Vos estis sal terræ. Quod si sal evanúerit, in quo saliétur?

Today is the Saturday in the 4th week post Pascha and, after 1930 or so, the feast of Saint Robert Bellarmine, Bishop, Confessor, and Doctor of the Church. Am fairly sure that at Saint-Eugène, then, that the Mass will be In medio Ecclesiae with proper orations. But, because it is also, in the Pauline Rite, the feast of Our Lady of Fatima, perhaps Gaudeamus-- the sensible attitude being I reckon that had the Traditional Rite been left unmolested it goes without saying that Fatima would have been added to its Kalendarium. Eh.

One of those days. At Barroux, it looks to be a day for the Saturday Mass of Our Lady with commemoration of Saint Robert. The ordo, however, also names the anniversary of the Dedication of the Abbatial Church-- whether that is tomorrow or Sunday, who knows. It also states that Vespers is of the Sunday-- so this leaves me confused. One of these days I will go the first pages of the ordo and see if there isn't an explanation of the abbreviations and symbols utilised, ahem. Will put In medio Ecclesiae here and then see what the morrow brings. 

I think I must get into the practice of looking at Barroux's web site first rather than at the ordo; from that, it seems fairly obvious that the Mass is Salve sancta Parens with commemoration of the Holy Confessor. Hmm. 

Lectio 4
Robertus, Politianus, e patrícia Bellarminórum gente, matrem pientíssimam hábuit Cynthiam Cervini, Marcelli Papæ secúndi sorórem. Eximia pietáte et castíssimis móribus quamprimum enituit, id unum exoptans, ut Deo soli placeret et ánimas Christo lucrifáceret. Patrium Societátis Jesu collegium summa cum ingenii et modestiæ laude frequentávit; ac duodeviginti annos natus, Romæ eamdem Societátem ingréssus, religiosárum virtútum ómnibus exemplo fuit. Emenso in Romano Collegio philosophíæ curriculo, missus est primum Floréntiam, tum Montem Regalem; deínde Patavium ad sacram theologíam addiscéndam, ac póstea Lovanium, ubi concionatoris munere, nondum sacerdos, mirifice functus est. Lovanii præterea, sacerdotio auctus, theologíam ita docuit, ut plurimos hæreticos ad Ecclésiæ unitátem reduxerit, ac theologus per Europam claríssimus haberétur, eumque Sanctus Cárolus Mediolanénsis epíscopus aliique veheménter sibi expéterent.

R. Invéni David servum meum, oleo sancto meo unxi eum:
* Manus enim mea auxiliábitur ei, allelúja.
V. Nihil profíciet inimícus in eo, et fílius iniquitátis non nocébit ei.
R. Manus enim mea auxiliábitur ei, allelúja.

Lectio 5
Romam ex desidério Gregórii Papæ décimi tertii revocatus, theologicam controversiárum disciplínam trádidit in Collegio Romano: ibique vitæ spiritualis magister constitútus, angelicum juvenem Aloísium per sanctitátis sémitas moderátus est. Ipse Collegium Romanum ac deínde Neapolitanam Societátis Jesu Provinciam ad Sancti Ignatii mentem gubernávit. In Urbem íterum accersítus, a Cleménte octavo ad summa Ecclésiæ negotia, máximo cum christianæ rei emolumento, est adhibitus: tum invitus et frustra reluctans, in Cardinalium númerum cooptátus quia, ut palam asseruit ipse Pontifex, tunc non habebat parem Ecclésia Dei quod ad doctrinam. Ab eodem Pontifice consecrátus Epíscopus, Capuanam Archidiœcésim triennium sanctíssime administrávit: quo munere deposito, Romæ ad mortem usque degit, integerrimus ac fidelíssimus Summi Pontificis consiliarius. Multa præcláre scripsit, illud meritum adeptus in primis quod, sanctum Thomam ducem et magistrum secutus, de suórum necessitate témporum próvide cónscius, invicto doctrinæ róbore et amplíssima testimoniórum copia e Sacris Litteris et e Sanctórum Patrum ditíssimo fonte apte deprompta novos erróres debellávit, traditiónis catholicæ et Romani Pontificátus jurium strenuus præprimis adsertor. Complúribus étiam ad pietátem fovéndam libellis exstat insígnis ac præsertim aureo catechismo, quem licet aliis gravíssimis negotiis distentus, tum Capuæ tum Romæ púeros ac rudes docére non prætermittebat. Robertum æquævus Cardinalis a Deo missum judicávit, qui catholicos erudíret, pios cóleret, hæreticos profligaret; Sanctus Franciscus Salesius doctrinæ fontem hábuit; Summus Pontifex Benedíctus décimus quartus hæreticórum malleum dixit, ac Benedíctus décimus quintus catholicam religiónem propagántibus et tuéntibus exemplar indicávit.

R. Pósui adjutórium super poténtem, et exaltávi eléctum de plebe mea:
* Manus enim mea auxiliábitur ei, allelúja.
V. Invéni David servum meum, oleo sancto meo unxi eum.
R. Manus enim mea auxiliábitur ei, allelúja.

Lectio 6
Vitæ religiosæ studiosíssimus, eam, inter purpuratos Patres adlectus, in exemplum servávit. Opes ultra necessarias nóluit; módico famulatu, ténui cultu habituque contentus: suórum non studuit opuléntiæ, ac vix adduci pótuit ut inópiam idéntidem levaret. De se humillime sensit, et mira fuit animi simplicitate. Deíparam diléxit unice: plures horas quotídie oratióni tribuebat. Parcíssime víctitans, ter in hebdomada jejunábat: in se constanter austérus, caritate in próximum flagrávit, vocátus sæpenúmero Pater páuperum. E baptismate innocéntiam ne vel levi quidem culpa macularet strenue contendit. Prope octogenarius, ad Sancti Andréæ in Colle Quirinali, extremem in morbum íncidit, quem sólito virtútum fulgóre illustrávit. Moribundo Gregórius Papa décimus quintus et plures Cardinales adstitérunt, tantum Ecclésiæ cólumen éripi complorantes. Die sacrórum Stígmatum sancti Francisci, quorum memóriæ ubíque celebrandæ auctor fuerat, obdormívit in Dómino, anno millesimo sexcentésimo vigesimo primo. Mortuo tota cívitas parentávit, Sanctum uno ore conclámans. Eum vero Pius undecimus, Pontifex maximus, Beatórum primum ac deínde Sanctórum número adscripsit, et paulo post, ex Sacrórum Rituum Congregatiónis consulto, universalis Ecclésiæ Doctórem declarávit. Ejus corpus Romæ in templo Sancti Ignatii, apud sepúlcrum Sancti Aloísii, ut ipse optarat, pia veneratióne cólitur.

R. Iste est, qui ante Deum magnas virtútes operátus est, et omnis terra doctrína ejus repléta est:
* Ipse intercedat pro peccátis ómnium populórum, allelúja.
V. Iste est, qui contempsit vitam mundi, et pervenit ad cæléstia regna.
R. Ipse intercedat pro peccátis ómnium populórum, allelúja.
V. Glória Patri, et Fílio, * et Spirítui Sancto.
R. Ipse intercedat pro peccátis ómnium populórum, allelúja.

Introitus. Sedulius. 20:15 Salve, sancta Parens, eníxa puérpera Regem: qui cœlum terrámque regit in sǽcula sæculórum, allelúja, allelúja. Ps. 44, 2. Eructávit cor meum verbum bonum: dico ego ópera mea Regi. ℣. Glória Patri.

At Barroux, the Kyrie was begun at 23:12 and the Gloria at 25:05.

Oratio. Concéde nos fámulos tuos, quæsumus, Dómine Deus, perpetua mentis et corporis sanitáte gaudére: et, gloriosa beátæ Maríæ semper Vírginis intercessióne, a præsénti liberári tristitia, et aeterna perfrui lætítia. Per Dóminum.

Oratio. 28:46. Deus, qui ad errórem insídias repelléndas et apostólicæ Sedis jura propugnánda, beátum Robértum Pontíficem tuuam atque Doctórem mira eruditióne et virtúte decorásti: ejus méritis et intercessióne concéde; ut nos in veritátis amóre crescámus et errántium corda ad Ecclésiæ tuæ rédeant unitátem. Per Dóminum.

Léctio libri Sapiéntiæ.
Eccli. 24, 14-16. 29:49.
Ab inítio et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in
Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.

Allelúja, allelúja. ℣. Num. 17, 8. 31:19. Virga Jesse flóruit: Virgo Deum et hóminem génuit: pacem Deus réddidit, in se reconcílians ima summis.

Allelúja. ℣. Luc. 1, 28. 33:12. Ave, María, grátia plena; Dóminus tecum: benedícta tu in muliéribus. Allelúja.

✠ Sequéntia sancti Evangélii secúndum Joánnem.
Joann. 19, 25-27. 36:01.
In illo témpore: Stabant juxta Crucem Jesu Mater ejus, et soror Matris ejus, María Cléophæ, et María Magdaléne. Cum vidísset ergo Jesus Matrem, et discípulum stantem, quem diligébat, dicit Matri suæ: Múlier, ecce fílius tuus. Deinde dicit discípulo: Ecce Mater tua. Et ex illa hora accépit eam discípulus in sua.

Offertorium. 38:10. Beáta es, Virgo María, quæ ómnium portásti Creatórem: genuísti qui te fecit, et in ætérnum pérmanes Virgo, allelúja.

Secreta. Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.

Secreta. Hóstias tibi, Dómine, in odórem suavitátis offérimus: et præsta; ut, beáti Robérti mónitis et exémplis edócti, per sémitam mandatórum tuórum dilatáto corde currámus. Per Dóminum.

At Barroux, the Sanctus was begun at 45:07 and the Agnus Dei at 55:53. 

Communio. 1:00:44. Beáta viscera Maríæ Vírginis, quæ portavérunt ætérni Patris Fílium, allelúja.

Postcommunio. Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti. Per Dóminum.

Postcommunio. Sacraménta, quæ súmpsimus, Dómine Deus noster, in nobis fóveant caritátis ardórem: quo beátus Robértus veheménter accénsus, pro Ecclésia tua se júgiter impendébat. Per Dóminum.

+ + +

The Mass In medio Ecclesiae of Saint Robert.

Introitus. Eccli. 15, 5. In médio Ecclésiæ apéruit os ejus: et implévit eum Dóminus spíritusapiéntiæ et intelléctus: stolam glóriæ índuit eum. Allelúja, allelúja. Ps. 91,2. Bonum est confitéri Dómino: et psállere nómini tuo, Altíssime. ℣. Glória Patri.

Oratio. Deus, qui ad errórem insídias repelléndas et apostólicæ Sedis jura propugnánda, beátum Robértum Pontíficem tuuam atque Doctórem mira eruditióne et virtúte decorásti: ejus méritis et intercessióne concéde; ut nos in veritátis amóre crescámus et errántium corda ad Ecclésiæ tuæ rédeant unitátem. Per Dóminum.

Léctio libri Sapiéntiæ.
Sap. 7, 7-14.
Optávi, et datus est mihi sensus: et invocávi, et venit in me spíritus sapiéntiæ: et præpósui illam regnis et sédibus, et divítias nihil esse duxi in comparatióne illíus: nec comparávi illi lápidem pretiósum: quóniam omne aurum in comparatióne illíus arena est exígua, et tamquam lutum æstimábitur argéntum in conspéctu illíus. Super salútem et spéciem diléxi illam, et propósui pro luce habére illam: quóniam inexstinguíbile est lumen illíus. Venérunt autem mihi ómnia bona páriter cum illa, et innumerábilis honéstas per manus illíus, et lætátus sum in ómnibus: quóniam antecedébat me ista sapiéntia, et ignorábam, quóniam horum ómnium mater est. Quam sine fictióne dídici et sine invídia commúnico, et honestátem illíus non abscóndo. Infinítus enim thesáurus est homínibus: quo qui usi sunt, partícipes facti sunt amicítiæ Dei, propter disciplínæ dona commendáti.

Allelúja, allelúja. V. Qui docti fúerint fulgébunt quasi splendor firmaménti.

Allelúja. V. Qui ad justítiam erúdiunt multos quasi stellæ in perpétuas æternitátes. Allelúja.

✠ Sequéntia sancti Evangélii secúndum Matthǽum.
Matth. 5, 13-19.
In illo témpore: Dixit Jesus discípulis suis: Vos estis sal terræ. Quod si sal evanúerit, in quo saliétur? Ad níhilum valet ultra, nisi ut mittátur foras, et conculcétur ab homínibus. Vos estis lux mundi. Non potest cívitas abscóndi supra montem pósita. Neque accendunt  lucérnam, et ponunt eam sub módio, sed super candelábrum, ut lúceat ómnibus qui in domo sunt. Sic lúceat lux vestra coram  homínibus, ut vídeant ópera vestra bona, et gloríficent Patrem  vestrum, qui in cœlis est. Nolíte putáre, quóniam veni sólvere legem
aut prophétas: non veni sólvere, sed adimplére. Amen, quippe dico vobis, donec tránseat cœlum et terra, jota unum aut unus apex non præteríbit a lege, donec ómnia fiant. Qui ergo solvent unum de mandátis istis mínimis, et docúerit sic hómines, mínimus vocábitur in regno cœlórum: qui autem fécerit et docúerit, hic magnus vocábitur in regno cœlórum.

Offertórium. Ps. 72, 28. Mihi autem adhærére Deo bonum est,  pónere in Dómino Deo spem meam: ut annúntiem omnes  prædicatiónes tuas in portis fíliæ Sion, allelúja.

Secreta. Hóstias tibi, Dómine, in odórem suavitátis offérimus: et præsta; ut, beáti Robérti mónitis et exémplis edócti, per sémitam mandatórum tuórum dilatáto corde currámus. Per Dóminum.

Communio. Matth. 5, 14, 16. Vos estis lux mundi: sic lúceat lux vestra coram homínibus, ut vídeant ópera vestra bona, et gloríficent Patrem vestrum qui in cœlis est, allelúja.

Postcommunio. Sacraménta, quæ súmpsimus, Dómine Deus noster, in nobis fóveant caritátis ardórem: quo beátus Robértus veheménter accénsus, pro Ecclésia tua se júgiter impendébat. Per Dóminum.

LDVM