Et stupor apprehéndit omnes et magnificábant Deum. Et repléti sunt timóre, dicéntes: quia vídimus mirabília hódie...

Allelúja, Spíritus Dómini replévit orbem terrárum: veníte, adorémus, allelúja.

Today is the Friday Ember Day in the Pentecost Octave, and the Mass is Repleatur os meum laude tua, alleluia with, through 1954 anyway, commemoration of the Holy Martyrs Marcellinus and Peter, and Erasmus; the Barroux ordo specifies no commemoration this year (because of the Octave). 

The day before yesterday I prepared the Martyrology for today, Quarto Nonas Iunii (Saints Marcellinus and Peter in primo), but then somehow managed to delete it, apparently. Tsk. Was mightly irritated yesterday when I realised this. 

Lectio 1

Léctio sancti Evangélii secúndum Lucam

Luc 5:17-26

In illo témpore: Factum est in una diérum, et Jesus sedébat docens. Et erant pharisǽi sedéntes, et legis doctóres, qui vénerant ex omni castéllo Galilǽæ et Judǽæ, et Jerúsalem: et virtus Dómini erat ad sanándum eos. Et réliqua.

Homilía sancti Ambrósii Epíscopi

Liber 5 in cap. 5 Lucæ, post initium

Non otiósa hujus paralýtici, nec angústa medicína est, quando Dóminus et orásse præmíttitur; non útique propter suffrágium, sed propter exémplum. Imitándi enim spécimen dedit, non precándi ámbitum requisívit. Et conveniéntibus ex omni Galilǽa, et Judǽa, et Jerúsalem, legis doctóribus, inter ceterórum remédia debílium, paralýtici istíus medicína descríbitur. Primum ómnium, quod ante díximus, unusquísque æger peténdæ precatóres salútis debet adhibére, per quos nostræ vitæ compágo resolúta, actuúmque nostrórum clauda vestígia, verbi cæléstis remédio reforméntur.

R. Non vos me elegístis, sed ego elégi vos, et pósui vos:

* Ut eátis, et fructum afferátis, et fructus vester máneat, allelúja, allelúja.

V. Sicut misit me Pater, et ego mitto vos.

R. Ut eátis, et fructum afferátis, et fructus vester máneat, allelúja, allelúja.

Lectio 2

Sint ígitur áliqui monitóres mentis, qui ánimum hóminis, quamvis exterióris córporis debilitáte torpéntem, ad superióra érigant. Quorum rursus adminículis et attóllere et humiliáre se fácilis ante Jesum locétur, Domínico vidéri dignus aspéctu. Humilitátem enim réspicit Dóminus: quia respéxit humilitátem ancíllæ suæ. Quorum fidem ut vidit, dixit: Homo, remittúntur tibi peccáta tua. Magnus Dóminus, qui aliórum mérito ignóscit áliis: et dum álios probat, áliis reláxat erráta. Cur apud te, homo, colléga non váleat, cum apud Deum servus et interveniéndi méritum, et jus hábeat impetrándi?

R. Spíritus Dómini replévit orbem terrárum:

* Et hoc quod cóntinet ómnia, sciéntiam habet vocis, allelúja, allelúja.

V. Omnium est enim ártifex, omnem habens virtútem, ómnia prospíciens.

R. Et hoc quod cóntinet ómnia, sciéntiam habet vocis, allelúja, allelúja.

V. Glória Patri, et Fílio, * et Spirítui Sancto.

R. Et hoc quod cóntinet ómnia, sciéntiam habet vocis, allelúja, allelúja.

Lectio 3

Disce, qui júdicas, ignóscere: disce, qui æger es, impetráre. Si grávium peccatórum diffídis véniam, ádhibe precatóres, ádhibe Ecclésiam, quæ pro te precétur, cujus contemplatióne, quod tibi Dóminus negáre posset, ignóscat. Et quamvis históriæ fidem non debeámus omíttere, ut vere paralýtici istíus corpus credámus esse sanátum: cognósce tamen interióris hóminis sanitátem, cui peccáta donántur. Cum Judǽi ásserunt peccáta a solo Deo posse concédi, Deum útique eum confiténtur; suóque judício perfídiam suam produnt, qui opus ástruunt, ut persónam negent.

Te Deum.

Tomorrow's conclusion of the Octave of Pentecost and of Paschaltide, brings the final appearance of the Veni Creator Spiritus at Terce, and the return, beginning at Vespers, of the Salve Regina.  

Veni Creátor Spíritus,

Mentes tuórum vísita,

Imple supérna grátia,

Quæ tu creásti péctora.

Qui Paráclitus díceris,

Donum Dei altíssimi,

Fons vivus, ignis, cáritas,

Et spiritális únctio.

Tu septifórmis múnere,

Dextræ Dei tu dígitus,

Tu rite promíssum Patris,

Sermóne ditans gúttura.

Accénde lumen sénsibus:

Infúnde amórem córdibus:

Infírma nostri córporis

Virtúte firmans pérpeti.

Hostem repéllas lóngius,

Pacémque dones prótinus:

Ductóre sic te prǽvio

Vitémus omne nóxium.

Per te sciámus da Patrem,

Noscámus atque Fílium,

Te utriúsque Spíritum

Credámus omni témpore.

Glória Patri Domino,

Natóque, qui a mórtuis

Surréxit, ac Paráclito,

In sæculórum sǽcula.

Amen.

Statio ad Ss. duodecim Apostolos

The program at Saint-Eugène is here, at the Schola Sainte-Cécile's web site; the libellum (pdf) is here. M le Curé is celebrating Holy Mass today. 

Introitus. Ps. 70, 8 et 23. Repleátur os meum laude tua, allelúja: ut possim cantáre, allelúja: gaudébunt lábia mea, dum cantávero tibi, allelúja, allelúja. Ps. ibid., 1-2. In te, Dómine, sperávi, non confúndar in ætérnum: in justítia tua líbera me et éripe me. V. Glória Patri.

Oratio. Da, quǽsumus, Ecclésiæ tuæ, miséricors Deus: ut, Sancto Spíritu congregáta, hostíli nullaténus incursióne turbétur. Per Dóminum... in unitáte ejúsdem.

Léctio Joélis Prophétæ.
Joël. 2, 23-24 et 26-27.
Hæc dicit Dóminus Deus: Exsultáte, fílii Sion, et lætámini in Dómino, Deo vestro: quia dedit vobis doctórem justítiæ, et descéndere fáciet ad vos imbrem matutínum et serótinum, sicut in princípio. Et implebúntur áreæ fruménto et redundábunt torculária vino et óleo. Et comedétis vescéntes et saturabímini, et laudábilis nomen Dómini, Dei vestri, qui fecit mirabília vobíscum: et non confundátur pópulus meus in sempitérnum. Et sciétis, quia in médio Israël ego sum: et ego Dóminus, Deus vester, et non est ámplius: et non confundétur pópulus meus in ætérnum: ait Dóminus omnípotens.

Allelúja, allelúja. ℣. Sap 12, 1. O quam bonus et suávis est, Dómine, Spíritus tuus in nobis!

Ha; Dr Ratovondrahety added a rumble of thunder during the Alleluia by mistake: but it was in fact vaguely appropriate.

Allelúja. ℣. (Hic genuflectitur) Veni, Sancte Spíritus, reple tuorum corda fidélium: et tui amóris in eis ignem accénde.

Sequentia.

Veni, Sancte Spíritus, et emítte cǽlitus lucis tuæ rádium.

Veni, pater páuperum; veni, dator múnerum; veni, lumen córdium.

Consolátor óptime, dulcis hospes ánimæ, dulce refrigérium.

In labóre réquies, in æstu tempéries, in fletu solácium.

O lux beatíssima, reple cordis íntima tuórum fidélium.

Sine tuo númine nihil est in hómine, nihil est innóxium.

Lava quod est sórdidum, riga quod est áridum, sana quod est sáucium.

Flecte quod est rígidum, fove quod est frígidum, rege quod est dévium.

Da tuis fidélibus, in te confidéntibus, sacrum septenárium.

Da virtútis méritum, da salútis éxitum, da perénne gáudium.

Amen. Allelúja.

✠ Sequéntia sancti Evangélii secúndum Lucam.
Luc. 5, 17-26.
In illo témpore: Factum est in una diérum, et Jesus sedébat docens. Et erant pharisǽi sedéntes, et legis doctóres, qui vénerant ex omni castéllo Galilǽæ et Judǽæ et Jerúsalem: et virtus Dómini erat ad sanándum eos. Et ecce, viri portántes in lecto hóminem, qui erat paralýticus: et quærébant eum inférre, et pónere ante eum. Et non inveniéntes, qua parte illum inférrent præ turba, ascendérunt supra tectum, et per tégulas summisérunt eum cum lecto in médium ante Jesum. Quorum fidem ut vidit, dixit: Homo, remittúntur tibi peccáta tua. Et cœpérunt cogitáre scribæ et pharisǽi, dicéntes: Quis est hic, qui lóquitur blasphémias ? Quis potest dimíttere peccáta nisi solus Deus? Ut cognóvit autem Jesus cogitatiónes eórum, respóndens dixit ad illos: Quid cogitátis in córdibus vestris? Quid est facílius dícere: Dimittúntur tibi peccáta, an dícere: Surge et ámbula? Ut autem sciátis, quia Fílius hóminis habet potestátem in terra dimitténdi peccáta (ait paralýtico): Tibi dico, surge, tolle lectum tuum et vade in domum tuam. Et conféstim consúrgens coram illis, tulit lectum, in quo jacébat: et ábiit in domum suam, magníficans Deum. Et stupor apprehéndit omnes et magnificábant Deum. Et repléti sunt timóre, dicéntes: Quia vídimus mirabília hódie.

Credo.

The fact is that while Credo III will be sung at Saint-E., one of the others was sung at Barroux (and has been during the Octave). I am ashamed to acknowledge that while I know it wasn't Credo III I don't know which it was. 

Offertorium. Ps. 145,2. Lauda, ánima mea, Dóminum: laudabo Dóminum in vita mea: psallam Deo meo, quámdiu ero, allelúja.

The sequence Alma chorus Domini, from the 10th century in Aquitaine included in the Use of Paris, will be sung at the incensing of the altar at Saint-Eugène. It is based on the divine Names as catalogued in the work of Saint Isidore of Seville. I have to admit to loving this splendid text if only for its inclusion of vermis as a Name for the Most High Lord-- the reference is to the Prophet Jonas 4,7: et paravit Deus vermem ascensu diluculo in crastinum et percussit hederam et exaruit. In Mons Knox's version: 'But when the morrow dawned, came at God’s bidding a worm, that struck at the plant’s root and killed it.' I suppose I could have a project, identifying a source for each of the Names. Hmm.

Alma Chorus Domini nunc pangat nomina Summi.

Alleluia. Alléluia.

Messías, Soter, Emmánuel, Sabáoth, Adonái.

Est Unigenitus, via, vita, manus, homoúsios,

Princípium, primogénitus, sapiéntia, virtus,

Alpha caput, finísque simul vocitátur et est Ω,

Fons et orígo boni, paraclétus, ac mediátor,

Agnus, ovis, vítulus, serpens, áries, leo, vermis,

Os, verbum, splendor, Sol, glória, lux, et imágo,

Panis, flos, vitis, mons, jánua, petra, lapísque,

Angelus, et sponsus, pastórque, Prophéta, Sacérdos,

Athánatos, Kyrios, Theos, et Pantocrátor, Jésus,

Salvíficet nos, sit cui sæcla per ómnia doxa. 

Amen.

Secreta. Sacrifícia, Dómine, tuis obláta conspéctibus, ignis ille divínus absúmat, qui discipulórum Christi, Fílii tui, per Spíritum Sanctum corda succéndit. Per eúndem Dóminum... in unitáte ejúsdem.

Communio. Joann. 14, 18. Non vos relínquam órphanos: véniam ad vos íterum, allelúja: et gaudébit cor vestrum, allelúja.

Postcommunio. Súmpsimus, Dómine, sacri dona mystérii: humíliter deprecántes; ut, quæ in tui commemoratiónem nos fácere præcepísti, in nostræ profíciant infirmitátis auxílium: Qui vivis.

LDVM