Benedícta et venerábilis es, Virgo María: quæ sine tactu pudóris invénia es Mater Salvatóris, alleluia...

Concéde nos fámulos tuos, quæsumus, Dómine Deus, perpetua mentis et corporis sanitáte gaudére: et, gloriosa beátæ Maríæ semper Vírginis intercessióne, a præsénti liberári tristitia, et aeterna perfrui lætítia. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Today is Saturday in the 20th week post Pentecosten, the 2nd of October; it is a feria, and (what is called in the Missale Romanum) the weekly commemoratio of Our Lady on Saturdays is celebrated, the Mass Salve sancta Parens in this season of the liturgical year. This will be sung at Le Barroux and presumably also at Saint-Eugène (although I will be sound asleep at 0030).

But a reminder in one or the other of my electronic calendars pointed out that today is the feast of All Saints of the Church of Paris, so I reckon that whatever is that feast's Mass was celebrated at Saint-Eugène. Unfortunately, I don't seem to have noted the propers-- if I ever saw them (as opposed to hearing them in the streamed Mass). Hmm. 

I did indeed find the Paris propers last year (they are at Introibo.fr for Nancy and Toul). I will copy them here, infra, although I didn't follow the Mass. 

Tomorrow at Le Barroux is the anniversary of the Dedication of the Abbatial Church; this will be celebrated with the Mass Terribilis est locus iste instead of the Mass of the 21st Sunday. Beginning at Vespers today, the candles affixed to the twelve crosses marking the Dedication will be lit; they will be incensed at the Magnificat. This is perhaps the first time since I've been following the sacred rites at these two churches that Saint-E. and Le Barroux have both jettisoned the same Sunday Mass (it is the feast of Saint Denis, first bishop of Paris, Rusticus and Eleutherius Martyrs at Saint-E.)? maybe not.

Introitus. Sedulius. Salve, sancta Parens, eníxa puérpera Regem: qui cœlum terrámque regit in sǽcula sæculórum. Ps. 44, 2. Eructávit cor meum verbum bonum: dico ego ópera mea Regi. ℣. Glória Patri.

Kyrie, Gloria.

Oratio. Concéde nos fámulos tuos, quæsumus, Dómine Deus, perpetua mentis et corporis sanitáte gaudére: et, gloriosa beátæ Maríæ semper Vírginis intercessióne, a præsénti liberári tristitia, et aeterna perfrui lætítia. Per Dóminum.

Léctio libri Sapiéntiæ.
Eccli. 24, 14-16.
Ab inítio et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.

Graduale. Benedícta et venerábilis es, Virgo María: quæ sine tactu pudóris invénia es Mater Salvatóris. ℣. Virgo, Dei Génetrix, quem totus non capit orbis, in tua se clausit víscera factus homo.

Allelúja, allelúja. ℣. Post partum, Virgo, invioláta permansísti: Dei Génetrix, intercéde pro nobis. Allelúja.

✠ Sequéntia sancti Evangélii secúndum Lucam.
Luc. 11, 27-28.
In illo témpore: Loquénte Jesu ad turbas, extóllens vocem quædam múlier de turba, dixit illi: Beátus venter, qui te portávit, et úbera, quæ suxísti. At ille dixit: Quinímmo beáti, qui áudiunt verbum Dei, et custódiunt illud.

Offertorium. Luc. 1, 28 et 42. Ave, María, grátia plena; Dominus tecum: benedícta tu in muliéribus, et benedíctus fructus ventris tui.

Secreta. Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.

Præfatio de Beatissima Maria Virgine.

Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Et te in Festivitate beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cæli cælorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti jubeas, deprecámur, súpplici confessióne dicéntes:

Sanctus, Benedictus, Agnus Dei.

Communio. Beáta viscera Maríæ Vírginis, quæ portavérunt ætérni Patris Fílium, allelúja.

Postcommunio. Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubique prótegi; in cujus veneratióne hæc tuæ obtúlimus majestáti. Per Dóminum.

~+~+~+~

The Mass Accessistis ad civitatem Dei viventis of All Saints of the Church of Paris (used there today, and in the diocese of Nancy and Toul on November 5-- why today and not in early November, I have no idea). Only the Timete Dominum omnes sancti eius, the Graduale, is at Gregobase (it is in the Mass of All Saints in the Missale Romanum). I don't recall if I searched for the other parts of the Mass at e.g. Cantus Index or not. Am not, this morning.

Introitus. Hebr. 12, 22 et 23. Accessístis ad civitátem Dei vivéntis, Ierúsalem cæléstem, et Ecclésiam primitivórum qui conscrípti sunt in cælis. Ps. 47, 2. Magnus Dóminus et laudábilis nimis: in civitáte Dei nostri, in monte sancto eius. V/. Glória Patri.

Kyrie, Gloria.

Oratio. Tríbue, quǽsumus, omnípotens Deus, omnes Sanctos quos nostra fervéntius venerátur Ecclésia iúgiter oráre pro nobis, eósque semper cleménter audíri: ut, quorum intuémur éxitum conversatiónis, fidem imitémur. Per Dominum.

Lectio libri Sapientiae.
Ecclus. 44, 1-15.
Laudémus viros gloriósos et paréntes nostros in generatióne sua. Multam glóriam fecit Dóminus magnificéntia sua a sǽculo. Dominántes in potestátibus suis, hómines magni virtúte et prudéntia sua prǽdití, nuntiántes in prophétis dignitátem prophetárum, et imperántes in præsénti pópulo, et virtúte prudéntiæ pópulis sanctíssima verba. In perítia sua requiréntes modos músicos, et narrántes cármina Scriptutárum. Hómines dívites in virtúte, pulchritúdinis stúdium habentes: pacificántes in dómibus suis. Omnes isti in generatiónibus gentis suæ glóriam adépti sunt, et in diébus suis habéntur in láudibus. Qui de illis nati sunt reliquérunt nomen narrándi laudes eórum. Et sunt quorum non est memória periérunt quasi quí non fúerint, et nati sunt quasi non nati, et fílii ipsórum cum ipsis. Sed illi viri misericórdiæ sunt quorum pietátes non defuérunt: cum sémine eórum pérmanent bona; hæréditas sancta népotes eórum, et in testaméntis stetit semen eórum, et fílii eórum propter illos usque in ætérnum manent. Semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapientiam ipsórum narrent pópuli, et laudem eórum núntiet Ecclesia.

Graduale. Ps. 33, 10-11. Timéte Dóminum, omnes sancti eius, quóniam nihil deest timentibus eum. V/. Inquiréntes autem Dóminum non defícient omni bono.

Alleluia, allelúia. V/. I Jo. 3, 2. Cum Deus apparúerit, símiles ei érimus; quóniam vidébimus eum sícuti est. Allelúia.

✠ Sequentia sancti Evangelii secundum Matthaeum.
Matth. 5, 1-12.
In illo témpore: Videns Iesus turbas, ascéndit in montem, et cum sedísset, accessérunt ad eum discípuli eius, et apériens os suum, docébat eos, dicens: Beáti páuperes spíritu: quóniam ipsórum est regnum cælórum. Beáti mites: quóniam ipsi possidébunt terram. Beáti, qui lugent: quóniam ipsi consolabúntur. Beáti, qui esúriunt et sítiunt iustítiam: quóniam ipsi saturabúntur. Beáti misericórdes: quóniam ipsi misericórdiam consequántur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti, qui persecutiónem patiúntur propter iustítiam: quóniam ipsórum est regnum cælórum. Beáti estis, cum maledíxerint vobis, et persecúti vos fúerint, et díxerint omne malum advérsum vos, mentiéntes, propter me: gaudete et exsultáte, quóniam merces vestra copiósa est in cælis.

Credo.

Offertorium. Apoc. 8, 3-4. Data sunt Angelo incénsa multa, ut daret de oratiónibus sanctórum ómnium super altáre áureum, quod est ante thronum Dei: et ascéndit fumus incensórum de oratiónibus sanctórum coram Deo.

Secreta. Placábilem te nobis reddat, Dómine, et præsens oblátio, et ómnium intercéssio nostræ Ecclesiæ Sanctórum: ut illórum qui iam de sua immortalitáte secúri, adhuc de nostra salúte sunt sollíciti, concíves esse mereámur. Per Dominum.

Sanctus, Benedictus, Agnus Dei.

Communio. Apoc. 5, 9-10. Occísus es, Dómine, et redemísti nos in sánguine tuo ex omni tribu, et lingua, et pópulo, et natióne; et fecísti nos Deo nostro regnum et sacerdótes.

Postcommunio. Dómine, Deus omnípotens, quem unum sanctum adorámus: fac nos in Ecclésiæ triumphántis communióne colléctos, et sanctificatiónem in timóre perfícere, et ex hac cælésti mensa ad perénne transíre convívium. Per Dominum.

Laus Deo Virginique Matri Mariae

Abbaye Sainte-Madeleine du Barroux, Sabbato in Hebdomada XXa post Pentecosten, Saint-Eugène-Sainte-Cécile