Díliges Dóminum, Deum tuum, ex toto corde tuo et in tota ánima tua et in tota mente tua. Hoc est máximum et primum mandátum....

Secúndum autem símile est huic: Díliges próximum tuum sicut teípsum. In his duóbus mandátis univérsa lex pendet et prophétæ.

Today is the 17th Sunday post Pentecosten and the Mass is Da pacem Domine. Tsk; the Mass is Justus es Domine which error of mine I didn't catch until the monks at Barroux began singing the Introit, tsk; Da pacem is next Sunday's Mass. Now I shall have to replace... Tsk. It is the 4th Sunday of September and the Book of Judith is begun at Matins. At Saint-Eugène, however, the Mass Veni de Libano sponsa mea will be sung because it is the feast of Saint Thérèse de l'Enfant-Jésus, Saint Therese of Lisieux, Patroness secondaire of France, Doctor of the Church. The page at the Schola Sainte-Cécile's website is here, and the livret is here.

I don't believe that Saint Therese's Mass is in the Missale as early as 1920, nor is it in the September calendar of Ioannes XXIII's rearrangement of the Sacred Liturgy; in other words, am not quite sure where to find the texts off the top of my head otherwise than in the Saint-E. livret. Hmm. I cannot for the life of me remember the website that Saint-E. directs people to when they don't make their own livrets. A Solemn High Mass this morning, as befits the patronal feast. I shall put the Mass Veni de Libano just below, and move the Justus es Domine down the page; the Sunday is commemorated.

I see at Fr Maximilien-Marie's website that this solemn feast of the Holy Patroness is attached to the last Sunday of September.

Lectio 4
Ex libro sancti Ambrósii Epíscopi de Elía et jejúnio
Lectio iv, Cap. 9.
Poténtes vinum prohibéntur bíbere, ne, cum bíberint, obliviscántur sapiéntiam. Dénique bibébant vinum in ebrietáte poténtes, qui Holoférni príncipi milítiæ regis Assyriórum se trádere gestiébant; sed non bibébant fémina Judith, jejúnans ómnibus diébus viduitátis suæ, præter festórum diérum solemnitátes. His armis muníta procéssit et omnem Assyriórum circumvénit exércitum. Sóbrii vigóre consílii ábstulit Holoférnis caput, servávit pudicítiam, victóriam reportávit.

R. Nos álium Deum nescímus præter Dóminum, in quo sperámus:
* Qui non déspicit nos, nec ámovet salútem suam a génere nostro.
V. Indulgéntiam ipsíus fusis lácrimis postulémus, et humiliémus illi ánimas nostras.
R. Qui non déspicit nos, nec ámovet salútem suam a génere nostro.

Lectio 5
Hæc enim succíncta jejúnio in castris prætendébat aliénis; ille vino sepúltus jacébat, ut ictum vúlneris sentíre non posset. Ítaque uníus mulíeris jejúnium innúmeros stravit exércitus Assyriórum. Esther quoque púlchrior facta est jejúnio; Dóminus enim grátiam sóbriæ mentis augébat. Omne genus suum, id est, totum pópulum Judæórum a persecutiónis acerbitáte liberávit, ita ut regem sibi fáceret esse subjéctum.

R. Dominátor, Dómine, cælórum et terræ, Creátor aquárum, Rex univérsæ creatúræ:
* Exáudi oratiónem servórum tuórum.
V. Tu, Dómine, cui humílium semper et mansuetórum plácuit deprecátio.
R. Exáudi oratiónem servórum tuórum.

Lectio 6
Itaque illa, quæ tríduo jejunávit contínuo, et corpus suum aqua lavit, plus plácuit, et vindíctam rétulit. Aman autem, dum se regáli jactat convívio, inter ipsa vina pœnam suæ ebrietátis exsólvit. Est ergo jejúnium reconciliatiónis sacrifícium, virtútis increméntum, quod fecit étiam féminas fortióres augménto grátiæ. Jejúnium nescit fæneratórem, non sortem fǽnoris novit: non rédolet usúras mensa jejunántium. Etiam ipsis jejúnium convíviis dat grátiam: dulcióres post famem épulæ fiunt, quæ assiduitáte fastídio sunt, et diutúrna continuatióne viléscunt. Condiméntum cibi jejúnium est: quanto avídior appeténtia, tanto esca jucúndior.

R. Dómine Deus, qui cónteris bella ab inítio, éleva brácchium tuum super gentes, quæ cógitant servis tuis mala:
* Et déxtera tua glorificétur in nobis.
V. Allíde virtútem eórum in virtúte tua; cadat robur eórum in iracúndia tua.
R. Et déxtera tua glorificétur in nobis.
V. Glória Patri, et Fílio, * et Spirítui Sancto.
R. Et déxtera tua glorificétur in nobis.

Lectio 7

Léctio sancti Evangélii secúndum Matthǽum

Matt 22:34-46.

In illo témpore: Accessérunt ad Jesum pharisǽi, et interrogávit eum unus ex eis legis doctor tentans eum: Magíster, quod est mandátum magnum in lege? Et réliqua.

Homilía sancti Joánnis Chrysóstomi

Homilia 72 in Matthæum.

Sadducǽis confúsis, pharisǽi rursus aggrediúntur; cumque quiéscere oportéret, decertáre voluérunt: et legis perítiam profiténtem præmíttunt, non díscere, sed tentáre cupiéntes; ac ita intérrogant: Quodnam primum mandátum in lege sit. Nam cum primum illud sit, Díliges Dóminum Deum tuum: putántes causas sibi allatúrum ad mandátum hoc corrigéndum, áliquid addéndo, quóniam Deum se faciébat, hoc modo intérrogant. Quid ígitur Christus? Ut osténdat idcírco ad hæc eos devenísse, quia nulla in eis esset cáritas, sed invídiæ livóre tabéscerent: Díliges, inquit, Dóminum Deum tuum: hoc primum et magnum mandátum est. Secúndum autem símile huic: Díliges próximum tuum sicut teípsum.

R. Confórta me, Rex, Sanctórum principátum tenens:

* Et da sermónem rectum et bene sonántem in os meum.

V. Dómine, Rex univérsæ potestátis, convérte consílium eórum super eos.

R. Et da sermónem rectum et bene sonántem in os meum.

Lectio 8

Quam ob rem símile est huic? Quóniam hoc illud indúcit, et ab illo rursus munítur. Quicúmque enim male agit, ódio habet lucem, et non venit ad lucem. Et rursus: Dixit insípiens in corde suo, Non est Deus. Deínde séquitur: Corrúpti sunt, et abominábiles facti sunt in stúdiis suis. Et íterum: Radix ómnium malórum avarítia est; quam quidam appeténtes, erravérunt a fide. Et, Qui díligit me, mandáta mea servábit: quorum caput et radix est: Díliges Dóminum Deum tuum, et próximum tuum sicut teípsum.

R. Duo Séraphim clamábant alter ad álterum:

* Sanctus, sanctus, sanctus Dóminus Deus Sábaoth: * Plena est omnis terra glória ejus.

V. Tres sunt qui testimónium dant in cælo: Pater, Verbum, et Spíritus Sanctus: et hi tres unum sunt.

R. Sanctus, sanctus, sanctus Dóminus Deus Sábaoth.

V. Glória Patri, et Fílio, * et Spirítui Sancto.

R. Plena est omnis terra glória ejus.

Lectio 9

Si ergo dilígere Deum, dilígere próximum est: (nam si díligis me, o Petre, inquit, pasce oves meas) si étiam diléctio próximi facit ut mandáta custódias: mérito ait in his totam legem et prophétas pendére. Et quemádmodum in superióribus, cum de resurrectióne interrogarétur, plus dócuit quam tentántes petébant; sic in hoc loco de primo interrogátus mandáto, secúndum étiam non valde quam primum inférius, sponte áttulit; secúndum enim est primo símile. Ita occúlte insinuávit, ódio illos ad quæréndum incitári. Cáritas enim, inquit, non æmulátur.

Te Deum.

 

~+~+~+~

From the Mass at Saint-Eugène for the feast of Saint Thérèse.

Introitus. 3rd tone Cant 4,8-9; Ps 92,1. Veni * de Líbano, sponsa mea, veni de Líbano, veni : vulnerásti cor meum, soror mea sponsa, vulnerásti cor meum. Ps. Laudáte, púeri, Dóminum: * laudáte nomen Dómini. V/. Glória Patri.

Oratio. Domine, qui dixísti: Nisi efficiámini sicut párvuli, non intrábitis in regnum cælórum: da nobis, quæsumus ; ita sanctæ Terésiæ Vírginis in humilitáte et simplicitáte cordis vestígia sectári, ut præmia consequámur ætérna: Qui vivis et regnas.

Lectio Isaiae Prophetae
Isaias 66,12-14.
Hæc dicit Dóminus: Ecce, ego declinábo super eam quasi flúvium pacis, et quasi torréntem inundántem glóriam géntium, quam sugétis: ad úbera portabímini, et super génua blandiéntur vobis. Quómodo si cui mater blandiátur, ita ego consolábor vos, et in Ierúsalem consolabímini. Vidébitis, et gaudébit cor vestrum, et ossa vestra quasi herba germinábunt, et cognoscétur manus Dómini servis eius.

Graduale. 5th tone Matt 11,25; Ps 70,5. Confíteor tibi, * Pater, Dómine cæli et terræ, quia abscondísti hæc a sapiéntibus et prudéntibus, et revelásti ea párvulis. V/. Dómine, spes mea a juventúte * mea.

Alleluia, alleluia. 7th tone Ecclus 49,17-19. V/. Quasi rosa plantáta super rivos aquárum fructificáte: quasi Líbanus odórem suavitátis habéte: floréte flores, quasi lílium, et date odórem, et frondéte in grátiam, et collaudáte cánticum, et benedícite Dóminum * in opéribus suis. Alleluia.

+Sequentia sancti Evangelii secundum Matthaeum

Matt 18,1-4.

In illo témpore : Accessérunt discípuli ad Jesum, dicéntes : Quis, putas, major est in regno cælórum ? Et ádvocans Jesus párvulum, státuit eum in médio eórum, et dixit : Amen, dico vobis, nisi convérsi fuéritis, & efficiámini sicut párvuli, non intrábitis in regnum cælórum. Quicúmque ergo humiliáverit se sicut párvulus iste, hic est major in regno cælórum.

After the homily, a Chaconne taken from the collection pour la musette et basse continue of Esprit-Philippe Chédeville dit l'Aîné. The musette is a species of... bagpipe, ahem; cornemuse, one says in French. Alas, no musettes today, only the violin and violoncello. Quite beautiful! even without a musette.

During the incensing of the altar at the Offertory, the Schola sang this Laudate Dominum from the Processional de Bayeux et Lisieux, 1861.

Offertorium. 1st tone Luc 1,46-48, 49. Magníficat * ánima mea Dóminum: et exsultávit spíritus meus in Deo salutári meo: quia respéxit humilitátem ancíllæ suæ: fecit mihi magna qui potens est.

Secreta. Réspice, Dómine, quæsumus, nostram propítius servitútem : ut, quod offérimus, sit tibi munus accéptum, et sit nostræ fragilitátis subsídium. Per Dóminum.

At the Elevation, the Schola sang the O salutaris Hostia from the Messe brève 'Aux Chapelles' de Charles Gounod.

At the Communion, the Schola sang O sacrum convivium from the Processional de Bayeux et Lisieux, 1830.

Communio. 7th tone Deut 32, 10-12. Circumdúxit eam, * et dócuit: et custodívit quasi pupíllam óculi sui. Sicut áquila expándit alas suas, et assúmpsit eam, atque portávit in húmeris suis. Dóminus solus dux ejus fuit.

Postcommunio. Illo nos, Dómine, amóris igne cæléste mystérium inflámmet : quo sancta Terésia Virgo tua se tibi pro homínibus caritátis víctimam devóvit. Per Dóminum.

At the departure of the clergy from the sanctuary, Luce divina rutilantis aulae, the Vespers hymn of the feast of Saint Thérèse, from the Norman plainchant taken from the liturgical books of Coutances, arranged by M D'Oliveira. The remainder of the strophes are in the libellum linked supra.

~+~+~+~

This is the Mass Justus es Domine sung at Barroux.

The Asperges me having been sung, the procession at Barroux began; I managed to hear, 'to catch', what was the first reponsorium (usually I don't): Dominator Domine caelorum et terrae.

Introitus. Ps. 118, 137 et 124. Justus es, Dómine, et rectum judicium tuum: fac cum servo tuo secúndum misericórdiam tuam. Ps. ibid., 1. Beáti immaculáti in via: qui ámbulant in lege Dómini. ℣. Glória Patri.

Kyrie, Gloria.

Oratio. Da, quǽsumus, Dómine, pópulo tuo diabólica vitare contágia: et te solum Deum pura mente sectári. Per Dóminum.

Léctio Epístolæ beáti Pauli Apóstoli ad Ephésios.

Ephes. 4, 1-6.

Fratres: Obsecro vos ego vinctus in Dómino, ut digne ambulétis vocatióne, qua vocáti estis, cum omni humilitáte et mansuetúdine, cum patiéntia, supportántes ínvicem in caritáte, sollíciti serváre unitátem spíritus in vínculo pacis. Unum corpus et unus spíritus, sicut vocáti estis in una spe vocatiónis vestræ. Unus Dóminus, una fides, unum baptísma. Unus Deus et Pater ómnium, qui est super omnes et per ómnia et in ómnibus nobis. Qui est benedíctus in sǽcula sæculórum. Amen

Graduale. Ps. 32, 12 et 6. Beáta gens, cujus est Dóminus Deus eórum: pópulus, quem elégit Dóminus in hereditátem sibi. ℣. Verbo Dómini cœli firmáti sunt: et spíritu oris ejus omnis virtus eórum.

Allelúja, allelúja. ℣. Ps. 101, 2 Dómine, exáudi oratiónem meam, et clamor meus ad te pervéniat. Allelúja.

✠ Sequéntia sancti Evangélii secúndum Matthǽum.

Matth. 22, 34-46.

In illo témpore: Accessérunt ad Jesum pharisǽi: et interrogávit eum unus ex eis legis doctor, tentans eum: Magíster, quod est mandátum magnum in lege? Ait illi Jesus: Díliges Dóminum, Deum tuum, ex toto corde tuo et in tota ánima tua et in tota mente tua. Hoc est máximum et primum mandátum. Secúndum autem símile est huic: Díliges próximum tuum sicut teípsum. In his duóbus mandátis univérsa lex pendet et prophétæ. Congregátis autem pharisǽis, interrogávit eos Jesus, dicens: Quid vobis vidétur de Christo? cujus fílius est? Dicunt ei: David. Ait illis: Quómodo ergo David in spíritu vocat eum Dóminum, dicens: Dixit Dóminus Dómino meo, sede a dextris meis, donec ponam inimícos tuos scabéllum pedum tuórum? Si ergo David vocat eum Dóminum, quómodo fílius ejus est? Et nemo poterat ei respóndere verbum: neque ausus fuit quisquam ex illa die eum ámplius interrogáre.

Father Zuhlsdorf's 'homily' for today is here, Dr Olson's is here (remembering that he comments on the lessons of the Pauline Rite), and, from Voice of the Family, a meditation taken from Fr Gabriel of Saint Mary Magdalene OCD's Divine Intimacy, here. Our anonymous Dominican friend must be otherwise occupied, I reckon.

Credo.

Offertorium. Dan. 9, 17, 18 et 19. Orávi Deum meum ego Dániel, dicens: Exáudi, Dómine, preces servi tui: illúmina fáciem tuam super sanctuárium tuum: et propítius inténde pópulum istum, super quem invocátum est nomen tuum, Deus.

Secreta. Majestátem tuam, Dómine, supplíciter deprecámur: ut hæc sancta, quæ gérimus, et a prætéritis nos delictis éxuant et futúris. Per Dóminum.

Sanctus, Agnus Dei.

Communio. Ps. 75, 12-13. Vovéte et réddite Dómino, Deo vestro, omnes, qui in circúitu ejus affértis múnera: terríbili, et ei qui aufert spíritum príncipum: terríbili apud omnes reges terræ.

Postcommunio. Sanctificatiónibus tuis, omnípotens Deus, et vítia nostra curéntur, et remédia nobis ætérna provéniant. Per Dóminum.

Time does fly; I remember reading about Sir James MacMillan's Cumnock Tryst when he founded it, a decade ago now, evidently.

LDVM

Festo Sanctae Teresiae de Iesu Infante Virginis Doctoris Ecclesiae, Charles Gounod, Esprit-Philippe Chédeville dit l'Aîné