc est mater elécti géneris,

Vitæ portus, ásylum míseris,

Et tutéla.

HÆC est cymba qua tuti véhimur;

Hoc ovíle quo tecti cóndimur;

Hæc cólumna, qua firmi nítimur

Veritátis.

O sólemnis festum lætítiæ,

Quo únitur Christus Ecclésiæ,

In quo nostræ salútis núptiæ

Celebrántur.

IVSTIS inde solvúntur præmia,

Lapsis autem donátur vénia,

Et sanctórum augéntur gáudia

Angelórum.

AB æterno fons sapiéntiæ,

Intúitu solíus grátiæ,

Sic prævídit in rerum série

Hæc futúra.

CHRISTVS jungens nos suis núptiis,

Recréatos veris delíciis,

Intéresse fáciat gáudiis

Electórum.

Amen. Alleluia

✠ Sequéntia sancti Evangélii secúndum Lucam.
Luc. 19, 1-10.
In illo témpore: Ingréssus Jesus perambulábat Jéricho. Et ecce, vir nómine Zachǽus: et hic princeps erat publicanórum, et ipse dives: et quærébat vidére Jesum, quis esset: et non póterat præ turba, quia statúra pusíllus erat. Et præcúrrens ascéndit in arborem sycomorum, ut vidéret eum; quia inde erat transitúrus. Et cum venísset ad locum, suspíciens Jesus vidit illum, et dixit ad eum: Zachǽe, féstinans descénde; quia hódie in domo tua opórtet me manére. Et féstinans descéndit, et excépit illum gaudens. Et cum vidérent omnes, murmurábant, dicéntes, quod ad hóminem peccatórem divertísset. Stans autem Zachǽus, dixit ad Dóminum: Ecce, dimídium bonórum meórum, Dómine, do paupéribus: et si quid áliquem defraudávi, reddo quádruplum. Ait Jesus ad eum: Quia hódie salus dómui huic facta est: eo quod et ipse fílius sit Abrahæ. Venit enim Fílius hóminis quǽrere et salvum fácere, quod períerat.

Credo.

Offertorium. 1. Paral. 29, 17 et 18. Dómine Deus, in simplicitate cordis mei lætus óbtuli univérsa; et pópulum tuum, qui repertus est, vidi cum ingénti gáudio: Deus Israël, custódi hanc voluntátem, allelúja.

Secreta. Annue, quǽsumus, Dómine, précibus nostris: ut, dum hæc vota præséntia réddimus, ad ætérna prǽmia, te adjuvánte, perveníre mereámur. Per Dóminum.

Secreta. Súscipe, Dómine, fidélium preces cum oblatiónibus hostiárum: et, intercedénte beáto Theodóro Mártyre tuo, per hæc piæ devotiónis offícia ad cœléstem glóriam transeámus. Per Dóminum.

Præfatio in Dedicatione.

Vere dignum et iustum est, æquum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus: Qui hanc oratiónis domum, quam ædificávimus, bonórum ómnium largítor inhábitas, et Ecclésiam, quam ipse fundásti, incessábili operatióne sanctíficas. Hæc est enim vere domus oratiónis, visibílibus ædifíciis adumbráta, templum habitatiónis glóriæ tuæ, sedes incommutábilis veritátis, sanctuárium ætérnæ caritátis. Hæc est arca, qui nos a mundi eréptos dilúvio, in portu salútis indúcit. Hæc est dilécta et única sponsa, quam acquisívit Christus sánguine suo, quam vivíficat Spíritu suo, cuius in sinu renáti per grátiam tuam, lacte verbi páscimur, pane vitæ roborámur, misericórdiæ tuæ subsídiis confovémur. Hæc fidéliter in terris, Sponso adiuvánte, mílitat, et perénniter in cælis, ipso coronánte, triúmphat. Et ídeo cum Angelis et Archángelis, cum Thronis et Dominatiónibus, cumque omni milítia cœléstis exércitus, hymnum glóriæ tuæ cánimus, sine fine dicéntes:

Sanctus, Benedictus, Agnus Dei.

Communio. Matth. 21, 13. Domus mea domus oratiónis vocábitur, dicit Dóminus: in ea omnis, qui pétii, accipit; et qui quærit, invénit; et pulsánti aperiétur.

Postcommunio. Deus, qui de vivis et electis lapídibus ætérnum majestáti tuæ prǽparas habitáculum: auxiliáre pópulo tuo supplicánti; ut, quod Ecclésiæ tuæ corporálibus próficit spátiis, spirituálibus amplificétur augméntis. Per Dóminum.

Postcommunio. Præsta nobis, quǽsumus, Dómine: intercedénte beáto Theodóro Mártyre tuo; ut, quod ore contíngimus, pura mente capiámus. Per Dóminum.

At Saint-Eugène, after the Salve Regina the Te Deum will be sung in thanksgiving for the wonderful cultural and political service of Radio Courtoisie (here and here). I listen to Dr de Villiers's weekly program Liturgie et musique sacrée but haven't ever taken the time to explore the rest of the schedule.

✠  ✠  ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri

Abbaye Sainte-Madeleine du Barroux