Hoc itaque dico, fratres: Tempus breve est... prǽterit enim figura hujus mundi...

Today is Friday in the 7th week post Pentecosten and the feast of the Virgin Saint Praxedes, whose Mass will be sung at Barroux; whether or not it will be Loquebar de testimoniis tuis, we shall see. 

And the video recording is working at Barroux's web site, and at their YouTube page, Deo gratias. Loquebar it is.

More or less by chance, although I have been tuning in to the Proms concerts, it occurred to me to check at Salzburg and, lo, they are beginning today and this weekend. Even were I to sell all my possessions (and am not at all intending to riff on today's lesson from the Holy Gospel, although it is probably true that it is why this particular figure came to mind) I doubt I could manage five weeks or so in Salzburg, so I do appreciate the handful of live-streamed concerts, via ARTE and SWR and Ö1. But regret missing the three of Jordi Savall et al. 

Lectio 3
Praxédes, virgo Romana, Pudentiánæ vírginis soror, Marco Antonino imperatóre Christiános persequente, eos facultátibus, opera, consolatióne, et omni caritátis officio prosequebátur. Nam alios domi occultábat; alios ad fidei constantiam hortabátur: aliórum córpora sepeliebat; iis, qui in carcere inclusi erant, qui in ergástulis exercebántur, nulla re déerat. Quæ, cum tantam Christianórum stragem jam ferre non posset, Deum precáta est, ut, si mori expediret, se e tantis malis eríperet. Itaque duodecimo Kalendas Augusti ad pietátis præmia vocátur in cælum. Cujus corpus a Pastore presbytero in patris et sororis Pudentiánæ sepúlcrum illátum est, quod erat in cœmeterio Priscillæ, via Salaria.

Te Deum.

Introitus. Ps. 118, 46-47. Loquébar de testimoniis tuis in conspectu regum, et non confundébar: et meditábar in mandátis tuis, quæ diléxi nimis. Ps. ibid., 1. Beáti immaculáti in via: qui ámbulant in lege Dómini. V. Glória Patri.

Oratio. Exáudi nos, Deus, salutáris noster: ut, sicut de beatae Praxédis Vírginis tuæ festivitáte gaudémus; ita piæ devotiónis erudiámur afféctu. Per Dóminum.

Léctio Epístolæ beáti Pauli Apóstoli ad Corinthios.
1. Cor. 7, 25-34.
Fratres: De virginibus præcéptum Dómini non habeo: consílium autem do, tamquam misericórdiam consecútus a Dómino, ut sim fidélis. Existimo ergo hoc bonum esse propter instántem necessitatem, quóniam bonum est hómini sic esse. Alligatus es uxori? noli quǽrere solutiónem. Solutus es ab uxore? noli quǽrere uxorem. Si autem acceperis uxorem, non peccásti. Et si núpserit virgo, non peccavit: tribulatiónem tamen carnis habébunt hujusmodi. Ego autem vobis parce. Hoc itaque dico, fratres: Tempus breve est: reliquum est, ut, et qui habent uxores, tamquam non habéntes sint; et qui flent, tamquam non flentes; et qui gaudent, tamquam non gaudentes; et qui emunt, tamquam non possidentes; et qui utuntur hoc mundo, tamquam non utantur; prǽterit enim figura hujus mundi. Volo autem vos sine sollicitúdine esse. Qui sine uxore est, sollícitus est, quæ Dómini sunt, quómodo placeat Deo. Qui autem cum uxore est, sollícitus est, quæ sunt mundi, quómodo placeat uxori, et divisus est. Et múlier innupta et virgo cogitat, quæ Dómini sunt, ut sit sancta córpore et spíritu: in Christo Jesu, Dómino nostro.

Graduale. Ps. 44, 8. Dilexísti justítiam, et odísti iniquitátem. V. Proptérea unxit te Deus, Deus tuus, óleo lætítiæ.

Allelúja, allelúja. V. Ibid., 5. Spécie tua et pulchritúdine tua inténde, próspere procéde et regna. Allelúja.

+ Sequéntia sancti Evangélii secúndum Matthǽum.
Matth. 13, 44-52.
In illo témpore: Dixit Jesus discípulis suis parábolam hanc: Símile est regnum cœlórum thesáuro abscóndito in agro: quem qui invénit homo, abscóndit, et præ gáudio illíus vadit, et vendit univérsa, quæ habet, et emit agrum illum. Iterum símile est regnum cœlórum hómini negotiatóri, quærénti bonas margarítas. Invénta autem una pretiósa margaríta, ábiit, et véndidit ómnia, quæ hábuit, et emit eam. íterum símile est regnum cœlórum sagénæ, missæ in mare et ex omni génere píscium congregánti. Quam, cum impléta esset, educéntes, et secus litus sedéntes, elegérunt bonos in vasa, malos autem foras misérunt. Sic erit in consummatióne sǽculi: exíbunt Angeli, et separábunt malos de médio justórum, et mittent eos in camínum ignis: ibi erit fletus et stridor déntium. Intellexístis hæc ómnia? Dicunt ei: Etiam. Ait illis: Ideo omnis scriba doctus in regno cœlórum símilis est hómini patrifamílias, qui profert de thesáuro suo nova et vétera.

Offertorium. Ps. 44, 3. Diffúsa est grátia in lábiis tuis: proptérea benedíxit te Deus in ætérnum, et in sǽculum sǽculi.

Secreta. Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.

Communio. Matth. 13, 45-46. Símile est regnum cœlórum hómini negotiatóri, quærénti bonas margarítas: invénta autem una pretiósa margaríta, dedit ómnia sua, et comparávit eam.

Postcommunio. Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus sollémnia celebrámus. Per Dóminum.

LDVM