Cum vénerit Fílius hóminis, putas, invéniet fidem super terram?

Today is Monday in the 3rd week of Advent, feria IIa infra Hebdomadam IIIam Adventus. Because Advent is about as brief as it can possibly be this year this is the last stretch of days of Advent feriae, featuring, however, the seasonal Ember Days; that which is proper to them is all of it in Holy Mass, not in the Office. How the Vigil Mass of Saint Thomas on Wednesday is sorted out with the Wednesday Ember Day I don't know-- although since Pius XII suppressed the Vigil it is a moot point as a practical matter. My ordo will clarify the older rubrics when I get around to reading for the day; one page left in the year! 

I've been reminded (Fr Maximilien-Marie du Sacré-Coeur) that today is also and in certain places the feast of the Expectation (i.e. of the Childbirth) of the Blessed Virgin. The Mass (which I found in Dom Gaspar Lefebvre's 1937 Missel-Vesperale Romain) is Rorate caeli desuper, that is of Our Lady in Advent but with two or three proper parts: the Graduale Tollite portas principes vestras, the Alleluia Ecce virgo concipiet, with the Gloria and Credo and then Et te in Expectatione in the Preface of Our Lady. The well-known Collect:

Deus, qui de beátæ Maríæ Vírginis útero Verbum tuum, Angelo nuntiánte, carnem suscípere voluísti: præsta supplícibus tuis; ut, qui vere eam Genetrícem Dei crédimus, ejus apud te intercessiónibus adjuvémur. Per eúndem Dóminum.

Lectio 1
De Isaía Prophéta
Isa 28:1-3
1 Væ corónæ supérbiæ, ébriis Ephraim, et flóri décidenti, glóriæ exsultatiónis ejus, qui erant in vértice vallis pinguíssimæ, errántes a vino.
2 Ecce válidus et fórtis Dóminus, sicut ímpetus grándinis: turbo confríngens, sicut ímpetus aquárum multárum inundántium, et emissárum super terram spatiósam.
3 Pédibus conculcábitur coróna supérbiæ ebriórum Ephraim.

R. Ecce apparébit Dóminus super nubem cándidam,
* Et cum eo Sanctórum míllia: et habébit in vestiménto, et in fémore suo scriptum: Rex regum, et Dóminus dominántium.
V. Apparébit in finem, et non mentiétur; si moram fécerit, exspécta eum, quia véniens véniet.
R. Et cum eo Sanctórum míllia: et habébit in vestiménto, et in fémore suo scriptum: Rex regum, et Dóminus dominántium.

Lectio 2
Isa 28:4-7
4 Et erit flos décidens glóriæ exsultatiónis ejus, qui est super vérticem vallis píngujum, quasi temporáneum ante maturitátem autúmni: quod cum aspéxerit videns, statim ut manu tenúerit, devorábit illud.
5 In die illa erit Dóminus exercítuum coróna glóriæ, et sertum exsultatiónis resíduo pópuli sui;
6 Et spíritus judícii sedénti super judícium, et fortitúdo reverténtibus de bello ad portam.
7 Verum hi quoque præ vino nesciérunt, et præ ebrietáte erravérunt: sacérdos et prophéta nesciérunt præ ebrietáte, absórpti sunt a vino.

R. Bethléhem cívitas Dei summi, ex te éxiet Dominátor Israël, et egréssus ejus sicut a princípio diérum æternitátis, et magnificábitur in médio univérsæ terræ:
* Et pax erit in terra nostra, dum vénerit.
V. Loquétur pacem in géntibus, et potéstas ejus a mari usque ad mare.
R. Et pax erit in terra nostra, dum vénerit.

Lectio 3

Isa 28:16-18

16 Idcírco hæc dicit Dóminus Deus: Ecce ego mittam in fundaméntis Sion lápidem, lápidem probátum, angulárem, pretiósum, in fundaménto fundátum. Qui credíderit, non festínet.

17 Et ponam in póndere judícium, et justítiam in mensúra: et subvértet grando spem mendácii, et protectiónem aquæ inundábunt.

18 Et delébitur fœdus vestrum cum morte, et pactum vestrum cum inférno non stábit.

R. Qui ventúrus est, véniet, et non tardábit: et jam non erit timor in fínibus nostris:
* Quóniam ipse est Salvátor noster.
V. Depónet omnes iniquitátes nostras, et proíciet in profúndum maris ómnia peccáta nostra.
R. Quóniam ipse est Salvátor noster.
V. Glória Patri, et Fílio, * et Spirítui Sancto.
R. Quóniam ipse est Salvátor noster.

At Barroux, the antiphon at Terce, Cum vénerit Fílius hóminis, putas, invéniet fidem super terram?

Father Gubitoso IBP is celebrating Holy Mass today. 

Introitus. Phil. 4, 4–6. Gaudéte in Dómino semper: íterum dico, gaudéte. Modéstia vestra nota sit ómnibus homínibus: Dóminus enim prope est. Nihil sollíciti sitis: sed in omni oratióne petitiónes vestræ innotéscant apud Deum. Ps. 84, 2. Benedixísti, Dómine, terram tuam: avertísti captivitátem Jacob. ℣. Glória Patri.

Oratio. Aurem tuam, quǽsumus, Dómine, précibus nostris accommoda: et mentis nostræ ténebras, grátia tuæ visitationis  illústra: Qui vivis.

Lectio Epístolæ beáti Pauli Apóstoli ad Philippénses
Philipp. 4, 4–7.
Fratres: Gaudéte in Dómino semper: íterum dico, gaudéte. Modéstia vestra nota sit ómnibus homínibus: Dóminus prope est. Nihil sollíciti sitis: sed in omni oratióne et obsecratióne, cum gratiárum actióne, petitiónes vestræ innotéscant apud Deum. Et pax Dei, quæ exsúperat omnem sensum, custódiat corda vestra et intellegéntias vestras, in Christo Jesu, Dómino nostro.

Graduale Ps. 79, 2, 3 et 2. Qui sedes, Dómine, super Cherubim, éxcita poténtiam tuam, et veni. ℣. Qui regis Israël, inténde: qui dedúcis, velut ovem, Joseph.

Allelúja, allelúja, ℣. Excita, Dómine, potentiam tuam, et veni, ut salvos fácias nos. Allelúja.

Sometimes I imagine that the formatting here is actively working to peeve me but I put that thought quickly out of mind. Am not going to fuss further with it this morning. 

✠ Sequéntia sancti Evangélii secúndum Joánnem
Joann, l, 19–28.
In illo tempore: Misérunt Judǽi ab Jerosólymis sacerdótes et levítas ad Joánnem, ut interrogárent eum: Tu quis es? Et conféssus est, et non negávit: et conféssus est: Quia non sum ego Christus. Et interrogavérunt eum: Quid ergo? Elías es tu? Et dixit: Non sum. Prophéta es tu? Et respondit: Non. Dixérunt ergo ei: Quis es, ut respónsum demus his, qui misérunt nos? Quid dicis de te ipso? Ait: Ego vox clamántis in desérto: Dirígite viam Dómini, sicut dixit Isaías Prophéta. Et qui missi fúerant, erant ex pharisǽis. Et interrogavérunt eum, et dixérunt ei: Quid ergo baptízas, si tu non es Christus, neque Elías, neque Prophéta? Respóndit eis Joánnes, dicens: Ego baptízo in aqua: médius autem vestrum stetit, quem vos nescítis. Ipse est, qui post me ventúrus est, qui ante me factus est: cujus ego non sum dignus ut solvam ejus corrígiam calceaménti. Hæc in Bethánia facta sunt trans Jordánem, ubi erat Joánnes baptízans.

Offertorium. Ps. 84, 2. Benedixísti, Dómine, terram tuam: avertísti captivitátem Jacob: remisísti iniquitatem plebis tuæ.

Secreta. Devotiónis nostræ tibi, quǽsumus, Dómine, hóstia júgiter immolétur: quæ et sacri péragat institúta mystérii, et salutáre tuum in nobis mirabíliter operétur. Per Dóminum.

Sanctus, Benedictus, Agnus Dei.

Communio. Is. 35, 4. Dícite: pusillánimes, confortámini et nolíte timére: ecce, Deus noster véniet et salvábit nos.

Postcommunio. Implorámus, Dómine, cleméntiam tuam: ut hæc divína subsídia, a vítiis expiátos, ad festa ventúra nos prǽparent. Per Dóminum.

LDVM