Consolátor óptime, dulcis hospes ánimæ, dulce refrigérium...

Adsit nobis, quæsumus, Dómine, virtus Spíritus Sancti: quæ et corda nostra cleménter expúrget, et ab ómnibus tueátur advérsis. Per Dóminum... in unitáte ejusdem.

Today is Pentecost Tuesday, Feria III Pentecostes, the third day infra Octavam Pentecostes. The Mass is Accipite iucunditatem gloriae vestrae. The livret for Holy Mass at Saint-Eugène is here.

At Le Barroux, the procession before the Introit was again made today.

The plan today is to try a different mouse here, to see if this perhaps will resolve the current inability to change the color of the font (from black to red, here). I think I've got an old one somewhere. If that doesn't work, I will accept that this is simply a symptom of the machines' aging. One of these days I'll get a new one. 

Statio ad S. Anastasiam

M l'Abbé Grodziski is celebrating Holy Mass at Saint-Eugène today.

Introitus. 4 Esdr. 2, 36 et 37. Accípite jucunditátem glóriæ vestræ, allelúja: grátias agéntes Deo, allelúja: qui vos ad cœléstia regna vocávit, allelúja, allelúja, allelúja. Ps. 77, 1. Atténdite, pópule meus, legem meam: inclináte aurem vestram in verba oris mei. ℣. Glória Patri.

Kyrie, Gloria.

Oratio. Adsit nobis, quæsumus, Dómine, virtus Spíritus Sancti: quæ et corda nostra cleménter expúrget, et ab ómnibus tueátur advérsis. Per Dóminum... in unitáte ejusdem.

Léctio Actuum Apostolórum.
Act. 8, 14-17.
In diébus illis: Cum audíssent Apóstoli, qui erant Jerosólymis, quod recepísset Samaría verbum Dei, misérunt ad eos Petrum et Joánnem. Qui cum veníssent, oravérunt pro ipsis, ut accíperent Spíritum Sanctum: nondum enim in quemquam illórum vénerat, sed baptizati tantum erant in nómine Dómini Jesu. Tunc imponébant manus super illos, et accipiébant Spíritum Sanctum.

Allelúja, allelúja. ℣. Joann. 14, 26. Spíritus Sanctus docébit vos, quæcúmque díxero vobis.

Allelúja. [Hic genuflectitur] ℣. Veni, Sancte Spíritus, reple tuorum corda fidélium: et tui amóris in eis ignem accénde.

Sequéntia.

Veni, Sancte Spíritus,
et emítte cǽlitus
lucis tuæ rádium.

Veni, pater páuperum;
veni, dator múnerum;
veni, lumen córdium.

Consolátor óptime,
dulcis hospes ánimæ,
dulce refrigérium.

In labóre réquies,
in æstu tempéries,
in fletu solácium.

O lux beatíssima,
reple cordis íntima
tuórum fidélium.

Sine tuo númine
nihil est in hómine,
nihil est innóxium.

Lava quod est sórdidum,
riga quod est áridum,
sana quod est sáucium.

Flecte quod est rígidum,
fove quod est frígidum,
rege quod est dévium.

Da tuis fidélibus,
in te confidéntibus,
sacrum septenárium.

Da virtútis méritum,
da salútis éxitum,
da perénne gáudium.
Amen. Allelúja.

 

✠ Sequéntia sancti Evangélii secúndum Joánnem.
Joann. 10, 1-10.
In illo témpore: Dixit Jesus pharisǽis: Amen, amen, dico vobis: qui non intrat per óstium in ovíle óvium, sed ascéndit aliúnde, ille fur est et latro. Qui autem intrat per óstium, pastor est óvium. Huic ostiárius áperit, et oves vocem ejus áudiunt, et próprias oves vocat nominátim et e ducit eas. Et cum próprias oves emíserit, ante eas vadit: et oves illum sequúntur, quia sciunt vocem ejus. Aliénum autem non sequúntur, sed fúgiunt ab eo; quia non novérunt vocem alienórum. Hoc provérbium dixit eis Jesus. Illi autem non cognovérunt, quid loquerétur eis. Dixit ergo eis íterum Jesus: Amen, amen, dico vobis, quia ego sum óstium óvium. Omnes, quotquot venérunt, fures sunt et latrónes, et non audiérunt eos oves. Ego sum. óstium. Per me si quis introíerit, salvábitur: et ingrediétur et egrediátur et páscua invéniet. Fur non venit, nisi ut furétur et mactet et perdat. Ego veni, ut vitam hábeant et abundántius hábeant.

Credo.

At Saint-Eugène, during the incensing at the Offertory (and continued at the Communio), the venerable Adam of Saint Victor's sequence Lux jocunda lux insignis was sung. It is appointed for today in the Parisian Rite but in the critical edition is given for yesterday. Qui procedis ab utroque is today's, Simplex in essentia is Thursday's: and Wednesday, Friday, and Saturday being the Ember Days are not provided with one.  

This makes me wonder about yesterday, tsk; I followed Office and Mass at Le Barroux and then the final Mass of the Pèlerinage de Chartres but I'm afraid that while I had the video of the Mass from Saint-E. running, later in the afternoon, I paid very little attention to it. The d'Ambleville Veni Creator Spiritus was sung, evidently. 

Lux jocúnda, lux insígnis, 

Qua de throno missus ignis 

In Christi discípulos,

 

Corda replet, linguas ditat; 

Ad concórdes nos invítat 

Cordis linguem módulos. 

Christus misit quod promísit 

Pignus sponsem quam revísit 

Die quinquagésima. 

Post dulcórem mélleum 

Petra fudit óleum 

Petra iam firmíssima. 

In tabéllis sáxeis, 

Non in linguis ígneis, 

Lex de monte pópulo.

Paucis cordis nóvitas, 

Et linguárum únitas 

Datur in cœnáculo. 

O quam felix, quam festíva 

Dies in qua primitíva 

Fundátur Ecclésia. 

Vivæ sunt primítiæ 

Nascéntis Ecclésiæ, 

Tria primum míllia. 

Pane Legis primitívi, 

Sub una sunt adoptívi 

Fide duo pópuli. 

Se duóbus interiécit: 

Sicque duos unum fecit: 

Lapis caput ánguli. 

Utres novi non vetústi 

Sunt capáces novi multi, 

Vasa parat vídua. 

Liquórem dat Helisæus, 

Nobis sacrum rorem Deus, 

Si corda sint cóngrua. 

Non hoc musto vel liquóre, 

Non hoc sumus digni rore, 

Si discórdes móribus. 

In obscúris vel divísis 

Non potest hæc Paraclísis 

Habitáre córdibus. 

Consolátor alme veni: 

Linguas rege, corda leni: 

Nihil fellis aut venéni 

Sub tua præséntia. 

Nil iocúndum, nil amœnum, 

Nil salúbre, nil serénum, 

Nihil duce, nihil plenum, 

Nisi tua grátia. 

Tu lumen es et unguéntum: 

Tu cœléste condiméntum, 

Aque ditans eleméntum, 

Virtúte mystérii.

 

Nova facti creatúra: 

Te laudámus mente pura, 

Grátiæ nunc, sed natúra 

Prius iræ fílii. 

Tu qui dator es & donum, 

Tu qui cordis omne bonum, 

Cor ad laudem redde pronum, 

Nostræ linguæ formans sonum 

In tua præcónia.

 

Tu purga nos a peccátis, 

Author ipse puritátis, 

Et in Christo renovátis 

Da perféctæ novitátis 

Plena nobis gáudia. Amen. 

 

Offertorium. Ps. 77, 23-25. Portas cœli aperuit Dóminus: et pluit illis manna, ut éderent: panem cœli dedit eis, panem Angelórum manducávit homo, allelúja.

Secreta. Puríficet nos, quǽsumus. Dómine, múneris præséntis oblátio: et dignos sacra participatióne effíciat. Per Dóminum. 

Præfatio, Communicántes et Hanc igitur, ut in die Pentecontes.

Vere dignum et justum est, æquum et salutáre, nos tibi semper, et ubíque grátias ágere: Dómine sancte, Pater omnípotens, ætérne Deus: per Christum Dóminum nostrum. Qui ascéndens super omnes cælos, sedénsque ad déxteram tuam, promíssum Spíritum Sanctum hodiérna die in fílios adoptiónis effúdit. Quaprópter profúsis gáudiis, totus in orbe terrárum mundus exsúltat. Sed et supérnæ Virtútes, atque angélicæ Potestátes, hymnum glóriæ tuæ cóncinunt, sine fine dicéntes:

Sanctus, Benedictus, Agnus Dei.

Communio. Joann. 15, 26; 16, 14; 17, 1 et 5. Spíritus qui a Patre procédit, allelúja: ille me clarificábit, allelúja, allelúja.

Postcommunio. Mentes nostras, quǽsumus, Dómine, Spíritus Sanctus divínis réparet sacraméntis: quia ipse est remíssio omnium peccatórum. Per Dóminum... in unitáte ejusdem.

LDVM