Fílius enim hóminis venturus est in gloria Patris sui cum Angelis suis: et tunc reddet unicuíque secúndum ópera ejus...
Deus, qui nos sanctórum Mártyrum tuórum Procéssi et Martiniáni gloriósis confessiónibus circúmdas et prótegis: da nobis et eórum imitatióne profícere, et intercessióne gaudére. Per Dóminum nostrum.
Deus, qui beáto Irenǽo Mártyri tuo atque Pontifici tribuísti, ut et veritate doctrínæ expugnáret hǽreses, et pacem Ecclésiæ felíciter confirmáret: da, quǽsumus, plebi tuæ in sancta religióne constántiam; et pacem tuam nostris concéde tempóribus. Per Dóminum.
Deus, qui hodiérnam diem Apostolórum tuórum Petri et Pauli martýrio consecrásti: da Ecclésiæ tuæ, eórum in ómnibus sequi præcéptum; per quos religiónis sumpsit exórdium. Per Dóminum.
Today is Wednesday in the 6th week post Pentecosten and it is the 5th day infra Octavam Sanctorum Apostolum. It is the feast of Pope Saint Leo II, formerly considered to be in the great company of the Holy Martyrs but already in the 1923 Missale named amongst the Holy Confessors. In the Ioannes XXIII re-arrangements the feast of the Holy Martyr Saint Irenaeus Bishop and Doctor of the Church is kept; it was always known that the anniversary of his birth into the glory of Heaven was 28 June but because of the Vigil of the Holy Apostles the feast was transferred to today's date. In the Pauline Rite, eh, because the Vigils are deprecated the feast is moved to the 28th. At Le Barroux, the monks are singing the Mass of the Martyrs Saint Processus and Martinianus, Sapientiam sanctorum narrent populi, whose feast in the Missale Romanum was kept yesterday. An abundance des richesses. My guess is that at Saint-E., the Mass of Saint Irenaeus, Lex veritatis fuit in ore eius, will be said; it is infra.
An unknown (of course 'unknown to me') priest, French-speaking so far as I can tell, is celebrating Holy Mass at Saint-Eugène; it is the Mass Lex veritatis fuit in ore eius. I don't generally pay attention to such things so am not sure if the fact that four candles are lit upon the altar signifies anything in particular. He is wearing his biretta properly, certainly. It is the previous pastor, M l'Abbé Marc Guelfucci, according to a commenter on the YouTube page and, expanding the window, it most certainly is.
Introitus. Eccli. 44,15 et 14. Sapiéntiam Sanctórum narrent pópuli, et laudes eórum núntiet ecclésia: nómina autem eórum vivent in sǽculum sǽculi. Ps. 32, 1. Exsultate, justi, in Dómino: rectos decet collaudátio. V. Glória Patri.
--solesmes.png)
Kyrie, Gloria.
Oratio. Deus, qui nos sanctórum Mártyrum tuórum Procéssi et Martiniáni gloriósis confessiónibus circúmdas et prótegis: da nobis et eórum imitatióne profícere, et intercessióne gaudére. Per Dóminum nostrum.
Léctio Epístolæ beáti Pauli Apóstoli ad Hebrǽos.
Hebr. 10, 32-38.
Fratres: Rememorámini prístinos dies, in quibus illuminati magnum certámen sustinuístis passiónum: et in altero quidem oppróbriis et tribulatiónibus spectáculum facti: in altero autem sócii táliter conversántium effécti. Nam et vinctis compássi estis, et rápinam bonórum vestrórum cum gáudio suscepístis, cognoscéntes vos habére meliórem et manéntem substántiam. Nolíte itaque amíttere confidéntiam vestram, quæ magnam habet remuneratiónem. Patiéntia enim vobis necessária est: ut, voluntátem Dei faciéntes, reportétis promissiónem. Adhuc enim módicum aliquántulum, qui ventúrus est, véniet, et non tardábit. Justus autem meus ex fide vivit.
Graduale. Ps. 128. 7-8. Anima nostra, sicut passer, erépta est de láqueo venántium. V. Láqueus contrítus est, et nos liberáti sumus: adjutórium nostrum in nómine Dómini, qui fecit cœlum et terram.
Allelúja, allelúja. V. Ps. 67, 4. Justi epuléntur et exsúltent in conspéctu Dei: et delecténtur in lætítia. Allelúja.
--solesmes.png)
+ Sequéntia sancti Evangélii secúndum Matthǽum.
Matth. 16, 14-27.
In illo témpore: Dixit Jesus discípulis suis: Si quis vult post me veníre, ábneget semetípsum, et tollat crucem suam, et sequátur me. Qui enim volúerit ánimam suam salvam fácere, perdet eam: qui autem perdíderit ánimam suam propter me, invéniet eam. Quid enim prodest hómini, si mundum univérsum lucrétur, ánimæ vero suæ detriméntum patiátur? Aut quam dabit homo commutatiónem pro ánima sua? Fílius enim hóminis ventúrus est in glória Patris sui cum Angelis suis: et tunc reddet unicuíque secúndum ópera ejus.
Offertorium. Ps. 149, 5-6. Exsultábunt Sancti in glória, lætabúntur in cubílibus suis: exaltatiónes Dei in fáucibus eórum, allelúja.
--solesmes.png)
Secreta. Súscipe, Dómine, preces et múnera: quæ ut tuo sint digna conspéctu. Sanctórum tuórum précibus adjuvémur. Per Dóminum.
Sanctus, Benedictus, Agnus Dei.
Communio. Luc. 12, 4. Dico autem vobis amícis meis: Ne terreámini ab his, qui vos persequúntur.
Postcommunio. Córporis sacri et pretiósi Sánguinis repléti libamine, quǽsumus, Dómine, Deus noster: ut, quod pia devotióne gérimus, certa redemptióne capiámus. Per eúndem Dóminum.
~+~+~+~
The Mass of the Holy Martyr Saint Irenaeus of Lyons, Lex veritatis fuit in ore eius.
Kyrie, Gloria.
Oratio. Deus, qui beáto Irenǽo Mártyri tuo atque Pontifici tribuísti, ut et veritate doctrínæ expugnáret hǽreses, et pacem Ecclésiæ felíciter confirmáret: da, quǽsumus, plebi tuæ in sancta religióne constántiam; et pacem tuam nostris concéde tempóribus. Per Dóminum.
Léctio Epístolæ beáti Pauli Apóstoli ad Timótheum.
2. Tim. 3, 14-17; 4, 1-5.
Caríssime: Permane in iis, quæ didicísti et crédita sunt tibi: sciens, a quo didíceris; et quia ab infántia sacras; lítteras nosti, quæ te possunt instrúere ad salútem, per fidem, quæ est in Christo Jesu. Omnis Scriptúra divínitus inspiráta útilis est ad docéndum, ad arguéndum, ad corripiéndum, ad erudiéndum in justítia: ut perféctus sit homo Dei, ad omne opus bonum instrúctus. Testíficor coram Deo, et Jesu Christo, qui judicatúrus est vivos et mórtuos, per adventum ipsíus et regnum ejus: prǽdica verbum, insta opportúne, importúne: árgue, óbsecra, íncrepa in omni patiéntia et doctrína. Erit enim tempus, cum sanam doctrínam non sustinébunt, sed ad sua desidéria coacervábunt sibi magístros, pruriéntes áuribus, et a veritáte quidem audítum avértent, ad fábulas autem converténtur. Tu vero vígila, in ómnibus labóra, opus fac Evangelístæ, ministérium tuum ímpie.
Allelúja, allelúja. V. Eccli. 6, 35. In multitúdine presbyterorum prudéntium sta, et sapiéntiæ illórum ex corde conjúngere, ut omnem narratiónem Dei possis audíre. Allelúja.
+ Sequéntia sancti Evangélii secúndum Matthǽum.
Matth. 10, 28-33.
In illo témpore: Dixit Jesus discípulis suis: Nolíte timére eos, qui occídunt corpus, ánimam autem non possunt occídere; sed pótius timéte eum, qui potest et ánimam et corpus pérdere in gehénnam. Nonne duo pásseres asse véneunt: et unus ex illis non cadet super terram sine Patre vestro? Vestri autem capílli cápitis omnes numeráti sunt. Nolíte ergo timére: multis passéribus melióres estis vos. Omnis ergo, qui confitébitur me coram homínibus, confitébor et ego eum coram Patre meo, qui in cœlis est. Qui autem negáverit me coram homínibus, negábo et ego eum coram Patre meo, qui in cœlis est.
Offertorium. Eccli. 24, 44. Doctrínam quasi ante lucánum illúmino ómnibus, et enarrábo illam usque ad longínquum.
Secreta. Deus, qui credéntes in te pópulos nullis sinis concuti terróribus: dignáre preces et hóstias dicátæ tibi plebis suscípere; ut pax, a tua pietáte concéssa, christianórum fines ab omni hoste fáciat esse secúros. Per Dóminum.
Sanctus, Benedictus, Agnus Dei.
Communio. Eccli. 24, 47. Vidéte, quóniam non soli mihi laboravi, sed ómnibus exquiréntibus veritátem.
Postcommunio. Deus, auctor pacis et amátor, quem nosse vívere, cui servíre regnáre est: prótege ab ómnibus impugnatiónibus súpplices tuos; ut, qui in defensióne tua confídimus, beáti Irenǽi Mártyris tui atque Pontíficis intercessióne, nullius hostilitátis arma timeámus. Per Dóminum.
LDVM
Comments
Post a Comment