Dixit discípulis suis: nisi abundáverit justítia vestra plus quam scribárum et pharisæórum, non intrábitis in regnum cœlórum...

This post is displaying dated July 1 instead of under the correct date July 2 because I began it on the 1st and instead of... well, nonsense to do with Blogger's peculiarities and my inconsistent attention to them, pft.

I see that in fact (as I had supposed) the solemn Mass of the Apostles Saints Peter and Paul will be sung at Saint-Eugène, with Vespers being of the 5th Sunday post Pentecosten, and commemoration of the feast of Our Lady's Visitation. It will be a First Mass of a priest of the Institute of the Good Shepherd, M. l’Abbé Alexandre Saphy, ordained by his Eminence Gerhard Cardinal Müller on the feast of the Nativity of Saint John the Baptist.

It is also the 4th day infra Octavam Sanctorum Petri et Pauli Apostolorum; I'm presuming that at Barroux the monks will sing the Mass Exaudi Domine vocem meam of the Sunday but since the ordo stipulates "ad Ld., Ms. et Vesp. cm. Visitationis B.M.V." I'm not certain. The Mass Salve sancta Parens is sung for the Visitation in the Roman Missal.

Noticed yesterday that the Martyrs Saint Processus and Martinianus are remembered in the Old English Martyrology on July 2, so wasn't much surprised to see a commemoration of their feast when I went scrounging about in the texts of Masses for today. I see that their Mass is being said at Barroux on the 3rd. (I'm going to guess that there is no commemoration of the Holy Apostles because three orations at Mass was the limit imposed in the reign of Pius XII?) 

The libellum for Holy Mass at Saint-Eugène is here, and the page for today at the Schola's web site is here. 

The monks are indeed singing Exaudi Domine vocem meam.

Lectio 4
Ex libro Morálium sancti Gregórii Papæ
Liber 4, Cap. 3 et 4.
Quid est quod David, qui retribuéntibus sibi mala non réddidit, cum Saul et Jónathas bello occúmberent, Gélboë móntibus maledíxit, dicens: Montes Gélboë, nec ros nec plúvia véniant super vos: neque sint agri primitiárum: quia ibi abjéctus est clýpeus fórtius, clýpeus Saul, quasi non esset unctus óleo? Quid est quod Jeremías, cum prædicatiónem suam cérneret audiéntium difficultáte præpedíri, maledíxit dicens: Maledíctus vir, qui annuntiávit patri meo, dicens: Natus est tibi puer másculus?

R. Percússit Saul mille, et David decem míllia:
* Quia manus Dómini erat cum illo: percússit Philisthǽum, et ábstulit oppróbrium ex Israël.
V. Nonne iste est David, de quo canébant in choro, dicéntes: Saul percússit mille, et David decem míllia?
R. Quia manus Dómini erat cum illo: percússit Philisthǽum, et ábstulit oppróbrium ex Israël.

Lectio 5
Quid ergo montes Gélboë, Saul moriénte, deliquérunt, quátenus in eos nec ros nec plúvia cáderet et ab omni eos viriditátis gérmine senténtiæ sermo siccáret? Sed quia Gélboë interpretátur decúrsus, per Saul autem unctum et mórtuum mors nostri mediatóris exprímitur; non immérito per Gélboë montes supérba Judæórum corda signántur, quæ dum in hujus mundi desidériis défluunt, in Christi, id est, uncti se morte miscuérunt: et quia in eis unctus rex corporáliter móritur, ipsi ab omni grátiæ rore siccántur.

R. Montes Gélboë, nec ros nec plúvia véniant super vos,
* Ubi cecidérunt fortes Israël.
V. Omnes montes, qui estis in circúitu ejus, vísitet Dóminus: a Gélboë autem tránseat.
R. Ubi cecidérunt fortes Israël.

Lectio 6
De quibus et bene dícitur, ut agri primitiárum esse non possint. Supérbæ quippe Hebræórum mentes primitívos fructus non ferunt: quia in Redemptóris advéntu ex parte máxima in perfídia remanéntes, primórdia fídei sequi noluérunt. Sancta namque Ecclésia in primítiis suis multitúdine Géntium fœcundáta, vix in mundi fine Judǽos quos invénerit, súscipit, et extréma cólligens, eos quasi relíquias frugum ponit.

R. Ego te tuli de domo patris tui, dicit Dóminus, et pósui te páscere gregem pópuli mei:

* Et fui tecum in ómnibus ubicúmque ambulásti, firmans regnum tuum in ætérnum.

V. Fecíque tibi nomen grande, juxta nomen magnórum, qui sunt in terra: et réquiem dedi tibi ab ómnibus inimícis tuis.

R. Et fui tecum in ómnibus ubicúmque ambulásti, firmans regnum tuum in ætérnum.

V. Glória Patri, et Fílio, * et Spirítui Sancto.
R. Et fui tecum in ómnibus ubicúmque ambulásti, firmans regnum tuum in ætérnum.

Lectio 7
Léctio sancti Evangélii secúndum Matthǽum
Matt 5:20-24.
In illo témpore: Dixit Jesus discípulis suis: Nisi abundáverit justítia vestra plus quam scribárum et pharisæórum, non intrábitis in regnum cælórum. Et réliqua.

Homilía sancti Augustíni Epíscopi
Liber 1 de Sermóne Dómini in monte, cap. 9.
Justítia pharisæórum est, ut non occídant: justítia eórum, qui intratúri sunt in regnum cælórum, ut non irascántur sine causa. Mínimum est ergo, non occídere; et qui illud sólverit, mínimus vocábitur in regno cælórum. Qui autem illud impléverit, ut non occídat, non contínuo magnus erit, et idóneus regno cælórum; sed tamen ascéndit áliquem gradum: perficiétur autem, si nec irascátur sine causa; quod si perfécerit, multo remótior erit ab homicídio. Quaprópter qui docet ut non irascámur, non solvit legem ne occidámus, et in corde, dum non iráscimur, innocéntiam custodiámus.

R. Peccávi super númerum arénæ maris, et multiplicáta sunt peccáta mea: et non sum dignus vidére altitúdinem cæli præ multitúdine iniquitátis meæ: quóniam irritávi iram tuam,
* Et malum coram te feci.
V. Quóniam iniquitátem meam ego cognósco: et delíctum meum contra me est semper, quia tibi soli peccávi.
R. Et malum coram te feci.

Lectio 8
Gradus ítaque sunt in istis peccátis: ut primo quisque irascátur, et eum motum retíneat corde concéptum. Jam si extórserit vocem indignántis ipsa commótio, non significántem áliquid, sed illum ánimi motum ipsa eruptióne testántem, qua feriátur ille, cui iráscitur; plus est útique, quam si surgens ira siléntio premerétur. Si vero non solum vox indignántis audiátur, sed étiam verbum, quo jam certam ejus vituperatiónem, in quem profértur, desígnet et notet; quis dúbitet, ámplius hoc esse, quam si solus indignatiónis sonus ederétur?

R. Duo Séraphim clamábant alter ad álterum:
* Sanctus, sanctus, sanctus Dóminus Deus Sábaoth: * Plena est omnis terra glória ejus.
V. Tres sunt qui testimónium dant in cælo: Pater, Verbum, et Spíritus Sanctus: et hi tres unum sunt.
R. Sanctus, sanctus, sanctus Dóminus Deus Sábaoth.
V. Glória Patri, et Fílio, * et Spirítui Sancto.
R. Plena est omnis terra glória ejus.

Lectio 9
Vide nunc étiam tres reátus, judícii, concílii, et gehénnæ ignis. Nam in judício adhuc defensióni datur locus. In concílio autem, quamquam et judícium esse sóleat, tamen quia interésse áliquid hoc loco fatéri cogit ipsa distínctio, vidétur ad concílium pertinére senténtiæ prolátio; quando non jam cum ipso reo ágitur, utrum damnándus sit; sed inter se, qui júdicant, cónferunt quo supplício damnári opórteat, quem constat esse damnándum. Gehénna vero ignis, nec damnatiónem habet dúbiam, sicut judícium, nec damnáti pœnam, sicut concílium: in gehénna quippe ignis, certa est damnátio, et pœna damnáti.

 

Te Deum.

 

In the minute before the recording of Terce at Barroux began-- it is after 0400-- I looked at Saint-E.'s page in order to open the libellum and caught the live-streaming of the verses after the Te Deum sung in thanksgiving for M l'Abbé Saphy's First Mass and then the first strophe of Chez nous soyez Reine: violins, violoncello, and trombone this morning, which can't happen on the 5th Sunday post Pentecosten very often. And I see that his Eminence Raymond Cardinal Burke will celebrate a pontifical Mass at Saint-E. on September 16. 

Which I see is a Saturday, introducing doubt as to whether the Mass will be live-streamed.

Introitus. Ps. 26, 7 et 9. Exáudi, Dómine, vocem meam, qua clamávi ad te: adjútor meus esto, ne derelínquas me neque despícias me, Deus, salutáris meus. Ps. ibid., 1. Dóminus illuminátio mea et salus mea, quem timébo? ℣. Glória Patri.

Oratio. Deus, qui diligéntibus te bona invisibília præparásti: infúnde córdibus nostris tui amóris afféctum; ut te in ómnibus et super ómnia diligéntes, promissiónes tuas, quæ omne desidérium súperant, consequámur. Per Dóminum.

Oratio. Fámulis tuis, quǽsumus, Dómine, cœléstis grátiæ munus impertíre: ut, quibus beátæ Vírginis partus éxstitit salútis exórdium; Visitatiónis eius votíva sollémnitas, pacis tríbuat increméntum.

Oratio. Deus, qui nos sanctórum Mártyrum tuórum Procéssi et Martiniáni gloriósis confessiónibus circúmdas et prótegis: da nobis et eórum imitatióne profícere, et intercessióne gaudére. Per Dóminum.

Léctio Epístolæ beáti Petri Apóstoli.
1. Petri 3, 8-15.
Caríssimi: Omnes unánimes in oratióne estóte, compatiéntes, fraternitátis amatóres, misericórdes, modésti, húmiles: non reddéntes malum pro malo, nec maledíctum pro maledícto, sed e contrário benedicéntes: quia in hoc vocáti estis, ut benedictiónem hereditáte possideátis. Qui enim vult vitam dilígere et dies vidére bonos, coérceat linguam suam a malo, et lábia ejus ne loquántur dolum. Declínet a malo, et fáciat bonum: inquírat pacem, et sequátur eam. Quia óculi Dómini super justos, et aures ejus in preces eórum: vultus autem Dómini super faciéntes mala. Et quis est, qui vobis nóceat, si boni æmulatóres fuéritis? Sed et si quid patímini propter justítiam, beáti. Timórem autem eórum ne timuéritis: et non conturbémini. Dóminum autem Christum sanctificáte in córdibus vestris.

Graduale. Ps. 83, 10 et 9. Protéctor noster, áspice, Deus, et réspice super servos tuos, ℣. Dómine, Deus virtútum, exáudi preces servórum tuórum.

Allelúja, allelúja. ℣. Ps. 20, 1. Dómine, in virtúte tua lætábitur rex: et super salutáre tuum exsultábit veheménter. Allelúja.

✠ Sequéntia sancti Evangélii secúndum Matthǽum.
Matth. 5, 20-24.
In illo témpore: Dixit Jesus discípulis suis: Nisi abundáverit justítia vestra plus quam scribárum et pharisæórum, non intrábitis in regnum cœlórum. Audístis, quia dic tum est antíquis: Non occídes: qui autem occídent, reus erit judício. Ego autem dico vobis: quia omnis, qui iráscitur fratri suo, reus erit judício. Qui autem díxerit fratri suo, raca: reus erit concílio. Qui autem díxerit, fatue: reus erit gehénnæ ignis. Si ergo offeres munus tuum ad altáre, et ibi recordátus fúeris, quia frater tuus habet áliquid advérsum te: relínque ibi munus tuum ante altáre et vade prius reconciliári fratri tuo: et tunc véniens ófferes munus tuum.

The homilies for the 5th Sunday post Pentecosten of our friend the anonymous Dominican friar and of Father Zuhlsdorf.

Offertorium. Ps. 15, 7 et 8. Benedícam Dóminum, qui tríbuit mihi intelléctum: providébam Deum in conspéctu meo semper: quóniam a dextris est mihi, ne commóvear.

Secreta. Propitiáre, Dómine, supplicatiónibus nostris: et has oblatiónes famulórum famularúmque tuárum benígnus assúme; ut, quod sínguli obtulérunt ad honórem nóminis tui, cunctis profíciat ad salútem. Per Dóminum.

Secreta. Unigéniti tui, Dómine, nobis succúrrat humánitas: ut, qui, natus de Vírgine, Matris integritátem non mínuit, sed sacrávit; in Visitatiónis eius sollémniis, nostris nos piáculis éxuens, oblatiónem nostram tibi fáciat accéptam Iesus Christus, Dóminus noster.

Secreta. Súscipe, Dómine, preces et múnera: quæ ut tuo sint digna conspéctu. Sanctórum tuórum précibus adjuvémur. Per Dóminum.

Communio. Ps. 26, 4. Unam pétii a Dómino, hanc requíram: ut inhábitem in domo Dómini ómnibus diébus vitæ meæ.

Postcommunio. Quos cœlésti, Dómine, dono satiásti: præsta, quǽsumus; ut a nostris mundémur occúltis et ab hóstium liberémur insídiis. Per Dóminum.

Postcommunio. Súmpsimus, Dómine, celebritátis ánnuæ votíva sacraménta: præsta, quǽsumus; ut et temporális vitæ nobis remédia prǽbeant et ætérnæ.

Postcommunio. Córporis sacri et pretiósi Sánguinis repléti libámine, quǽsumus, Dómine, Deus noster: ut, quod pia devotióne gérimus, certa redemptióne capiámus. Per eúndem Dóminum.

~+~+~+~

The Mass Nunc scio vere of the Holy Apostles, sung at Saint-Eugène.

A good Charpentier morning: Dixit Dominus H 197, Mass ('Messe Rouge') H 11, and the Magnificat H 72 at the incensing of the altar. 

The Veni Creator Spiritus of Henry du Mont was sung with its verse and oration before the Introit, after Charpentier's Dixit Dominus. The Asperges followed.

Introitus. Act. 12, 11. Nunc scio vere, quia misit Dóminus Angelum suum: et erípuit me de manu Heródis et de omni exspectatióne plebis Judæórum. Ps. 138, 1-2. Dómine, probásti me et cognovísti me: tu cognovísti sessiónem meam et resurrectiónem meam. V. Glória Patri.

Oratio. Deus, qui hodiérnam diem Apostolórum tuórum Petri et Pauli martýrio consecrásti: da Ecclésiæ tuæ, eórum in ómnibus sequi præcéptum; per quos religiónis sumpsit exórdium. Per Dóminum. 

Léctio Actuum Apostolórum.

Act. 12, 1-11.

In diébus illis: Misit Heródes rex manus, ut afflígeret quosdam de ecclésia. Occidit autem Jacóbum fratrem Joánnis gládio. Videns autem, quia placeret Judǽis, appósuit, ut apprehénderet et Petrum. Erant autem dies azymórum. Quem cum apprehendísset, misit in cárcerem, tradens quatuor quaterniónibus mílitum custodiéndum, volens post Pascha prodúcere eum pópulo. Et Petrus quidem servabátur in cárcere. Orátio autem fiébat sine intermissióne ab ecclésia ad Deum pro eo. Cum autem productúrus eum esset Heródes, in ipsa nocte erat Petrus dórmiens inter duos mílites, vinctus caténis duábus: et custódes ante óstium custodiébant cárcerem. Et ecce, Angelus Dómini ástitit: et lumen refúlsit in habitáculo: percussóque látere Petri, excitávit eum, dicens: Surge velóciter. Et cecidérunt caténæ de mánibus ejus. Dixit autem Angelus ad eum: Præcíngere, et cálcea te cáligas tuas. Et fecit sic. Et dixit illi: Circúmda tibi vestiméntum tuum, et séquere me. Et exiens sequebátur eum, et nesciébat quia verum est, quod fiébat per  Angelum: existimábat autem se visum vidére. Transeúntes autem primam et secundam custódiam, venérunt ad portam férream, quæ ducit ad civitátem: quæ ultro apérta est eis. Et exeúntes processérunt vicum unum: et contínuo discéssit Angelus ab eo. Et Petrus ad se revérsus, dixit: Nunc scio vere, quia misit Dóminus Angelum suum, et erípuit me de manu Heródis et de omni exspectatióne plebis Judæórum.

Graduale. Ps. 44, 17-18. Constítues eos príncipes super omnem terram: mémores erunt nóminis tui. Dómine. V. Pro pátribus tuis nati sunt tibi fílii: proptérea pópuli confítebúntur tibi.

Allelúja, allelúja. V. Matth. 18,18. Tu es Petrus, et super hanc petram ædificábo Ecclésiam meam. Allelúja.

Sequentia, Simone Gourdan de Sancti Victoris abbatia auctore

Te laudámus, o Regnátor,

O pastórum, Christe, Pastor,

Summis in Princípibus.

Tibi memor gratulétur,

Et concéssis gloriétur

Pia plebs paréntibus.

Hi sunt Sion fundaménta,

Hi colúmnæ, fulciménta,

Turres, propugnácula.

Hi bissénæ turbæ duces,

Hi stellántis aulæ faces,

Orbis et orácula.

His ambóbus orbis cessit,

His ambóbus nox recéssit

Pulsa lumináribus.

Petro vertex principátus,

Paulo verbi magistrátus

Obtigit in géntibus.

Illi claves committúntur :

Huic arcánæ res pandúntur

Rapto super æthera.

Hæc fœcúnda nos lactárunt

Ore, scriptis, et potárunt

Sponsæ matris úbera.

Arcem impérii

Christo subjíciunt,

Et sacerdótii

Caput stabíliunt.

Athlétæ férvidi

Debéllant númina :

Torréntes límpidi

Manant in flúmina.

Navis Petri non quassátur,

Contra fluctus obfirmátur ;

Hac in arca grex salvátur

Integer credéntium.

Quin olympus reserátur,

Vel indígnis obserátur,

Sors ætérna temperátur

Ad Petri judícium.

Quanta cœlo merces datur !

Cruce Petrus consummátur,

Ferro Paulus obtruncátur :

Sic se litant hóstiæ.

Hic triúmphus bellatórum :

Hæc coróna magistrórum :

Binum lumen oculórum

Sic micat Ecclésiæ.

Petre, radix unitátis,

Paule, jubar veritátis,

Super astra qui regnátis,

Datæ jure potestátis

Nos e cœlo régite.

Quos in fide genuístis,

Quos præcéptis imbuístis,

Quos exémplo docuístis,

Quos cruóre perfudístis,

Deo nos conjúngite. 

Amen. Allelúia.

+ Sequéntia sancti Evangélii secúndum Matthǽum.

Matth. 16, 13-19.

In illo témpore: Venit Jesus in partes Cæsaréæ Philippi, et interrogábat discípulos suos, dicens: Quem dicunt hómines esse Fílium hóminis? At illi dixérunt: Alii Joánnem Baptístam, alii autem Elíam, álii vero Jeremíam aut unum ex Prophétis. Dicit illis Jesus: Vos autem quem me esse dícitis? Respóndens Simon Petrus, dixit: Tu es Christus, Fílius Dei vivi. Respóndens autem Jesus, dixit ei: Beátus es, Simon Bar Jona: quia caro et sanguis non revelávit tibi, sed Pater meus, qui in cœlis est. Et ego dico tibi, quia tu es Petrus, et super hanc petram ædificábo Ecclésiam meam, et portæ ínferi non prævalébunt advérsus eam. Et tibi dabo claves regni cœlórum. Et quodcúmque ligáveris super terram, erit ligátum et in cœlis: et quodcúmque sólveris super terram, erit solútum et in cœlis.

Offertorium. Ps. 44. 17-18. Constítues eos príncipes super omnem terram: mémores erunt nóminis tui, Dómine, in omni progénie et generatióne.

Secreta. Hóstias, Dómine, quas nómini tuo sacrándas offérimus, apostólica prosequátur orátio: per quam nos expiári tríbuas et deféndi. Per Dóminum.

Communio. Matth. 16, 18. Tu es Petrus, et super hanc petram aedificabo Ecclésiam meam. 

Postcommunio. Quos cœlésti, Dómine, alimento satiásti: apostólicis intercessiónibus ab omni adversitáte custódi. Per Dóminum.

LDVM

Festo in Visitatione Beatissimae Virginis Mariae, Abbaye Sainte-Madeleine du Barroux, Saint-Eugène-Sainte-Cécile, Simon Gourdan, Michel-Richard de Lalande,