O columba virginum, quae de ripis fluminum adis aulam gloriae...

 

Preces pópuli tui, quǽsumus, Dómine, cleménter exáudi: ut, qui juste pro peccátis nostris afflígimur, pro tui nóminis glória misericórditer liberémur.

Today, Saturday post Sexagesimam, is the feast of the Virgin Saint Scholastica, sister of Saint Benedict. The Mass is Dilexisti iustitiam et odisti iniquitatem in the Missale Romanum but the Mass Surge propera amica mea is given in the 1923 Benedictine Proprium; we shall see what is sung at Le Barroux-- in fact, the Surge propera amica mea. I imagine that in the post-Pauline Rite series of concerts most of the Benedictines have adopted what is included in Roman Missale (the Graduale triplex gives Dilexisti iustitiam). The monks sang the sequence, Emicat meridies. 

Since the live-streaming of Holy Mass happened at 0030 from Saint-Eugène, and considering the amount of time involved in copying from the 1923 Proprium (and correcting all the pdf-induced errors or as many of them as I could catch), I will omit also copying the Dilexisti iustitiam. 

It will be interesting to see how much of this Mass is found at Gregobase; not a single part, as it turns out. Eh. It is sad that one won't be able to hear this again until next year, or until Neumz from La Barroux is up and running, I suppose, whichever comes first. 

And in my delight at hearing this Mass, I forgot that it is also the feast of Our Lady du Vœu de Louis XIII. I don't know what liturgical status it has or had but it is good to remember that princes do sometimes advance the cause of Faith; Louis XIII consecrated himself, his family, and the nation to Our Lady of the Assumption in the Edit de Saint-Germain, 10 February 1638. 

Introitus. Cant 2,10-11. Surge, propera, amica mea, columba mea, et veni; jam enim hiems transiit, imber abiit et recessit. Ps. 54, 7. Quis dabit mihi pennas sicut columbae? et volabo et requiescam. V. Gloria Patri.

Kyrie, Gloria.

Oratio. Deus, qui animam beatae Virginis tuae Scholasticae, ad ostendendam innocentiae viam, in columbae specie caelum penetrare fecisti: da nobis ejus meritis et precibus ita innocenter vivere; ut ad aeterna mereamur gaudia pervenire. Per Dominum.

Lectio libri Sapientiae.
Cant. 8, 1-4.
Quis mihi det te fratrem meum sugentem libera matris meae, ut inveniam te foris, et deosculer te, et jam me nemo despiciat? Apprehendam te, et ducam in domum matris meae: ibi me docebis, et dabo tibi poculum ex vino condito et mustum malorum granatorum meorum. Laeva ejus sub capite meo, et dextera illius amplexabitur me. Adjuro vos filiae Jerusalem, ne suscitetis neque evigilare faciatis dilectam, donec ipsa velit.

Graduale. Cant. 8,7-8. Aquae multae non potuerunt exstinguere caritatem, nec flumina obruent illam. V. Si dederit homo omnem substantiam domus suae pro dilectione, quasi nihil despiciet eam.

Tractus. Cant. 3, 4. Inveni, quem diligit anima mea, tenui eum, nec dimittam. V. Cant. 1, 2-3. Oleum effusum nomen tuum: ideo adolescentulae dilexerunt te. V. Trahe me post te, curremus in odorem unguentorum tuorum. V. Exsultabimus et laetabimur in te, memores uberum tuorum super vinum; recti diligunt te.

Sequentia.

Emicat meridies,
Et beata requies
Virgini Scholasticae.

Intrat in cubicula;
Sponsi petit oscula.
Quem amavit unice.

Quantis cum gemitibus
Cordis et ardoribus
Haec dilectum quaesiit.

Movit caelos lacrimis,
Imbribusque plurimis
Pectus fratris molliit.

O grata colloquia,
Cum caelorum gaudia
Benedictus explicat!

Ardent desideria,
Mentis et suspiria
Virgo sponsus excitat.

Veni formosissima,
Sponsa dilectissima,
Veni, coronaberis.

Dormies in liliis,
Afflues deliciis,
Et inebriaberis.

O columba virginum,
Quae de ripis fluminum
Adis aulam gloriae;

Trahe nos odoribus,
Pasce et uberibus
Immortalis gratiae.
Amen.

Sequentia sancti Evangdlii secundum Matthaeum.
Matth. 25, 1-13.
In illo tempore: Dixit Jesus discipulis suis parabolam hanc: Simile erit regnum caelorum decem virginibus: quae, accipientes lampades suas, exierunt obviam sponso et sponsae. Quinque autem ex eis erant fatuae, et quinque prudentes: sed quinque fatuae, acceptis lampadibus, non sumpserunt oleum secum: prudentes vero acceperunt oleum in vasis suis cum lampadibus. Moram autem faciente sponso, dormitaverunt omnes et dormierunt. Media autem nocte clamor factus est: Ecce, sponsus venit, exite obviam ei. Tunc surrexerunt omnes virgines illae, et ornaverunt lampades suas. Fatuae autem sapientibus dixerunt: Date nobis de oleo vestro: quia lampades nostrae exstinguuntur. Responderunt prudentes, dicentes: Ne forte non sufficiat nobis et vobis, ite potius ad vendentes, et emite vobis. Dum autem irent emere, venit sponsus: et quae paratae erant, intraverunt cum eo ad nuptias, et clausa est janua. Novissime vero veniunt et reliquae virgines, dicentes: Domine, Domine, aperi nobis. At ille respondens, ait: Amen, dico vobis, nescio vos. Vigilate itaque, quia nescitis diem neque horam.

Offertorium. Ps. 17,14-16. Intonuit Dominus de caelo; et Altissimus dedit vocem suam: grando et carbones ignis: fulgura multiplicavit, et conturbavit eos, et apparuerunt fontes aquarum.

Secreta. Suscipe, quaesumus. Domine, desideria supplicantium cum oblationibus hostiarum, ut interveniente beata Scholastica Virgine tua, quae te sincero dilexit amore, fides in nobis et caritas augeatur. Per Dominum.

Sanctus, Benedictus, Agnus Dei.

Communio. Joann. 15,7. Si manseritis in me, et verba mea in vobis manserint, quodcumque volueritis, petetis, et fiet vobis, dicit Dominus.

Postcommunio. Familiam tuam, quaesumus. Domine, spiritali cibo satiatam, beatae Virginis tuae Scholasticae meritis propitius respice: ut, sicut ipsius precibus, ad obtinendum, quod optabat, imbrem caelitus descendere fecisti; ita ejus supplicationibus ariditatem cordis nostri supernae digneris gratiae rore perfundere. Per Dominum.

LDVM