Martha, Martha, sollícita es et turbáris erga plúrima: porro unum est necessárium...

Today is the feast of Saint Martha with the commemoration of the Martyrs Saints Felix, Simplicius, Faustinus, and Beatrice, and the Saturday within the 8th week post Pentecosten. At Barroux, the Mass of Saint Martha was sung, the point made (on the YouTube page) that it is proper to the diocese of Avignon: so we shall see if it differs from Dilexisti iustitiam in the Missale Romanum. In the Graduale triplex, the Mass provided in the Proper is also Dilexisti iustitiam; in the Proper of the Benedictines, however, it's Sitientes venite ad aquas, with the feast being of Saints Martha, Mary, and Lazarus, hospitum Domini. We shall see.

Dilexisti iustitiam it is.

Lectio 4

Martha, nobílibus et copiosis paréntibus nata, sed Christi Dómini hospítio clarior, post ejus ascénsum in cælum, cum fratre, sorore, et Marcella pedíssequa, ac Maximino, uno ex septuagínta duobus discípulis Christi Dómini, qui totam illam domum baptizaverat, multisque aliis Christiánis, comprehensa a Judæis, in navem sine velo ac remigio impónitur, vastíssimoque mari ad certum naufragium committitur. Sed navis, Deo gubernante, salvis ómnibus, Massiliam appulsa est.

R. Propter veritátem, et mansuetúdinem, et justítiam:
* Et dedúcet te mirabíliter déxtera tua.
V. Spécie tua et pulchritúdine tua inténde, próspere procéde, et regna.
R. Et dedúcet te mirabíliter déxtera tua.

Lectio 5

Eo miraculo et horum prædicatióne, primum Massilienses, mox Aquenses ac finítimæ gentes in Christum credidérunt; Lazarusque Massiliensium et Maximinus Aquensium epíscopus creatur. Magdalena vero, assueta oratióni et pédibus Dómini, ut optima parte contemplandæ cæléstis beatitúdinis, quam elégerat, fruerétur, in vastam altíssimi montis spelúncam se cóntulit; ubi trigínta annos vixit, ab omni hóminum consuetúdine disjuncta, quotidiéque per id tempus ad audiendas cæléstium laudes in altum ab Angelis elata.

R. Dilexísti justítiam, et odísti iniquitátem:
* Proptérea unxit te Deus, Deus tuus, óleo lætítiæ.
V. Propter veritátem, et mansuetúdinem, et justítiam.
R. Proptérea unxit te Deus, Deus tuus, óleo lætítiæ.

Lectio 6

Martha autem, mirábili vitæ sanctitáte et caritate, ómnium Massiliensium ánimis in sui amórem et admiratiónem adductis, in locum a viris remotum cum aliquot honestíssimis féminis se recepit; ubi summa cum laude pietátis et prudéntiæ diu vixit, ac demum, morte sua multo ante prædicta, miraculis clara migrávit ad Dóminum, quarto Kalendas Augusti. Cujus corpus apud Tarascum magnam habet veneratiónem.

R. Afferéntur Regi vírgines post eam, próximæ ejus;
* Afferéntur tibi in lætítia et exsultatióne.
V. Spécie tua et pulchritúdine tua; inténde, próspere procéde, et regna.
R. Afferéntur tibi in lætítia et exsultatióne.
V. Glória Patri, et Fílio, * et Spirítui Sancto.
R. Afferéntur tibi in lætítia et exsultatióne.

Lectio 7
Léctio sancti Evangélii secúndum Lucam
Luc 10:38-42
In illo témpore: Intrávit Jesus in quoddam castéllum; et múlier quædam, Martha nómine, excépit illum in domum suam. Et réliqua. 

Homilía sancti Augustíni Epíscopi
Sermo 20 de Verbis Domini
Verba Dómini nostri Jesu Christi, quæ modo ex Evangélio recitáta sunt, ádmonent nos, esse unum aliquid quo tendámus, quando in hujus sæculi multitúdine laboramus. Téndimus autem adhuc peregrinántes, nondum manéntes; adhuc in via, nondum in pátria; adhuc desiderándo, nondum fruéndo. Tamen tendámus, et sine pigrítia et sine intermissióne tendámus, ut aliquándo perveníre valeamus. Martha et Maria duæ sorores erant, ambæ non solum carne, sed étiam religióne germanæ; ambæ Dómino adhæsérunt, ambæ Dómino in carne præsénti concorditer serviérunt.

R. Hæc est Virgo sápiens, quam Dóminus vigilántem invénit, quæ accéptis lampádibus sumpsit secum óleum:
* Et veniénte Dómino, introívit cum eo ad núptias.
V. Média nocte clamor factus est: Ecce sponsus venit, exíte óbviam ei.
R. Et veniénte Dómino, introívit cum eo ad núptias.

Lectio 8
Suscépit eum Martha, sicut solent súscipi peregrini; sed tamen suscépit famula Dóminum, ægra Salvatórem, creatura Creatórem. Suscépit autem spíritu pascenda, in carne pascéndum. Voluit enim Dóminus formam servi accípere, et, accepta forma servi, in illa pasci a servis, dignatióne, non conditione. Nam et ista dignátio fuit, se præbére pascéndum. Habebat carnem, in qua esuriret quidem, et sitiret; sed nescítis, quia in erémo esuriénti Angeli ministrábant? Ergo quod pasci vóluit, pascénti præstitit. Quid autem mirum, si et de sancto Elía præstitit víduæ, quem prius, corvo ministrante, pascebat? Numquid pascéndo defécerat, quando ad víduam mittebat? Nequaquam, sed religiosam víduam, per obsequium exhibitum servo suo, benedicere disponebat.

R. Média nocte clamor factus est:
* Ecce sponsus venit, exíte óbviam ei.
V. Prudéntes vírgines, aptáte vestras lámpades.
R. Ecce sponsus venit, exíte óbviam ei.
V. Glória Patri, et Fílio, * et Spirítui Sancto.
R. Ecce sponsus venit, exíte óbviam ei.

Lectio 9
Sic ergo susceptus est Dóminus, tamquam hospes, qui in sua propria venit, et sui eum non recepérunt; sed quotquot recepérunt eum, dedit eis potestátem fílios Dei fíeri, adoptans servos et liberos fáciens, rédimens captivos et fáciens coheredes. Ne quis tamen vestrum fórsitan dicat: O beáti, qui Christum suscipere in domum propriam meruérunt! Noli dolére, noli murmurare quia tempóribus natus es, quando jam Dóminus non vides in carne. Non tibi ábstulit istam dignatiónem. Cum uni, inquit, ex minimis meis fecistis, mihi fecistis. Hæc de Dómino pascéndo in carne, sed pascénte in spiritu, pauca pro témpore dixérimus.

 

Te Deum.

Introitus. Ps. 44, 8. Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis. Ps. ibid., 2. Eructávit cor meum verbum bonum: dico ego ópera mea Regi. V. Glória Patri.

At Barroux there was sung a different collect. 

[MR Oratio. Exáudi nos, Deus, salutáris noster: ut, sicut de beátæ Marthæ Vírginis tuæ festivitáte gaudémus; ita piæ devotiónis erudiámur affectu. Per Dóminum.

But this collect of the Commemoratio was indeed sung.

Oratio. Præsta, quǽsumus, Dómine: ut, sicut pópulus christiánus Mártyrum tuórum Felícis, Simplícii, Faustíni et Beatrícis temporáli sollemnitáte congáudet, ita perfruátur ætérna; et, quod votis célebrat, comprehéndat efféctu. Per Dóminum.

A different lesson was sung at Barroux.

[MR Léctio Epístolæ beáti Pauli Apóstoli ad Corinthios.

2. Cor. 10, 17-18; 11, 1-2.
Fratres: Qui gloriatur, in Dómino gloriétur. Non enim, qui seípsum comméndat, ille probátus est; sed quem Deus comméndat. Utinam sustinerétis módicum quid insipiéntiæ meæ, sed et supportáte me: ǽmulor enim vos Dei æmulatióne. Despóndi enim vos uni viro vírginem castam exhibére Christo.

Graduale. Ps. 44, 5. Spécie tua et pulchritúdine tua inténde, próspere procéde et regna. V. Propter veritátem et mansuetúdinem et justítiam: et dedúcet te mirabíliter déxtera tua.

Allelúja, allelúja. V. Ibid., 15 et 16. Adducántur Regi Vírgines post eam: próximæ ejus afferéntur tibi in lætítia. Allelúja.

This was the lesson at Barroux, although there was an adjustment at the phrase Intravit Iesus in quoddam castellum. Hmm. 

+ Sequéntia sancti Evangélii secúndum Lucam.
Luc. 10, 38-42.
In illo témpore: Intrávit Jesus in quoddam castéllum: et múlier quædam, Martha nómine, excépit illum in domum suam: et huic erat soror nómine María, quæ étiam sedens secus pedes Dómini, audiébat verbum illíus. Martha autem satagébat circa frequens ministérium: quæ stetit et ait: Dómine, non est tibi curæ, quod soror mea réliquit me solam ministráre? dic ergo illi, ut me ádjuvet. Et respóndens, dixit illi Dóminus: Martha, Martha, sollícita es et turbáris erga plúrima: porro unum est necessárium. María óptimam partem elégit, quæ non auferétur ab ea.

Offertorium. Ps. 44, 10. Fíliæ regum in honóre tuo, ástitit regína a dextris tuis in vestítu deauráto, circúmdata varietáte.

As at the Collects, the Secret of the feast was not the one in the Missale but that of the Commemoratio was.

[MR Secreta. Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.

Secreta. Hóstias tibi, Dómine, pro sanctórum Mártyrum tuórum Felícis, Simplícii, Faustíni et Beatrícis commemoratióne deférimus: supplíciter deprecántes; ut indulgéntiam nobis páriter cónferant et salútem. Per Dóminum.

Communio. Matth. 25, 4 et 6. Quinque prudéntes vírgines accepérunt óleum in vasis suis cum lampádibus: média autem nocte clamor factus est: Ecce, sponsus venit: exíte óbviam Christo Dómino.

And as with the other orations, the Postcommunio is other at Barroux but the Postcommunio of the Commemoratio is as in the Missale Romanum. 

[MR Postcommunio. Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus sollémnia celebrámus. Per Dóminum.

Postcommunio. Præsta, quǽsumus, omnípotens Deus: ut sanctórum Martyrum tuórum Felícis, Simplícii, Faustíni et Beatrícis cœléstibus mýsteriis celebráta sollémnitas, indulgéntiam nobis tuæ propitiatiónis acquírat. Per Dóminum.

LDVM