Omnis, quicúmque conféssus fúerit me coram homínibus, et Fílius hóminis confiténtur illum coram Angelis Dei...

Today, according to the Kalendarium Romanum, is the feast of the Bishop Saint Januarius and his Companions, made Martyrs in the Diocletian catastrophe, but at Barroux it is a feria and the Mass of the Guardian Angels will be sung, Benedicite Dominum omnes angeli eius (it is the second Mass on that page).

The temperature is in the mid-40s F.; I can feel that it is chillier than it has been of late and the weather mages in the iPad confirm this. Am going out for the morning walk now, at 0600, i.e. more or less an hour later than has become usual. My sleep was disturbed by episodes of the barking of the dog, occasioned (so far as I can tell) by the rather unquiet return home of the neighbors at 0230ish; based on my decades-past experience of carousing at the bars I'm guessing that the neighbors left the tavern of their choice at closing time. 

It does change the experience of the morning walk when half of it is in sufficient daylight to see the landscape around, beyond what is visible by the street lights; there is, for one thing, more birdsong. Am drinking the first of the last two cups of tea, 'High Mountain Roast'; the fact is that I've had the packet of leaves rolled up in the tea box for so many months that I don't remember anything about it. A good choice for this hour of the morning. It seems to be a roast oolong, I think, not that I know much about tea varieties. 

Lectio 4

Januarius, Benevénti epíscopus, Diocletiáno et Maximiáno in Christiános sæviéntibus, ad Timotheum Campaniæ præsidem ob christianæ fidei professiónem Nolam perducitur. Ibi, ejus constántia varie tentata, in ardentem fornacem conjéctus, ita illæsus evasit, ut ne vestiméntum aut capillum quidem flamma violáverit. Hinc præses, accénsus iracúndia, Mártyris corpus imperat usque eo dístrahi, quoad nervórum compages artuumque solvántur. Festus interea ejus diaconus et Desiderius lector, comprehénsi vinctique, una cum episcopo ante rhedam præsidis Puteleos pertrahúntur, et in eumdem carcerem, in quo Sosius Misenas et Próculus Puteolánus diáconus, Eutyches et Acutius láici, ad bestias damnati, detinebántur, simul conjiciúntur.

R. Sancti tui, Dómine, mirábile consecúti sunt iter, serviéntes præcéptis tuis, ut inveniréntur illǽsi in aquis válidis:
* Terra appáruit árida: et in Mari Rubro via sine impediménto.
V. Quóniam percússit petram, et fluxérunt aquæ, et torréntes inundavérunt.
R. Terra appáruit árida: et in Mari Rubro via sine impediménto.

Lectio 5

Postero die omnes in amphitheatro feris objecti sunt; quæ, naturalis oblitæ feritátis, ad Januarii pedes se prostravére. Id Timótheus mágicis cantiónibus tribuens, cum senténtiam cápitis in Christi Mártyres pronuntiásset, óculis repénte captus, orante mox beato Januario, lumen recepit; quo miraculo hóminum míllia fere quinque Christi fidem suscepérunt. Verum ingrátus judex, níhilo placatior factus beneficio, sed conversióne tantæ multitúdinis actus in rábiem; véritus maxime príncipum decreta, sanctum Episcopum cum sociis gládio pércuti jussit.

R. Vérbera carníficum non timuérunt Sancti Dei, moriéntes pro Christi nómine:
* Ut herédes fíerent in domo Dómini.
V. Tradidérunt córpora sua propter Deum ad supplícia.
R. Ut herédes fíerent in domo Dómini.

Lectio 6

Horum córpora finítimæ urbes, pro suo quæque studio certum sibi patronum ex iis apud Deum adoptándi, sepelienda curarunt. Januarii corpus Neapolitani divino admónitu extulére; quod, primo Benevéntum, inde ad monastérium montis Vírginis, postremo Neapolim translátum et in majori ecclésia cónditum, multis miraculis cláruit. Sed illud in primis memorándum, quod erumpéntes olim e monte Vesuvio flammárum globos, nec vicínis modo sed longinquis étiam regiónibus vastitátis metum afferéntes, exstinxit. Præclárum illud quoque, quod ejus sanguis, qui in ampulla vitrea concretus asservátur, cum in conspéctu cápitis ejusdem Mártyris pónitur, admirándum in modum colliquefíeri et ebullire, perinde atque recens effúsus, ad hæc usque témpora cernitur.

R. Tamquam aurum in fornáce probávit eléctos Dóminus, et quasi holocáusti hóstiam accépit illos: et in témpore erit respéctus illórum:
* Quóniam donum et pax est eléctis Dei.
V. Qui confídunt in illum, intélligent veritátem, et fidéles in dilectióne acquiéscent illi.
R. Quóniam donum et pax est eléctis Dei.
V. Glória Patri, et Fílio, * et Spirítui Sancto.
R. Quóniam donum et pax est eléctis Dei.

Lectio 7
Léctio sancti Evangélii secúndum Matthǽum
Matt 24:3-13
In illo témpore: Sedénte Jesu super montem Oliveti, accessérunt ad eum discípuli secréto dicéntes: Dic nobis quando hæc erunt? Et réliqua.

Homilía sancti Hilarii Epíscopi

Comment. in Matth. cap. 25

Discipuli Dóminum intérrogant quando hæc fíerent, quodve signum et adventus sui et consummatiónis sæculi nóscerent. Et, quia tria hæc in unum quæsíta sunt, distinctis et témporis et intelligéntiæ significatiónibus separántur. Respondétur ígitur primum de civitátis occasu, et confirmántur veritáte doctrinæ, ne quis fallax ignorántibus posset obrépere; venturi enim erant étiam eórum témpore, qui se Christum essent nuncupatúri. Ut ígitur fides pestífero mendácio détrahi posset, admonítio præcessit.

R. Propter testaméntum Dómini, et leges patérnas, Sancti Dei perstitérunt in amóre fraternitátis:

* Quia unus fuit semper spíritus in eis, et una fides.

V. Ecce quam bonum et quam jucúndum habitáre fratres in unum.

R. Quia unus fuit semper spíritus in eis, et una fides.

Lectio 8

Confírmat ígitur eos ad tolerántiam passiónum, fugæ, verberatiónis, intéritus et publici in eos odii propter nomen ejus. Atque his quidem vexatiónibus multi turbabúntur, et, tantis insurgéntibus malis scandalizabúntur, et usque in mutuum ódium excitabúntur. Et falsi prophetæ erunt (ut Nicolaus unus ex septem diacónibus fuit), multosque ementíta veritáte pervertent; et, abundante nequitia, caritas refrigéscet.

R. Sancti mei, qui in carne pósiti, certámen habuístis:

* Mercédem labóris ego reddam vobis.

V. Veníte benedícti Patris mei, percípite regnum.

R. Mercédem labóris ego reddam vobis.

V. Glória Patri, et Fílio, * et Spirítui Sancto.

R. Mercédem labóris ego reddam vobis.

Lectio 9

Sed usque in finem perseverántibus salus reserváta est; ac tum, per omnes orbis partes viris apostolicis dispersis, Evangélii véritas prædicábitur. Et, cum univérsis fúerit cognítio sacraménti cæléstis invecta, tum Jerúsalem occasus et finis incumbet; ut prædicatiónis fidem, et infidelium pœna et metus civitátis érutæ consequátur. Hæc ígitur in eam, ut fuerant prædicta, perfécta sunt; et, lapidatis, fugatis, peremptis Apóstolis, fame, bello, captivitáte consumpta est. Ac tum fuit digna non esse, cum, ejectis prædicatóribus Christi, indignam Dei prædicatióne se præbuit.

Te Deum.

Introitus. Ps. 36, 39. Salus autem justórum a Dómino: et protéctor eórum est in témpore tribulatiónis. Ps. ibid., 1. Noli æmulári in malignántibus: neque zeláveris faciéntes iniquitátem. ℣. Glória Patri.

Oratio. Deus, qui nos ánnua sanctórum Mártyrum tuórum Ianuarii et Sociorum sollemnitáte lætíficas: concéde propítius; ut, quorum gaudémus méritis, accendámur exémplis. Per Dóminum.

Léctio Epístolæ beáti Pauli Apóstoli ad Hebrǽos.
Hebr. 10, 32-38.
Fratres: Rememorámini prístinos dies, in quibus illumináti magnum certámen sustinuístis passiónum: et in áltero quidem oppróbriis et tribulatiónibus spectáculum facti: in áltero autem sócii táliter conversántium effécti. Nam et vinctis compássi estis, et rapinam  bonórum vestrórum cum gáudio suscepístis, cognoscéntes vos habere meliórem et manéntem substántiam. Nolíte itaque amíttere! confidéntiam vestram, quæ magnam habet remuneratiónem. Patiéntia enim vobis necéssaria est: ut, voluntátem Dei faciéntes, reportétis promissiónem. Adhuc enim módicum aliquántulum, qui ventúrus est, véniet, et non tardábit. Justus autem meus ex fide vivit.

Or this Epistle might be read.

Léctio Epístolæ beáti Pauli Apóstoli ad Hebrǽos.
Hebr. 11, 33-39.
Fratres: Sancti per fidem vicérunt regna, operáti sunt justítiam, adépti sunt repromissiónes, obturavérunt ora leónum, exstinxérunt ímpetum ignis, effugérunt áciem gládii, convaluérunt de infirmitáte, fortes facti sunt in bello, castra vertérunt exterórum: accepérunt mulíeres de resurrectióne mórtuos suos: álii autem disténti sunt, non suscipiéntes redemptiónem, ut meliórem invenírent resurrectiónem: alii vero ludíbria et vérbera expérti, ínsuper et víncula et cárceres: lapidáti sunt, secti sunt, tentáti sunt, in occisióne gládii mórtui sunt: circuiérunt in melótis, in péllibus caprínis, egéntes, angustiáti, afflicti: quibus dignus non erat mundus: in solitudínibus errantes, in móntibus et spelúncis et in cavérnis terræ. Et hi omnes testimónio fídei probáti, invénti sunt in Christo Jesu, Dómino nostro.

Graduale. Ps. 33, 18-19. Clamavérunt justi, et Dóminus exaudívit eos: et ex ómnibus tribulatiónibus eórum liberávit eos. ℣. Juxta est Dóminus his, qui tribuláto sunt corde: et húmiles spíritu salvábit.

Allelúja, allelúja. ℣. Te Mártyrum candidátus laudat exércitus, Dómine. Allelúja.

✠ Sequéntia sancti Evangélii secúndum Lucam.
Luc. 12, 1-8.
In illo témpore: Dixit Jesus discípulis suis: Atténdite a ferménto pharisæórum, quod est hypócrisis. Nihil autem opértum est, quod non revelétur: neque abscónditum, quod non sciátur. Quóniam, quæ in ténebris dixístis, in lúmine dicéntur: et quod in aurem locuti estis in cubículis, prædicábitur in tectis. Dico autem vobis amícis meis: Ne terreámini ab his, qui occídunt corpus, et post hæc non habent ámplius quid fáciant. Osténdam autem vobis, quem timeátis: timéte eum, qui, postquam occídent, habet potestátem míttere in gehénnam. Ita dico vobis: hunc timéte. Nonne quinque pásseres véneunt dipóndio, et unus ex illis non est in oblivióne coram Deo? Sed et capílli cápitis vestri omnes numerári sunt. Nolíte ergo timére: multis passéribus pluris estis vos. Dico autem vobis: Omnis, quicúmque conféssus fúerit me coram homínibus, et Fílius hóminis confiténtur illum coram Angelis Dei.

Or this Gospel lesson might be read.

✠ Sequéntia sancti Evangélii secúndum Matthǽum.
Matth. 24, 3-13.
In illo témpore: Sedénte Jesu super montem Olivéti, accessérunt ad eum discípuli secréto, dicéntes: Dic nobis, quando hæc erunt? et quod signum advéntus tui et consummatiónis sǽculi? Et respóndens Jesus, dixit eis: Vidéte, ne quis vos sedúcat. Multi enim vénient in nómine meo, dicéntes: Ego sum Christus: et multos sedúcent.Auditúri enim estis prǿlia et opiniónes prœliórum. Vidéte, ne turbémini. Opórtet enim hæc fíeri, sed nondum est finis. Consúrget enim gens in gentem, et regnum in regnum, et erunt pestiléntiæ et fames et terræmótus per loca. Hæc autem ómnia inítia sunt dolórum. Tunc tradent vos in tribulatiónem et occídent vos: et éritis ódio ómnibus géntibus propter nomen meum. Et tunc scandalizabúntur multi, et ínvicem tradent, et odio habébunt ínvicem. Et multi pseudoprophétæ surgent, et sedúcent multos. Et quóniam abundávit iníquitas, refrigéscet cáritas multórum. Qui autem perseveráverit usque in finem, hic salvus erit.

Offertorium. Sap. 3, 1, 2 et 3. Justórum ánimæ in manu Dei sunt, et non tanget illos torméntum malítiae: visi sunt óculis insipiéntium mori: illi autem sunt in pace, allelúja.

Secreta. Oblátis, quǽsumus, Dómine, placáre munéribus: et, intercedéntibus sanctis Martýribus tuis Ianuario et Sociis, a cunctis nos defénde perículis. Per Dóminum.

Communio. Matth. 10, 27. Quod dico vobis in ténebris, dícite in lúmine, dicit Dóminus: et quod in aure audítis, prædicáte super 

tecta.

Postcommunio. Hæc nos commúnio, Dómine, purget a crímine: et, intercedéntibus sanctis Martýribus tuis Ianuario et Sociis, cœléstis remédii fáciat esse consórtes. Per Dóminum.

LDVM