Tenebrae for Good Friday

Antiphona. Astitérunt reges terræ, * et príncipes convenérunt in unum, advérsus Dóminum, et advérsus Christum ejus.

 

The Officium Tenebrarum at Saint-Eugène begins today, Holy Thursday, at 1500 here. The Liturgia page is here, and the libellus is here; the chant scores for the lessons with the texts are here. 

Frankly, what I've found most discomfiting as the Triduum Sacrum has begun is not the absence of the invitatorium at Matins e.g. or the hymns-- which may go on through the Paschal Octave; the Office is 'special' then, even if I can't recall exactly how-- but the absence of the Martyrology. It returns on Easter Sunday. 

R. Omnes amíci mei dereliquérunt me, et prævaluérunt insidiántes mihi: trádidit me quem diligébam:

* Et terribílibus óculis plaga crudéli percutiéntes, acéto potábant me.

V. Inter iníquos projecérunt me, et non pepercérunt ánimæ meæ.

R. Et terribílibus óculis plaga crudéli percutiéntes, acéto potábant me.

R. Velum templi scissum est,

* Et omnis terra trémuit: latro de cruce clamábat, dicens: Meménto mei, Dómine, dum véneris in regnum tuum.

V. Petræ scissæ sunt, et monuménta apérta sunt, et multa córpora sanctórum, qui dormíerant, surrexérunt.

R. Et omnis terra trémuit: latro de cruce clamábat, dicens: Meménto mei, Dómine, dum véneris in regnum tuum.

R. Vínea mea elécta, ego te plantávi:

* Quómodo convérsa es in amaritúdinem, ut me crucifígeres et Barábbam dimítteres?

V. Sepívi te, et lápides elégi ex te, et ædificávi turrim.

R. Quómodo convérsa es in amaritúdinem, ut me crucifígeres et Barábbam dimítteres?

Gloria Patri omittitur.

R. Vínea mea elécta, ego te plantávi: * Quómodo convérsa es in amaritúdinem, ut me crucifígeres et Barábbam dimítteres?

R. Tamquam ad latrónem exístis cum gládiis et fústibus comprehéndere me:

* Cotídie apud vos eram in templo docens, et non me tenuístis: et ecce flagellátum dúcitis ad crucifigéndum.

V. Cumque injecíssent manus in Jesum, et tenuíssent eum, dixit ad eos.

R. Cotídie apud vos eram in templo docens, et non me tenuístis: et ecce flagellátum dúcitis ad crucifigéndum.

R. Ténebræ factæ sunt, dum crucifixíssent Jesum Judǽi: et circa horam nonam exclamávit Jesus voce magna: Deus meus, ut quid me dereliquísti?

* Et inclináto cápite, emísit spíritum.

V. Exclámans Jesus voce magna, ait: Pater, in manus tuas comméndo spíritum meum.

R. Et inclináto cápite, emísit spíritum.

R. Animam meam diléctam trádidi in manus iniquórum, et facta est mihi heréditas mea sicut leo in silva: dedit contra me voces adversárius, dicens: Congregámini, et properáte ad devorándum illum: posuérunt me in desérto solitúdinis, et luxit super me omnis terra:

* Quia non est invéntus qui me agnósceret, et fáceret bene.

V. Insurrexérunt in me viri absque misericórdia, et non pepercérunt ánimæ meæ.

R. Quia non est invéntus qui me agnósceret, et fáceret bene.

Gloria Patri omittitur.

R. Animam meam diléctam trádidi in manus iniquórum, et facta est mihi heréditas mea sicut leo in silva: dedit contra me voces adversárius, dicens: Congregámini, et properáte ad devorándum illum: posuérunt me in desérto solitúdinis, et luxit super me omnis terra: * Quia non est invéntus qui me agnósceret, et fáceret bene.

R. Tradidérunt me in manus impiórum, et inter iníquos projecérunt me, et non pepercérunt ánimæ meæ: congregáti sunt advérsum me fortes:

* Et sicut gigántes stetérunt contra me.

V. Aliéni insurrexérunt advérsum me, et fortes quæsiérunt ánimam meam.

R. Et sicut gigántes stetérunt contra me.

R. Jesum trádidit ímpius summis princípibus sacerdótum, et senióribus pópuli:

* Petrus autem sequebátur eum a longe, ut vidéret finem.

V. Adduxérunt autem eum ad Cáipham príncipem sacerdótum, ubi scribæ et pharisǽi convénerant.

R. Petrus autem sequebátur eum a longe, ut vidéret finem.

R. Caligavérunt óculi mei a fletu meo: quia elongátus est a me, qui consolabátur me: Vidéte omnes pópuli,

* Si est dolor símilis sicut dolor meus.

V. O vos omnes, qui transítis per viam, atténdite et vidéte.

R. Si est dolor símilis sicut dolor meus.

Gloria Patri omittitur.

R. Caligavérunt óculi mei a fletu meo: quia elongátus est a me, qui consolabátur me: Vidéte omnes pópuli, * Si est dolor símilis sicut dolor meus.

 

Christus factus est pro nobis obédiens usque ad mortem, mortem autem crucis.

Pater noster.

Psalmus 50 sine antiphona. 

Réspice, quǽsumus, Dómine, super hanc famíliam tuam, pro qua Dóminus noster Jesus Christus non dubitávit mánibus tradi nocéntium, et crucis subíre torméntum: [Et sub silentio concluditur] Qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

LDVM