Fílius enim hóminis ventúrus est in glória Patris sui cum Angelis suis et tunc reddet unicuíque secúndum ópera eius...

Until Ioannes XXIII's dance of innovation, and from at least the 1570 edition of the Missale Romanum, it has been the feast of the Apparition of the Archangel Saint Michael, of which the Mass is Benedicite Dominum omnes angeli eius. Doubtless one of the reasons the innovatores non novatores didn't like this feast is the, ah, composite nature of its content (i.e. more than one intervention of the Holy Archangel is referenced in the liturgical texts): they were and are very much servants of the Zeigeist which requires one to glorify the Enlightenment's idealisation of 'reason' and 'order'. Pft.

At Barroux, so far as I read the ordo correctly, the conventual Mass will be the votive Mass of Sainte Jeanne d'Arc. (I checked, and the state holiday of Saint Joan is or was-- I don't know if this is kept elsewhere than at Saint-Eugène; surely it must be-- the second Sunday of May.) That Mass will require some hunting about; Cantemus Domine gloriose enim magnificatus est is what is provided in the Graduale triplex for the Solesmes abbeys in France. 

Having taking the time to read the full notice that's up at the Barroux site, I find that I can still access the content via the barroux.colombier-communications.com address, which is were the expanded audio bars are located. In other words, my nonsense yesterday or whenever about not being able to do the timings easily any long was indeed... nonsense.

The Ioannes XXIII arrangements leave today as a feria, so who knows which Mass the priest at Saint-Eugène will celebrate; yesterday's Mass Cantate Domino canticum novum or a votive.

 

Lectio 1
De Daniéle Prophéta

Dan 7:9-11

9 Aspiciébam donec throni pósiti sunt, et antíquus diérum sedit. Vestiméntum ejus cándidum quasi nix, et capílli cápitis ejus quasi lana munda, thronus ejus flammæ ignis, rotæ ejus ignis accénsus.

10 Flúvius ígneus rapidúsque egrediebátur a fácie ejus; míllia míllium ministrábant ei, et décies míllies centéna míllia assistébant ei. Judícium sedit, et libri apérti sunt.

11 Aspiciébam propter vocem sermónum grándium, quos cornu illud loquebátur; et vidi quóniam interfécta esset béstia, et perísset corpus ejus, et tráditum esset ad comburéndum igni.

R. Factum est siléntium in cælo, dum commítteret bellum draco cum Michaéle Archángelo:

* Audíta est vox míllia míllium dicéntium: Salus, honor et virtus omnipoténti Deo. Allelúja.

V. Míllia míllium ministrábant ei, et décies centéna míllia assistébant ei.

R. Audíta est vox míllia míllium dicéntium: Salus, honor et virtus omnipoténti Deo. Allelúja.

Lectio 2

Dan 10:4-8

4 Die autem vigésima et quarta mensis primi, eram juxta flúvium magnum, qui est Tigris.

5 Et levávi óculos meos, et vidi: et ecce vir unus vestítus líneis, et renes ejus accíncti auro obrýzo;

6 Et corpus ejus quasi chrysólithus, et fácies ejus velut spécies fúlguris, et óculi ejus ut lampas ardens, et brácchia ejus, et quæ deórsum sunt usque ad pedes, quasi spécies æris candéntis; et vox sermónum ejus ut vox multitúdinis.

7 Vidi autem ego Dániel solus visiónem; porro viri qui erant mecum non vidérunt; sed terror nímius írruit super eos, et fugérunt in abscónditum.

8 Ego autem, relíctus solus, vidi visiónem grandem hanc, et non remánsit in me fortitúdo, sed et spécies mea immutáta est in me, et emárcui nec hábui quidquam vírium.

R. Stetit Angelus juxta aram templi, habens thuríbulum áureum in manu sua, et data sunt ei incénsa multa:

* Et ascéndit fumus arómatum de manu Angeli in conspéctu Dómini. Allelúja.

V. In conspéctu Angelórum psallam tibi: adorábo ad templum sanctum tuum, et confitébor nómini tuo, Dómine.

R. Et ascéndit fumus arómatum de manu Angeli in conspéctu Dómini. Allelúja.

Lectio 3

Dan 10:9-14

9 Et audívi vocem sermónum ejus: et áudiens jacébam consternátus super fáciem meam, et vultus meus hærébat terræ.

10 Et ecce manus tétigit me, et eréxit me super génua mea et super artículos mánuum meárum.

11 Et dixit ad me: Dániel, vir desideriórum, intéllege verba quæ ego loquor ad te, et sta in gradu tuo; nunc enim sum missus ad te. Cumque dixísset mihi sermónem istum, steti tremens.

12 Et ait ad me: Noli metúere, Dániel; quia, ex die primo quo posuísti cor tuum ad intellegéndum, ut te afflígeres in conspéctu Dei tui, exaudíta sunt verba tua, et ego veni propter sermónes tuos.

13 Princeps autem regni Persárum réstitit mihi vigínti et uno diébus; et ecce Míchaël, unus de princípibus primis, venit in adjutórium meum, et ego remánsi ibi juxta regem Persárum.

14 Veni autem ut docérem te quæ ventúra sunt pópulo tuo in novíssimis diébus, quóniam adhuc vísio in dies.

R. In conspéctu Angelórum psallam tibi, et adorábo ad templum sanctum tuum:

* Et confitébor nómini tuo, Dómine. Allelúja.

V. Super misericórdia tua et veritáte tua: quóniam magnificásti super nos nomen sanctum tuum.

R. Et confitébor nómini tuo, Dómine. Allelúja.

V. Glória Patri, et Fílio, * et Spirítui Sancto.

R. Et confitébor nómini tuo, Dómine. Allelúja.

Lectio 4

Beátum Michaélem Archángelum sǽpius homínibus apparuísse, et sacrórum Librórum auctoritáte et véteri Sanctórum traditióne comprobátur. Quam ob rem multis in locis facti memória celebrátur. Eum, ut olim synagóga Judæórum, sic nunc custódem et patrónum Dei venerátur Ecclésia. Gelásio autem primo, Pontífice máximo, in Apúlia in vértice Gargáni montis, ad cujus radíces íncolunt Sipontíni, Archángeli Michaélis fuit illústris apparítio.

R. Hic est Míchaël Archángelus, princeps milítiæ Angelórum,

* Cujus honor præstat benefícia populórum, et orátio perdúcit ad regna cælórum. Allelúja.

V. Archángelus Míchaël præpósitus paradísi, quem honoríficant Angelórum cives.

R. Cujus honor præstat benefícia populórum, et orátio perdúcit ad regna cælórum. Allelúja.

Lectio 5

Factum est enim, ut ex grégibus armentórum Gargáni cujúsdam taurus longe discéderet; quem diu conquisítum, in áditu spelúncæ hæréntem invenérunt. Cum vero quidam ex illis, ut taurum confígeret, sagíttam emisísset retórta sagítta in ipsum récidit sagittárium. Quæ res cum præséntes ac deínceps céteros tanto timóre affecísset, ut ad eam spelúncam própius accédere nemo audéret, Sipontíni epíscopum cónsulunt; qui, indícto trium diérum jejúnio et oratióne, rem a Deo respóndit quæri oportére.

Father Hunwicke on today's feast, here.

... Lectio v in the old Breviary reveals how, at Gargano in Apulia, a certain bull wandered off from his cows. (Wotta mistaka t'maka.) After a long search, they found him stuck (haerentem) in the entrance of a cave. Someone fired an arrow, which-- a common occurrence-- rebounded upon the archer (who was presumably an Australian), so of course they went off to consult the bishop of Sipontinus. As one does. He (it's what bishops are for in the Analecta Bollandiana) ordered a triduum of fasting and prayer to seek God's will. After that, S Michael, as he tends to, appeared and explained that the place was under his protection and that (well, he would, wouldn't he?) he wanted (yes! yes! you've guessed!) cultus in that very spot. They found the cave was shaped like a temple (you were expecting that, weren't you?), and so of course they used it for worship. Ut saepe fit, miracles followed....

R. Venit Míchaël Archángelus cum multitúdine Angelórum, cui trádidit Deus ánimas Sanctórum,

* Ut perdúcat eas in paradísum exsultatiónis. Allelúja.

V. Emítte, Dómine, Spíritum sanctum tuum de cælis, spíritum sapiéntiæ et intelléctus.

R. Ut perdúcat eas in paradísum exsultatiónis. Allelúja.

Lectio 6

Post tríduum Míchaël Archángelus epíscopum monet in sua tutéla esse eum locum, eóque indício demonstrásse, velle ibi cultum Deo in sui et Angelórum memóriam adhibéri. Quare epíscopus una cum cívibus ad eam spelúncam ire pergit. Quam cum in templi cujúsdam similitúdinem conformátam vidíssent, locum illum divínis offíciis celebráre cœpérunt:: qui multis póstea miráculis illustrátus est. Nec ita multo post Bonifátius Papa, Romæ in summo circo, sancti Michaélis ecclésiam dedicávit tértio Kaléndas Octóbris; quo die étiam ómnium Angelórum memóriam Ecclésia célebrat. Hodiérnus autem dies Archángeli Michaélis apparitióne consecrátus est.

R. In témpore illo consúrget Míchaël, qui stat pro fíliis vestris:

* Et véniet tempus, quale non fuit, ex quo gentes esse cœpérunt, usque ad illud. Allelúja.

V. In témpore illo salvábitur pópulus tuus omnis, qui invéntus fúerit scriptus in libro vitæ.

R. Et véniet tempus, quale non fuit, ex quo gentes esse cœpérunt, usque ad illud. Allelúja.

V. Glória Patri, et Fílio, * et Spirítui Sancto.

R. Et véniet tempus, quale non fuit, ex quo gentes esse cœpérunt, usque ad illud. Allelúja.

Lectio 7

Léctio sancti Evangélii secúndum Matthǽum

Matt 18:1-10

In illo témpore: Accessérunt discípuli ad Jesum, dicéntes: Quis, putas, major est in regno cælórum? Et réliqua.

Homilía sancti Hilárii Epíscopi

Comment in Matth. can. 18

Nónnisi revérsos in natúram puerórum introíre regnum cælórum Dóminus docet: id est, per simplicitátem puerílem vítia córporum nostrórum animǽque revocánda. Púeros autem, credéntes omnes per audiéntiæ fidem nuncupávit. Hi enim patrem sequúntur, matrem amant, próximo velle malum nésciunt, curam opum négligunt; non insoléscunt, non odérunt, non mentiúntur, dictis credunt, et quod áudiunt, verum habent. Reverténdum ígitur est ad simplicitátem infántium; quia, in ea collocáti, spéciem humilitátis Domínicæ circumferémus.

R. In conspéctu géntium nolíte timére; vos enim in córdibus vestris adoráte et timéte Dóminum;

* Angelus enim ejus vobíscum est. Allelúja.

V. Stetit Angelus juxta aram templi, habens thuríbulum áureum in manu sua.

R. Angelus enim ejus vobíscum est. Allelúja.

Lectio 8

Væ huic mundo ab scándalis. Humílitas passiónis scándalum mundo est. In hoc enim máxime ignorántia detinétur humána, quod sub deformitáte crucis, ætérnæ glóriæ Dóminum nóluit accípere. Et quid mundo tam periculósum, quam non recepísse Christum? Ideo vero necésse esse ait veníre scándala; quia, ad sacraméntum reddéndæ nobis æternitátis, omnis in eo passiónis humílitas esset explénda.

R. Míchaël Archángelus venit in adjutórium pópulo Dei,

* Stetit in auxílium pro animábus justis. Allelúja.

V. Stetit Angelus juxta aram templi, habens thuríbulum áureum in manu sua.

R. Stetit in auxílium pro animábus justis. Allelúja.

V. Glória Patri, et Fílio, * et Spirítui Sancto.

R. Stetit in auxílium pro animábus justis. Allelúja.

Lectio 9

Vidéte ne contemnátis unum de pusíllis istis, qui credunt in me. Aptíssimum vínculum mútui amóris impósuit, ad eos præcípue qui vere in Dómino credidíssent. Pusillórum enim Angeli quotídie Deum vident: quia Fílius hóminis venit salváre quæ pérdita sunt. Ergo et Fílius hóminis salvat, et Deum Angeli vident, et Angeli pusillórum præsunt fidélium oratiónibus. Præésse Angelos absolúta auctóritas est. Salvatórum ígitur per Christum oratiónes Angeli quotídie Deo ófferunt. Ergo periculóse ille contémnitur, cujus desidéria ac postulatiónes ad ætérnum et invisíbilem Deum, ambitióso Angelórum famulátu ac ministério, pervehúntur.

Te Deum.

Introitus. Ps. 102, 20. Benedícite Dóminum, omnes Angeli ejus: poténtes virtúte, qui tácitis verbum ejus, ad audiéndam vocem sermónum ejus, allelúja, allelúja. Ps. ibidem, 1. Bénedic, ánima mea, Dómino: et ómnia, quæ intra me sunt, nómini sancto ejus. V. Glória Patri.

Oratio. Deus, qui, miro ordine, Angelórum ministéria hominúmque dispénsas: concéde propítius; ut, a quibus tibi ministrántibus in cœlo semper assístitur, ab his in terra vita nostra muniátur. Per Dóminum.

Léctio libri Apocalýpsis beáti Joánnis Apóstoli.
Apoc. 1, 15.

In diébus illis: Significávit Deus, quæ opórtet fíeri cito, mittens per Angelum suum servo suo Joánni, qui testimónium perhíbuit verbo Dei, et testimónium Jesu Christi, quæcúmque vidit. Beátus, qui legit et audit verba prophetíæ hujus: et servat ea, quæ in ea scripta sunt: tempus enim prope est. Joánnes septem ecclésiis, quæ sunt in Asia. Grátia vobis et pax ab eo, qui est et qui erat et qui ventúrus est: et a septem spirítibus, qui in conspéctu throni ejus sunt: et a Jesu Christo, qui est testis fidélis, primogénitus mortuórum et princeps regum terræ, qui diléxit nos et lavit nos a peccátis nostris in sánguine suo.

Allelúja, allelúja. V. Sancte Míchael Archángele, defénde nos in proelio: ut non pereámus in treméndo judício.

Allelúja. V. Concússum est mare et contrémuit terra, ubi Archángelus Míchaël descéndit de cœlo. Allelúja.

+ Sequéntia sancti Evangélii secúndum Matthǽum. 
Matth. 18, 1-10.

In illo témpore: Accessérunt discípuli ad Jesum, dicéntes: Quis, putas, major est in regno cœlórum? Et ádvocans Jesus párvulum, státuit eum in médio eórum et dixit: Amen, dico vobis, nisi convérsi fuéritis et efficiámini sicut párvuli, non intrábitis in regnum cœlórum. Quicúmque ergo humiliáverit se sicut párvulus iste, hic est major in regno cœlórum. Et qui suscéperit unum párvulum talem in nómine meo, me súscipit. Qui autem scandalizáverit unum de pusíllis istis, qui in me credunt, expédit ei, ut suspendátur mola asinária in collo ejus, et demergátur in profúndum maris. Væ mundo a scándalis! Necésse est enim, ut véniant scándala: verúmtamen væ hómini illi, per quem scándalum venit! Si autem manus tua vel pes tuus scandalízat te, abscíde eum et projíce abs te: bonum tibi est ad vitam ingrédi débilem vel claudum, quam duas manus vel duos pedes habéntem mitti in ignem ætérnum. Et si óculus tuus scandalízat te, érue eum et projice abs te: bonum tibi est cum uno óculo in vitam intráre, quam duos óculos habéntem mitti in gehénnam ignis. Vidéte, ne contemnátis unum ex his pusíllis: dico enim vobis, quia Angeli eórum in cœlis semper vident fáciem Patris mei, qui in cœlis est.

Offertorium. Apoc. 8, 3 et 4. Stetit Angelus juxta aram templi, habens thuríbulum áureum in manu sua, et data sunt ei incénsa multa: et ascendit fumus aromatum in conspéctu Dei, allelúja.

Secreta. Hóstias tibi. Dómine, laudis offérimus, supplíciter deprecántes: ut eásdem, angélico pro nobis interveniénte suffrágio, et placátus accípias, et ad salútem nostram proveníre concédas. Per Dóminum.

Communio. Dan. 5, 58. Benedícite, omnes Angeli Dómini, Dóminum: hymnum dícite et superexaltáte eum in sǽcula, allelúja.

Postcommunio. Beáti Archángeli tui Michaélis intercessióne suffúlti: súpplices te, Dómine, deprecámur; ut, quod ore proséquimur, contingámus ei mente. Per Dóminum.

+ + +

Now for the Mass at Barroux.

The Introit is indeed Cantemus Domino, 20:03.

The Kyrie was begun at 23:19 and the Gloria at 26:27.

Oratio. Deus, qui beátam Ioánnam Vírginem ad fidem ac pátriam tuendam mirabíliter suscitásti : da, quæsumus, eius intercessióne ; ut Ecclesia tua, hóstium superátis insídiis, perpétua pace fruátur. Per Dóminum.

Lectio libri Sapientiae.

Sap. 8, 9-15.

Propósui sapiéntiam addúcere mihi ad convivéndum ; sciens quóniam mecum communicábit de bonis, et erit allocútio cogitatiónis et tædii mei. Habébo, propter hanc, claritátem ad turbas, et honórem apud senióres iúvenis : et acútus inveniar in iudício, et in conspéctu poténtium admirábilis ero, et fácies príncipum mirabúntur me. Tacéntem me sustinébunt, et loquéntem me respícient, et sermocinánte me plura, manus ori suo impónent. Prætérea habébo, per hanc, immortalitátem, et memóriam ætérnam his, qui post me futúri sunt, relínquam. Dispónam pópulos, et natiónes mihi erunt súbditæ. Timébunt me audiéntes reges horréndi. In multitúdine vidébor bonus, et in bello fortis.

The Alleluia Fecisti viriliter, 33:01, is in the first place. 

The second Alleluia is Nunc ergo ora pro nobis, 35:16.

+Sequentia sancti Evangelii secundum Matthaeum.

Matth. 16, 24-27. 36:46.

In illo témpore : Dixit Iesus discípulis suis : Si quis vult post me veníre, ábneget semetípsum, et tollat crucem suam, et sequátur me. Qui enim voluerit ánimam suam salvam fácere, perdet eam : qui autem perdíderit ánimam suam propter me, invéniet eam. Quid enim prodest hómini, si mundum univérsum lucrétur, ánimæ vero suæ detriméntum patiátur ? Aut quam dabit homo commutatiónem pro ánima sua ? Fílius enim hóminis ventúrus est in glória Patris sui cum Angelis suis : et tunc reddet unicuíque secúndum ópera eius.

The antiphona ad Offertorium is Benedixerunt eam, 39:55.

Secreta. Hæc hóstia salutáris, Dómine, illam nobis in rebus árduis cónferat fortitúdinem, cuius beáta Ioánna, sub tanta discríminum varietáte, tam insígnia prǽbuit exémpla : ut, ad inimícos repelléndos, étiam belli perícula subíre non dubitáverit. Per Dóminum.

The Sanctus was begun at 49:26 and the Agnus Dei at 1:00:44.

The antiphona ad Communionem is Si ambulavero, 1:05:33.

Postcommunio. Cælésti pane reféctos, qui tóties beátam Ioánnam áluit ad victóriam : præsta, quǽsumus, omnípotens Deus ; ut hoc salútis aliméntum de inimícis nostris victóres nos effíciat. Per Dóminum.

+ + +

And the Mass at Saint-E., in five hours or so. No sight of Dawn so presumably it's a cloudy early morning. 

A pleasant walk in, for the first half, a very slight shower of rain. One group at least of the turkeys were audible although I didn't see any of 'em. A pair of ducks could scarcely be bothered to move out of my way as I passed them at the end of a driveway; they were preoccupied with the intricacies of mating. The hens were still abed, so far as I could see or hear. Ah, and at last, after four? five? days the Superpedestrian people came to collect their scooter from where it had been abandoned on my walk route. Looking at their app on the mobile, I see that this morning there are two scooters parked at Safeway: if in the morning one is still there, I'll ride it back here, throwing caution to the wind and inviting a ticket for not having a helmet. Although surely the flic would give me a warning rather than a ticket? perhaps not. 

M le Curé is the celebrant of Holy Mass at Saint-E. today. He is saying the Sunday Mass, Cantate Domino canticum novum; yesterday's page is here. But he is commemorating also Our Lady Mediatrix of all graces, whose feast is today (in the Missal pro aliquibus locis it is given on the 31st but since Pius XII added the feast of Our Lady Queen to the Kalendarium Romanum on that date, her feast as Mediatrix is moved in some dioceses et cetera to today).  

Oratio. Domine Iesu Christe, noster apud Patrem mediator, qui beatissimam Virginem Matrem tuam, Matrem quoque nostram et apud te mediatricem constituisti: concede ut quisquis ad te beneficia petiturus accesserit, cuncta se per eam impetrasse laetetur: Qui vivis et regnas.

Secreta. Matris tuae ac mediatricis nostrae precibus Domine, quaesumus, haec hostiarum oblatio nosmetipsos, tua gratia largiente, tibi perficiat munus aeternum: Qui vivis et regnas.

Postcommunio. Subveniat nobis, Domine, beatae Mariae Matris tuae ac nostrae mediatricis oratio: ut per haec sacrosancta commercia, tua gratia largiente, ad redemptionis aeternae proficiamus augmentum: Qui vivis et regnas.

LDVM

Abbaye Sainte-Madeleine du Barroux, Saint-Eugène-Sainte-Cécile, Festo Sanctae Ioannae Arcensis Virginis