Veni, pater páuperum; veni, dator múnerum; veni, lumen córdium...

Deus, qui Apóstolis tuis Sanctum dedísti Spíritum: concéde plebi tuæ piæ petitiónis efféctum; ut, quibus dedísti fidem, largiáris et pacem. Per Dóminum... in unitáte ejusdem.

Today is Pentecost Monday, the second day infra Octavam. I am not sure why today and tomorrow are explicitly named 'Pentecost Monday' and 'Pentecost Tuesday'. Wednesday, Friday, and Saturday are the Ember Days leaving Thursday as the single day of the week called de Octava in the ordo. In years past, certainly they were observed as civil holidays and still in fairly recent memory the Monday was; must consult Blessed Ildefonso and Venerable Prosper later on. At Saint-Eugène, Holy Mass was streamed at the Sunday time, 0200 here, and was recorded. The final Mass of the Chartres Pilgrimage is being live-streamed, here, although it hasn't yet begun. I have to get to the library later on (they keep bankers' hours; 1000) else they will return my book to circulation and alas I must check in at the pharmacy.

Statio ad S. Petrum ad Vincula

Introitus. Ps. 80, 17. Cibávit eos ex ádipe fruménti, allelúja: et de petra, melle saturávit eos, allelúja, allelúja. Ps. ibid., 2. Exsultáte Deo, adjutóri nostro: jubiláte Deo Jacob. V. Glória Patri.

Kyrie, Gloria.

Oratio. Deus, qui Apóstolis tuis Sanctum dedísti Spíritum: concéde plebi tuæ piæ petitiónis efféctum; ut, quibus dedísti fidem, largiáris et pacem. Per Dóminum... in unitáte ejusdem.

Realised that I can click on the red font and then type in it. But I have to do this clicking and typing in each case it's wanted (typing out what has been copied here), eh, which is... tiresome. Perhaps the issue is with this mouse, hmm.

Lectio Actuum Apostolorum.

Act. 10, 34 et 42-48.
In diébus illis: Apériens Petrus os suum, dixit: Viri fratres, nobis præcépit Dóminus prædicáre pópulo: et testificári, quia ipse est, qui constitútus est a Deo judex vivórum et mortuórum. Huic omnes Prophétæ testimónium pérhibent, remissiónem peccatórum accípere per nomen ejus omnes, qui credunt in eum. Adhuc loquénte Petro verba hæc, cecidit Spíritus Sanctus super omnes, qui audiébant verbum. Et obstupuérunt ex circumcisióne fidéles, qui vénerant cum Petro: quia et in natiónes grátia Spíritus Sancti effúsa est. Audiébant enim illos loquéntes linguis et magnificántes Deum. Tunc respóndit Petrus: Numquid aquam quis prohibére potest, ut non baptizéntur hi, qui Spíritum Sanctum accepérunt sicut et nos? Et jussit eos baptizári in nómine Dómini Jesu Christi.

Alleluia, alleluia. V. Act. 2, 4. Loquebántur váriis linguis Apóstoli magnália Dei.

 

Alleluia. [Hic genuflectitur.] V. Veni, Sancte Spiritus, reple tuorum corda fidélium: et tui amóris in eis ignem accénde.

Sequentia.

Veni, Sancte Spíritus,

et emítte cǽlitus

lucis tuæ rádium.

Veni, pater páuperum; 

veni, dator rnúnerum;

veni, lumen córdium.

Consolátor óptime, 

dulcis hospes ánimæ, 

dulce refrigérium.

In labóre réquies, 

in æstu tempéries,

in fletu solácium.

O lux beatíssima,

reple cordis íntima 

tuórum fidélium.

Sine tuo númine 

nihil est in hómine, 

nihil est innóxium.

Lava quod est sórdidum,

riga quod est áridum,

sana quod est sáucium.

Flecte quod est rígidum,

fove quod est frígidum, 

rege quod est dévium.

Da tuis fidélibus, 

in te confidéntibus, 

sacrum septenárium.

Da virtútis méritum,

da salútis éxitum, 

da perénne gáudium.
Amen. Allelúja.

+ Sequentia sancti Evangelii secundum Ioannem. 

Ioann. 3, 16-21.
In illo témpore: Dixit Jesus Nicodémo: Sic Deus diléxit mundum, ut Fílium suum unigénitum daret: ut omnis, qui credit in eum, non péreat, sed hábeat vitam ætérnam. Non enim misit Deus Fílium suum in mundum, ut júdicet mundum, sed ut salvétur mundus per ipsum. Qui credit in eum, non judicátur; qui autem non credit, jam judicátus est: quia non credit in nómine unigéniti Fílii Dei. Hoc est autem judícium: quia lux venit in mundum, et dilexérunt hómines magis ténebras quam lucem: erant enim eórum mala ópera. Omnis enim, qui male agit, odit lucem, et non venit ad lucem, ut non arguántur ópera ejus: qui autem facit veritátem, venit ad lucem, ut manifesténtur ópera ejus, quia in Deo sunt facta.

Credo. 

Offertorium. Ps. 17, 14 et 16. Intónuit de cœlo Dóminus, et  Altíssimus dedit vocem suam: et apparuérunt fontes aquarum,  allelúja.

Secreta. Propítius, Dómine, quǽsumus, hæc dona sanctífica: et, hóstiæ spiritális oblatióne suscépta, nosmetípsos tibi pérfice munus ætérnum. Per Dóminum.

Praefatio, Communicantes et Hanc igitur, ut in die Pentecostes.

Vere dignum et justum est, æquum et salutáre, nos tibi semper, et ubíque grátias ágere: Dómine sancte, Pater omnípotens, ætérne Deus: per Christum Dóminum nostrum. Qui ascéndens super omnes cælos, sedénsque ad déxteram tuam, promíssum Spíritum Sanctum hodiérna die in fílios adoptiónis effúdit. Quaprópter profúsis gáudiis, totus in orbe terrárum mundus exsúltat. Sed et supérnæ Virtútes, atque angélicæ Potestátes, hymnum glóriæ tuæ cóncinunt, sine fine dicéntes:

Sanctus, Benedictus, Agnus Dei. 

Communio. Ioann. 14, 26. Spíritus Sanctus docébit vos, alleluia: quæcúmque díxero vobis, allelúja, allelúja.

Postcommunio. Adésto, quǽsumus, Dómine, pópulo tuo: et, quem mystériis cœléstibus imbuísti, ab hóstium furóre defénde. Per Dóminum.

LDVM