In me grátia omnis viæ et veritátis, in me omnis spes vitæ et virtútis: ego quasi rosa plantáta super rivos aquárum fructificávi...

Hæc ego meditári dixi sapiéntiam, et prudéntiam judicávi eructáre memóriam suavitátis; quóniam in hujuscémodi núcleis virga sacerdotális copiósa prodúxit, quam, in supérnis háuriens, ubérius nobis María refúdit. In supérnis plane et ultra Angelos, quæ Verbum ex ipso Patris corde suscépit. 

 lectio Sancti Bernardi de Aquæductu 

Today is the feast of Our Lady of the Most Holy Rosary; it will be remembered that at Saint-Eugène the 'external solemnity' was celebrated at the beginning of the week, on Sunday. A missa lecta will be celebrated tomorrow-- whether it is to be streamed or not I'm not sure. It is the commemorated feast of the Martyr and Pope Saint Mark, and in the older Kalendarium also those of the Martyrs Saints Sergius and Bacchus and of the Martyrs Saints Marcellus and Apuleius, which two were at some point united into one commemoration.

Am having to go out to the pharmacy this morning, tsk. By the time I take the silly pill tomorrow morning it will have been a week that I've been without it. While I certainly don't notice its absence, the idea of having been without is troublesome. 

Romæ, via Ardeatína, deposítio sancti Marci, Papæ et Confessóris.

In Província quæ nuncupátur Augústa Euphratésia, sanctórum Mártyrum Sérgii et Bacchi, nobílium Romanórum, sub Maximiáno Imperatóre. Ex his Bacchus támdiu nervis crudis cæsus est, quoadúsque, toto córpore discíssus, in Christi confessióne emítteret spíritum; Sérgius vero clavátis cothúrnis pedes indútus, et, cum in fide fixus manéret, data senténtia, jussus est decollári. Beáti autem Sérgii nómine locus ubi quiéscit, Sergiópolis appellátus est, et, ob præclára mirácula, frequénti Christianórum concúrsu honorátur.

In the Martyrology revised after the late Council, the liturgical memory of Saint Apuleius is suppressed due to the judgment that his history is entirely legendary (while Saint Marcellus's certainly is not). 

A Romæ sanctórum Mártyrum Marcélli et Apuléii, qui prius quidem Simóni mago adhæsérunt; sed, vidéntes mirabília quæ per Apóstolum Petrum Dóminus operabátur, ambo, relícto Simóne, se doctrínæ Apostólicæ tradidérunt, ac, post passiónem Apostolórum, sub Aureliáno Consulári, corónam martýrii reportárunt, sepultíque sunt non longe ab Urbe. Eórum autem memória sequénti die recólitur (s III-IV). 

R Capuae in Campania, sancti Marcelli, martyris (s III-IV).  

 

I've included the three sets of orations infra; the Barroux ordo provides that the commemoration of Saint Mark be said but that of Saints Sergius and Bacchus et al at either Mass, eh, I don't know but doubt it; still. 

Lectio 4
Cum Albigénsium hǽresis per Tolosátium regiónem ímpie grassarétur, atque áltius in dies radíces ágeret, sanctus Domínicus, qui nuper Prædicatórum órdinis fundaménta jécerat, ad eam convelléndam totus incúbuit. Id ut præstáret valídius, auxílium beátæ Vírginis, cujus dígnitas illis erróribus impudentíssime petebátur, cuíque datum est cunctas hǽreses interímere in univérso mundo, eníxis précibus implorávit. A qua (ut memóriæ próditum est) cum mónitus esset ut Rosárium pópulis prædicáret, velut singuláre advérsus hǽreses ac vítia præsídium; mirum est quanto mentis fervóre et quam felíci succéssu injúnctum sibi munus sit exsecútus. Est autem Rosárium certa precándi fórmula, qua quíndecim angelicárum salutatiónum décades, oratióne Domínica interjécta, distínguimus, et ad eárum síngulas tótidem nostræ reparatiónis mystéria, pia meditatióne recólimus. Ex eo ergo témpore pius hic orándi modus mirabíliter per sanctum Domínicum promulgári augeríque cœpit. Quem ejúsdem institutórem auctorémque fuísse, summi Pontífices apostólicis lítteris passim affirmárunt.

R. Tu glória Jerúsalem, tu lætítia Israël, tu honorificéntia pópuli nostri, fecísti viríliter:
* Quia cunctas hǽreses sola interemísti.
V. Pulchra es et decóra, terríbilis ut castrórum ácies ordináta.
R. Quia cunctas hǽreses sola interemísti.

Lectio 5
Innumerábiles porro fructus ex hac tam salutári institutióne in christiánam rempúblicam dimanárunt. Inter quos victória illa mérito numerátur, quam sanctíssimus Póntifex Pius quintus et ab eo inflammáti christiáni príncipes apud Echínadas ínsulas de Turcárum tyránno potentíssimo reportárunt. Nam, cum illa ipsa die ea victória reláta sit, qua die sacratíssimi Rosárii sodalitátes per univérsum orbem consuétas supplicatiónes perágerent statutásque preces de more fúnderent, iis précibus haud immérito refértur accépta. Quod quidem cum étiam Gregórius tértius décimus testátus esset; ut pro tam singulári benefício beátæ Vírgini sub appellatióne Rosárii perénnes grátiæ ubíque terrárum haberéntur, in ecclésiis ómnibus, in quibus altáre Rosárii foret, Offícium, ritu dúplici majóri, perpétuo de eo celebrándum indíxit; aliíque Pontífices Rosárium recitántibus ejusdémque Rosárii sodalitátibus indulgéntias pene innúmeras concessére.

R. Déxtera tua magnificáta est in fortitúdine, déxtera tua confrégit inimícos:
* Submérsi sunt in aquis veheméntibus, et opéruit eos mare.
V. Benedíxit te Dóminus in virtúte sua, quia per te adníhilum redégit inimícos nostros.
R. Submérsi sunt in aquis veheméntibus, et opéruit eos mare.

Lectio 6
Clemens vero undécimus, ánimo réputans insígnem páriter victóriam, anno millésimo septingentésimo décimo sexto in Hungáriæ regno a Cárolo sexto in imperatórem Romanórum elécto de innúmeris Turcárum cópiis relátam, eo die contigísse quo festum Dedicatiónis sanctæ Maríæ ad Nives celebrarétur, atque eódem ferme témpore quo sacratíssimi Rosárii confrátres públicam solemnémque supplicatiónem in alma Urbe, ingénti pópuli concúrsu magnáque religióne, peragéntes, férvidas ad Deum preces pro Turcárum depressióne fúnderent ac poténtem opem Deíparæ Vírginis in auxílium Christianórum humíliter implorárent; eam ob rem, victóriam illam, nec non liberátam paulo post eorúndem Turcárum obsidióne Corcyrénsem ínsulam, ejúsdem beátæ Vírginis patrocínio pie cénsuit adscribéndam. Quam ob rem ut hujus quoque tam insígnis benefícii perénnis semper et memória exstáret et grátia, sacratíssimi Rosárii festum eódem ritu celebrándum ad Ecclésiam univérsam exténdit. Hæc ómnia Benedíctus décimus tértius in Breviário Románo appóni jussit. Leo autem tértius décimus in turbulentíssimis Ecclésiæ tempóribus, diúque preméntium malórum sæva tempestáte, cunctos in orbe fidéles, iterátis apostólicis lítteris ad Mariális Rosárii, præsértim per octóbrem mensem, frequéntiam veheménter incéndit, aucto quoque ánnui festi solemnitátis ritu, additáque litaníis Lauretánis Regínæ sacratíssimi Rosárii invocatióne, et Offício de eádem solemnitáte próprio Ecclésiæ univérsæ concésso. Sanctíssimam ergo Dei Genetrícem cultu hoc eídem gratíssimo júgiter venerémur; ut, quæ tóties Christi fidélibus, Rosárii précibus exoráta, terrénos hostes profligáre dedit ac pérdere, inférnos páriter superáre concédat.

R. Signum magnum appáruit in cælo: Múlier amícta sole, et luna sub pédibus ejus,
* Et in cápite ejus coróna stellárum duódecim.
V. Dábitur cápiti tuo augméntum gratiárum et coróna ínclita próteget te.
R. Et in cápite ejus coróna stellárum duódecim.
V. Glória Patri, et Fílio, * et Spirítui Sancto.
R. Et in cápite ejus coróna stellárum duódecim.

Lectio 7

Léctio sancti Evangélii secúndum Lucam

Luc 1:26-38.

In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et réliqua.

Homilía sancti Bernárdi Abbátis

Sermo de S. Maria.

Ad commendatiónem grátiæ suæ et ad destructiónem humánæ sapiéntiæ, Deus de fémina sed vírgine dignátus est carnem assúmere, ut símilem símili rédderet, contrárium contrário curáret, pestíferam spinam evélleret, peccáti chirógraphum potentíssime deléret. Heva spina fuit; María rosa éxstitit. Heva spina, vulnerándo; María rosa, ómnium afféctus mulcéndo. Heva spina, infígens ómnibus mortem; María rosa, reddens salutíferam ómnibus sortem. María rosa fuit cándida per virginitátem, rubicúnda per caritátem; cándida carne, rubicúnda mente; cándida virtútem sectándo, rubicúnda vítia calcándo; cándida afféctum purificándo, rubicúnda carnem mortificándo; cándida Deum diligéndo, rubicúnda próximo compatiéndo.

R. Ego quasi vitis fructificávi suavitátem odóris,

* Et flores mei fructus honóris et honestátis.

V. Ego mater pulchræ dilectiónis, et timóris, et agnitiónis, et sanctæ spei.

R. Et flores mei fructus honóris et honestátis.

Lectio 8

Sermo [Sancti Bernardi] de Aquæductu

Verbum caro factum est, et hábitat jam in nobis. Hábitat in memória nostra, hábitat in cogitatióne, quia usque ad ipsam descéndit imaginatiónem. Quonam modo, inquis? Nimírum jacens in præsépio, in virgináli grémio cubans, in monte prǽdicans, in oratióne pernóctans, in cruce pendens, in morte pallens, liber inter mórtuos et in inférno ímperans, seu étiam tértia die resúrgens, et Apóstolis loca clavórum, victóriæ signa, demónstrans, novíssime coram eis cæli secréta conscéndens. Quid horum non vere, non pie, non sancte cogitátur? Quidquid horum cógito, Deum cógito; et per ómnia est Deus meus. Hæc ego meditári dixi sapiéntiam, et prudéntiam judicávi eructáre memóriam suavitátis; quóniam in hujuscémodi núcleis virga sacerdotális copiósa prodúxit, quam, in supérnis háuriens, ubérius nobis María refúdit. In supérnis plane et ultra Angelos, quæ Verbum ex ipso Patris corde suscépit.

R. Surge, própera, amíca mea; jam enim hiems tránsiit, imber ábiit et recéssit,

* Flores apparuérunt in terra nostra.

V. Dóminus dabit benignitátem, et terra nostra dabit fructum suum.

R. Flores apparuérunt in terra nostra.

V. Glória Patri, et Fílio, * et Spirítui Sancto.

R. Flores apparuérunt in terra nostra.

Lectio 9

Commemoratio S. Marci Papæ

Marcus, Romanus, Constantino Magno imperatóre Pontifex, instituit ut epíscopus Ostiénsis, a quo Romanus Pontifex consecrátur, pallio uterétur. Duas Romæ basilicas ædificávit, álteram in Urbe, álteram via Ardeatina; quas Constantinus, auctas, magnis munéribus exornávit. Vixit in pontificatu menses octo, sepultúsque est in cœmeterio Balbinæ.

Te Deum.

Introitus. Gaudeámus omnes in Dómino, diem festum celebrántes sub honóre beátæ Maríæ Vírginis: de cujus sollemnitáte gaudent Angeli et colláudant Fílium Dei. Ps. 44, 2. Eructávit cor meum verbum bonum: dico ego ópera mea Regi. V. Glória Patri.

Oratio. Deus, cujus Unigénitus per vitam, mortem et resurrectiónem suam nobis salútis ætérnæ prǽmia comparávit: concéde, quǽsumus; ut, hæc mystéria sacratíssimo beátæ Maríæ Vírginis Rosário recoléntes, et imitémur, quod cóntinent, et quod promittunt, assequámur. Per eúndem Dóminum nostrum.

At Barroux, a different collect was sung for the commemoration of Saint Mark; from the Pius XII Commune summorum pontificum would be my guess but won't go hunting for it.

Oratio. Exáudi, Dómine, preces nostras: et, interveniénte beáto Marco Confessóre tuo atque Pontífice, indulgéntiam nobis tríbue placátus et pacem. Per Dóminum.

Oratio. Sanctórum Martyrum tuórum nos, Dómine, Sérgii, Bacchi, Marcélli et Apuléji beáta mérita prosequántur: et tuo semper fáciant amóre fervéntes. Per Dóminum.

Léctio libri Sapiéntiæ.
Prov. 8, 22-24 et 32-35.
Dóminus possédit me in inítio viárum suárum, ántequam quidquam fáceret a princípio. Ab ætérno ordináta sum et ex antíquis, ántequam terra fíeret. Nondum erant abýssi, et ego jam concépta eram. Nunc ergo, fílii, audíte me: Beáti, qui custódiunt vias meas. Audite disciplínam, et estóte sapiéntes, et nolíte abjícere eam. Beátus homo, qui audit me et qui vígilat ad fores meas cotídie. et obsérvat ad postes óstii mei. Qui me invénerit, invéniet vitam et háuriet salútem a Dómino.

Graduale. Ps. 44,5,11 et 12. Propter veritátem et mansuetúdinem et justítiam, et dedúcet te mirabíliter déxtera tua. V. Audi, fília, et vide, et inclína aurem tuam: quia concupívit Rex spéciem tuam.

Allelúja, allelúja. V. Sollémnitas gloriósæ Vírginis Maríæ ex sémine Abrahæ, ortæ de tribu Juda, clara ex stirpe David. Allelúja.

+ Sequéntia sancti Evangélii secúndum Lucam.
Luc. 1, 26-38.
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit: Ave, grátia plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce, concípies in útero et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David, patris ejus: et regnábit in domo Jacob in ætérnum, et regni ejus non erit finis. Dixit autem María ad Angelum: Quómodo fiet istud, quóniam virum non cognósco? Et respóndens Angelus, dixit ei: Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce, Elisabeth, cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: quia non erit impossíbile apud Deum omne verbum. Dixit autem María: Ecce ancílla Dómini, fiat mihi secúndum verbum tuum.

At Barroux the Credo was not sung and presumably will not be said at Saint-E. Ioannes XXIII suppressed it here, I believe I recall; maybe it was Pius XII.

Credo.

Offertorium. Eccli. 24, 25; 39, 17. In me grátia omnis viæ et veritátis, in me omnis spes vitæ et virtútis: ego quasi rosa plantáta super rivos aquárum fructificávi.

Secreta. Fac nos, quǽsumus, Dómine, his munéribus offeréndis conveniénter aptári: et per sacratíssimi Rosárii mystéria sic vitam, passiónem et glóriam Unigéniti tui recólere; ut ejus digni promissiónibus efficiámur: Qui tecum.

At Barroux, a different collect was sung for the commemoration of Saint Mark, ut supra.

Secreta. Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.

Secreta. Majestátem tuam nobis, Dómine, quǽsumus, hæc hóstia reddat immolánda placátam, tuórum digna postulatióne Sanctórum. Per Dóminum.

Communio. Eccli. 39, 19. Floréte, flores, quasi lílium, et date  odórem, et frondéte in grátiam, collaudáte cánticum, et benedícite Dóminum in opéribus suis.

Postcommunio. Sacratíssimæ Genetrícis tuæ, cujus Rosárium celebrámus, quǽsumus, Dómine, précibus adjuvémur: ut et mysteriórum, quæ cólimus, virtus percipiátur; et sacramentórum, quæ súmpsimus, obtineátur efféctus: Qui vivis.

At Barroux, a different collect was sung for the commemoration of Saint Mark, ut supra.

Postcommunio. Da, quǽsumus, Dómine, fidélibus pópulis Sanctórum tuórum semper veneratióne lætari: et eórum perpétua supplicatióne muníri. Per Dóminum.

Postcommunio. Sacraméntis, Dómine, muniámur accéptis: et sanctórum Mártyrum tuórum Sérgii, Bacchi, Marcélli et Apuléji intercessióne, contra omnes nequítias irruéntes, annis cœléstibus protegámur. Per Dóminum.

The good folks at Neumz commented on the Communio of the feast, Floréte, flores, quasi lílium, which is the same also in the Pauline Rite Mass of the feast. 

To celebrate this day, we at Neumz have chosen the communion chant Florete flores. The text is taken from Sirach, also known as the Book of Ecclesiasticus, 29:19. “Blossom, you flowers...” is a luminous invitation from the Book of Ecclesiasticus to develop our supernatural activity in order to produce the fruit that God expects from us: the flowers that germinate within us and that with the Rosary’s fertilizer create a luxuriant bouquet of ineffable perfume, the fragrance of love. All of them we offer to God, along with our canticles of praise, blessing Him for the graces that He pours upon us and that make us blossom even more, raising us up in light and love.

As for the melody, it is composed in mode I; it is an adaptation of the communion Confundantur superbi from the Commune de sanctis.

 

 Everything in this piece is an invitation to praise and to become worthy servants of the Eternal Father. In the beginning, florete flores, flowers bloom, the accent of florete shines majestically on the La, dominant of the mode, marked by two slight bows in the form of a clivis, Fa-Mi. The semitonal interval confers great tenderness to this beginning. In flores, the melodic movement germinates around the fundamental, the Re, with a reverent descent to the Do and a majestic ascent with a quilismatic movement to the Fa, to end up settling on the Re. This melodic turn will return very similarly in the final cadence of the piece. In the next incise, quasi lilium, like the lily, with a splendid leap of a fifth in the accent of lilium, Re-La, fundamental and dominant, we are invited to be pure and loyal as symbolized by the lily. This closeness to the Lord is brilliantly materialized in the semitonal touch provided by the B-flat in the cadence. A type of insistence appears around the dominant in date, to give, with the porrectus resupinus, Sol-La-Sol-La: we are invited to bear a pleasant fruit, the initial invitation is gradually accentuated; after that, the melody descends delicately in the accent of odorem, odor or fragrance, and it settles, gracefully on the Re, then on the Do with a beautiful inverted cadence. In the next incise, et frondete in gratiam, and rich in grace, the melodic movement ascends from the robust low range with strength. Note the beautiful articulation in the accent of frondete, to blossom, on the La with the same cadence as in lilium: the grace makes that lily radiant, majestic, may the light of our soul shine with great brilliance.

In the next phrase, the invitation becomes a burst of jubilation, collaudate canticum, praise with canticles. The melody remains in the high range, the accent of collaudate resonates strongly with the bivirga on the Do. Also, the melody reaches the fundamental at the octave on the post-tonic syllable, and then settles on the dominant so that this song of praise around the La continues to sprout. Note the quilismatic movement in the accent of the word canticum, to which is added again the B-flat that gives a touch of tenderness to this immense joy. In the following incise, et benedicite Dominum, and bless the Lord, the similarity with the melody at the beginning of the piece is considerable. From Dominum onwards, the invitation to praise that characterizes this piece is also filled with gratefulness, which is internalized in the descent to the low register of the mode. In the accent of Dominum, the quilismatic movement gives firmness to the word, and the semitonal relationship of Mi-Fa reappears around the quilisma. The closeness to the Lord and the tenderness that he awakens in the soul become latent, blooming musically. In the last incise, in operibus, the masterful salicus that makes the accent shine gives an air of joy and veneration to the works of the Lord. In suis, His, the final cadence is almost identical to that of the first incise, in flores. In effect, the piece concludes by textually and musically uniting the beginning and the end: the works of the Lord are the flowers that grow from our souls.

LDVM

Festo Sancti Marci Papae et Confessoris, Festo Sanctorum Sergii et Bacchi Martyrum, Festo Sanctorum Marcelli et Apuleii Martyrum