Confitebúntur cæli mirabília tua, Dómine : et veritátem tuam in ecclésia sanctórum, allelúia, allelúia...

Today is the feast of Saint John the Apostle ad Portam Latinam in the bimillennial Roman Rite; Ioannes XXIII waved the wand of foolish innovation and it remains gone of course in the Pauline Rite. It is instead the Saturday Commemoration of Our Lady, which Mass will be of her Immaculate Heart, Adeamus cum fiduica, at Saint-Eugène (it being the First Saturday of the month). At Barroux, the Saturday Commemoration of the Virgin occurs too (as I understand it, they follow the calendar of Ioannes XXIII with some modifications) with the Mass also being of Our Lady's Immaculate Heart. 

But these are the lessons for the feast of Saint John, which was celebrated on this day from 1570 (am not sure when it was included in the Roman Calendar) until the Ioannes XXIII nonsense of 1960. The Mass is Protexisti me Domine, the text of which is here. 

In yesterday's mail, the first volume of the new edition of Honorius Augustodunensis's Gemma animae, 'Jewel of the Soul', arrived. It is a beautiful book, marred only (from my probably idiosyncratic perspective) by the gold Dumbarton Oaks dust jacket, so easily marked or scuffed. The second volume is prudently waiting for next month (unless I catch myself trying to buy a different book for a similarly extravagant price, in which case I'll order the Honorius instead). But at the back of my mind I'm being tormented by the apprehension that perhaps the edition will be exhausted in its first month of existence; an almost surely irrational nonsense.

Lectio 1
Incipit Epístola prima beáti Joánnis Apóstoli
1 Joann. 1:1-5
1 Quod fuit ab inítio, quod audívimus, quod vídimus óculis nostris, quod perspéximus, et manus nostræ contrectavérunt de verbo vitæ:
2 Et vita manifestáta est, et vídimus, et testámur, et annuntiámus vobis vitam ætérnam, quæ erat apud Patrem, et appáruit nobis:
3 Quod vídimus, et audívimus, annuntiámus vobis, ut et vos societátem habeátis nobíscum, et socíetas nostra sit cum Patre et cum Fílio ejus Jesu Christo.
4 Et hæc scríbimus vobis ut gaudeátis, et gáudium vestrum sit plenum.
5 Et hæc est annuntiátio, quam audívimus ab eo, et annuntiámus vobis: Quóniam Deus lux est, et ténebræ in eo non sunt ullæ.

R. Beátus vir qui métuit Dóminum, allelúja:
* In mandátis ejus cupit nimis, allelúja, allelúja, allelúja.
V. Glória et divítiæ in domo ejus, et justítia ejus manet in sǽculum sǽculi.
R. In mandátis ejus cupit nimis, allelúja, allelúja, allelúja.

Lectio 2
1 Joann. 1:6-10
6 Si dixérimus quóniam societátem habémus cum eo, et in ténebris ambulámus, mentímur, et veritátem non fácimus.
7 Si autem in luce ambulámus sicut et ipse est in luce, societátem habémus ad ínvicem, et sanguis Jesu Christi, Fílii ejus, emúndat nos ab omni peccáto.
8 Si dixérimus quóniam peccátum non habémus, ipsi nos sedúcimus, et véritas in nobis non est.
9 Si confiteámur peccáta nostra, fidélis est et justus, ut remíttat nobis peccáta nostra, et emúndet nos ab omni iniquitáte.
10 Si dixérimus quóniam non peccávimus, mendácem fácimus eum, et verbum ejus non est in nobis.

R. Tristítia vestra, allelúja,
* Convertétur in gáudium, allelúja, allelúja.
V. Mundus autem gaudébit, vos vero contristabímini, sed tristítia vestra.
R. Convertétur in gáudium, allelúja, allelúja.

Lectio 3
1 Joann. 2:1-5
1 Filíoli mei, hæc scribo vobis, ut non peccétis. Sed et si quis peccáverit, advocátum habémus apud Patrem, Jesum Christum justum:
2 Et ipse est propitiátio pro peccátis nostris: non pro nostris autem tantum, sed étiam pro totíus mundi.
3 Et in hoc scimus quóniam cognóvimus eum, si mandáta ejus observémus.
4 Qui dicit se nosse eum, et mandáta ejus non custódit, mendax est, et in hoc véritas non est.
5 Qui autem servat verbum ejus, vere in hoc cáritas Dei perfécta est.

R. Pretiósa in conspéctu Dómini, allelúja,
* Mors Sanctórum ejus, allelúja.
V. Custódit Dóminus ómnia ossa eórum, unum ex his non conterétur.
R. Mors Sanctórum ejus, allelúja.
V. Glória Patri, et Fílio, * et Spirítui Sancto.
R. Mors Sanctórum ejus, allelúja.

Lectio 4
Ex libro sancti Hierónymi Presbýteri contra Jovinianum.
Liber 1, n. 26
Joánnes Apóstolus, unus ex discupulis Dómini, qui minimus natu traditur fuísse inter Apóstolos, et quem fides Christi vírginem repérerat, virgo permansit; et ideo plus amátur a Dómino, et recumbit super pectus Jesu; et, quod Petrus, qui uxórem habuerat, interrogare non audet, illum rogat, ut interroget; et post resurrectiónem, nuntiánte Maria Magdalene quod Dóminus resurrexísset, uterque cucúrrit ad sepúlcrum, sed ille prævenit; cumque essent in navi, et piscaréntur in lacu Genésareth, Jesus stabat in líttore, nec sciébant Apóstoli quem vidérent; solus virgo Vírginem agnoscit, et dicit Petro: Dóminus est.

R. Lux perpétua lucébit Sanctis tuis, Dómine,
* Et ætérnitas témporum, allelúja, allelúja.
V. Lætítia sempitérna erit super cápita eórum: gáudium et exsultatiónem obtinébunt.
R. Et ætérnitas témporum, allelúja, allelúja.

Lectio 5
Fuit autem Joánnes et Apóstolus, et Evangelista, et Prophéta: Apóstolus, quia scripsit ad ecclésias ut magister; Evangelista, quia librum Evangélii cóndidit, quod, excepto Matthæo, alii ex duódecim Apóstoli non fecérunt; Prophéta, vidit enim in Patmos insula, in qua fuerat a Domitiáno príncipe ob Dómini martyrium relegatus, Apocalypsim, infiníta futurórum mysteria continentem. Refert autem Tertullianus, quod Romæ missus in ferventis ólei dolium, purior et vegetior exíverit, quam intraverit.

R. Virtúte magna reddébant Apóstoli
* Testimónium resurrectiónis Jesu Christi Dómini nostri, allelúja, allelúja.
V. Repléti quidem Spíritu Sancto, loquebántur cum fidúcia verbum Dei.
R. Testimónium resurrectiónis Jesu Christi Dómini nostri, allelúja, allelúja.

Lectio 6
Sed et ipsum ejus Evangélium multum distat a ceteris. Matthæus quasi de hómine incipit scribere: Liber generatiónis Jesu Christi, fílii David, fílii Abraham; Lucas a sacerdotio Zacharíæ; Marcus a prophetía Malachíæ et Isaíæ. Primus habet fáciem hóminis, propter genealogíam; secundus fáciem vítuli, propter sacerdotium; tertius fáciem leónis, propter vocem clamántis in desérto, Parate viam Dómini, rectas fácite sémitas ejus. Joánnes vero noster quasi áquila ad superna volat, et ad ipsum Patrem pérvenit, dicens: In principio erat Verbum, et Verbum erat apud Deum, et Deus erat Verbum.

R. Isti sunt agni novélli, qui annuntiavérunt, allelúja, modo venérunt ad fontes,
* Repléti sunt claritáte, allelúja, allelúja.
V. In conspéctu Agni amícti sunt stolis albis, et palmæ in mánibus eórum.
R. Repléti sunt claritáte, allelúja, allelúja.
V. Glória Patri, et Fílio, * et Spirítui Sancto.
R. Repléti sunt claritáte, allelúja, allelúja.

Lectio 7
Léctio sancti Evangélii secúndum Matthǽum.
Matt 20:20-23
In illo témpore: Accessit ad Jesum mater filiórum Zebedæi cum fíliis suis, adorans et petens aliquid ab eo. Et réliqua.

Homilía sancti Hierónymi Presbýteri.
Liber 3 Comm. in Matth. c. 20.
Unde opiniónem regni habet mater filiórum Zebedæi, ut cum Dóminus dixerit: Fílius hóminis tradétur princípibus sacerdotum et scribis, et condemnábunt eum morte, et tradent Géntibus ad illudéndum et flagellándum et crucifigéndum; et ignomíniam passiónis timéntibus discípulis nuntiáret, illa gloriam postulet triumphantis? Hac, ut reor, ex causa, quia post ómnia dixerat Dóminus, Et tertia die resurget; putávit eum mulier post resurrectiónem illico regnatúrum, et hoc, quod in secundo adventu promittitur, in primo esse compléndum; et, aviditate feminea præséntia cupit, immemor futurórum.

R. Ego sum vitis vera, et vos pálmites:
* Qui manet in me, et ego in eo, hic fert fructum multum, allelúja, allelúja.
V. Sicut diléxit me Pater, et ego diléxi vos.
R. Qui manet in me, et ego in eo, hic fert fructum multum, allelúja, allelúja.

Lectio 8
Mater póstulat, et Dóminus discípulis lóquitur, intélligens preces ejus ex filiórum descendere voluntáte. Potestis bibere calicem, quem ego bibiturus sum? Calicem in Scripturis divinis passiónem intellígimus, juxta illud: Pater, si possibile est, tránseat a me calix iste; et in Psalmo: Quid retríbuam Dómino pro ómnibus quæ retríbuit mihi? Calicem salutáris accípiam, et nomen Dómini invocábo. Statimque infert quis iste sit calix: Pretiósa in conspéctu Dómini mors Sanctórum ejus.

R. Cándidi facti sunt Nazarǽi ejus, allelúja: splendórem Deo dedérunt, allelúja:
* Et sicut lac coaguláti sunt, allelúja, allelúja.
V. Candidióres nive, nitidióres lacte, rubicundióres ébore antíquo, sapphíro pulchrióres.
R. Et sicut lac coaguláti sunt, allelúja, allelúja.
V. Glória Patri, et Fílio, * et Spirítui Sancto.
R. Et sicut lac coaguláti sunt, allelúja, allelúja.

Lectio 9

Quæritur quómodo calicem martyrii fílii Zebedæi, Jacobus videlicet et Joánnes, bíberint; cum Scriptúra narret Jacobum tantum Apostolum ab Herode cápite truncátum, Joánnes autem propria morte vitam finíerit. Sed, si legámus ecclesiásticas historias, in quibus fertur, quod et ipse propter martyrium sit missus in ferventis ólei dolium, et inde ad suscipiéndam corónam Christi athleta processerit, statimque relegátus in Patmos insulam sit; vidébimus martyrio ánimum non defuísse, et bibisse Joánnem calicem confessiónis, quem et tres púeri in camino ignis bibérunt, licet persecutor non fuderit sánguinem.

Te Deum.

Six hours and the video recording of the Mass at Saint-E. isn't available even now, tsk. The longer it takes, the more likely it is that it will pass out of my mind, putting the video here, I mean.

Introitus. Hebr. 4, 16. 21:01. Adeámus cum fidúcia ad thronum grátiæ, ut misericórdiam consequámur, et grátiam inveniámus in auxílio opportúno. (T.P. Alleluia.) Ps. 44, 2. Eructávit cor meum verbum bonum: dico ego ópera mea regi. V. Glória Patri.

At Barroux, the Kyrie was begun at 24:23 and the Gloria at 26:30.

Oratio. Omnípotens sempitérne Deus, qui in Corde beátæ Maríæ Vírginis dignum Spíritus Sancti habitáculum præparásti: concéde propítius; ut ejúsdem immaculáti Cordis commemorationem devóta mente recoléntes, secúndum cor tuum vívere valeámus. Per Dóminum.

Léctio libri Sapiéntiæ.
Eccli. 24, 23-31. 30:30.
Ego quasi vitis fructificávi suavitátem odóris: et flores mei, fructus honóris et honestátis. Ego mater pulchræ dilectiónis, et timóris, et agnitiónis, et sanctæ spei. In me grátia omnis viæ et veritátis: in me omnis spes vitæ, et virtútis. Transíte ad me omnes qui concupíscitis me, et a generatiónibus meis implémini. Spíritus enim meus super mel dulcis, et heréditas mea super mel et favum. Memória mea in generatiónes sæculórum. Qui edunt me, adhuc esúrient: et qui bibunt me, adhuc sítient. Qui audit me, non confundétur: et qui operántur in me, non peccábunt. Qui elúcidant me, vitam ætérnam habébunt.

Allelúja, allelúja. V. Luc. 1, 46, 47. 32:45. Magníficat ánima mea Dóminum: et exsultávit spíritus meus in Deo salutári meo. 

Allelúia, alleluia. 35:30. Beatam me dicent omnes generationes quia ancillam humilem respexit Deus. Alleluia.

+ Sequéntia sancti Evangélii secúndum Joánnem.
Joann. 19, 25-27. 38:37.
In illo témpore: Stabant juxta crucem Jesu mater ejus, et soror matris ejus María Cléophæ, et María Magdaléne. Cum vidísset ergo Jesus matrem, et discípulum stantem, quem diligébat, dicit matri suæ: Múlier, ecce fílius tuus. Deinde dicit discípulo: Ecce mater tua. Et ex illa hora accépit eam discípulus in sua.

Offertorium. Luc. 1, 46, 49. 40:56. Exsultávit spíritus meus in Deo salutári meo; quia fecit mihi magna qui potens est, et sanctum nomen ejus.

Secreta. Majestáti tuæ, Dómine, Agnum immaculátum offeréntes, quǽsumus: ut corda nostra ignis ille divínus accéndat, cui Cor beátæ Maríæ Vírginis ineffabíliter inflammávit. Per Dóminum.

At Barroux, the Sanctus was begun at 50:09 and the Agnus Dei at 1:00:35.

Communio. Joann. 19, 27. 1:06:00. Dixit Jesus matri suæ: Múlier, ecce fílius tuus: deinde dixit discípulo: Ecce mater tua. Et ex illa hora accépit eam discípulus in sua.

Postcommunio. Divínis refécti munéribus te, Dómine, supplíciter exorámus: ut beátæ Maríæ Vírginis intercessióne, cujus immaculáti Cordis solémnia venerándo égimus, a præséntibus perículis liberáti, ætérnæ vitæ gáudia consequámur. Per Dóminum.

LDVM