The lessons from Genesis (2,15-24) at Matins today recount the Lord God's command to Adam that he not eat the fruit of the Tree of Good and Evil, and then His Creation from Adam's side (costa sua) of Eve, vocábitur Virágo, quóniam de viro sumpta est. Ælfric writes, for virago, ceorlstrang fæmne, i.e. (I think) a 'lordly, mighty woman', mulier fortis, an Amazon, a Diana, Juturna... or Eve. And the Most Holy Mother of God, in her unique way. There are books....
But I said Matins of the feast of the Abbot Saint Romuald so read Genesis outside the Office. The Mass is Os iusti meditabitur; a couple of minutes whilst Terce is finished and I can begin listening to what is sung at Barroux; indeed Os iusti.
Lectio 4
Romualdus, Ravennæ, Sergio patre, nobili genere natus, adoléscens in propinquum monastérium Classense pœniténtiæ causa secessit: ubi religiosi hóminis sermóne ad pietátis studium vehementius incénsus, viso étiam semel et íterum per noctem in ecclésia beato Apollinari, quod Dei servus illi futurum promíserat, mónachus effícitur. Mox ad Marinum, vitæ sanctitáte ac severiore disciplína in fínibus Venetórum eo témpore célebrem, se cóntulit, ut ad arctam et sublimem perfectiónis viam eo magistro ac duce uterétur.
R. Honéstum fecit illum Dóminus, et custodívit eum ab inimícis, et a seductóribus tutávit illum:
* Et dedit illi claritátem ætérnam.
V. Justum dedúxit Dóminus per vias rectas, et osténdit illi regnum Dei.
R. Et dedit illi claritátem ætérnam.
Lectio 5Multis sátanæ insídiis et hóminum invidia oppugnatus, tanto humílior se assidue jejuniis et oratiónibus exercebat, et rerum cæléstium meditatióne, vim lacrimárum profúndens, fruebátur: vultu tamen adeo læto semper erat, ut intuéntes exhilararet. Magno apud príncipes et reges in honóre fuit; multique ejus consílio, mundi illécebris abjectis, solitúdinem petiérunt. Martyrii quoque cupiditate flagrávit, cujus causa dum in Pannóniam proficíscitur, morbo, quo afflictabátur cum progrederétur, levabátur cum recederet, reverti cogitur.
R. Amávit eum Dóminus, et ornávit eum: stolam glóriæ índuit eum,
* Et ad portas paradísi coronávit eum.
V. Índuit eum Dóminus lorícam fídei, et ornávit eum.
R. Et ad portas paradísi coronávit eum.
Lectio 6In vita et post mortem miraculis clarus, spíritu étiam prophetíæ non cáruit. Scalam a terra cælum pertingentem, in similitúdinem Jacob Patriárchæ, per quam hómines in veste cándida ascendébant et descendébant, per visum conspéxit; eoque Camaldulenses mónachos, quorum institúti auctor fuit, designari mirabíliter agnovit. Denique cum annos centum et viginti ágeret, et centum ipsos in summa vitæ asperitáte Deo servísset, ad eum migrávit, anno salútis millesimo vigesimo septimo. Ejus corpus quinquennio postquam sepúltum fuerat, íntegrum repertum, Fabriáni in ecclésia sui ordinis honorifice cónditum est.
R. Iste homo perfécit ómnia quæ locútus est ei Deus, et dixit ad eum: Ingrédere in réquiem meam:
* Quia te vidi justum coram me ex ómnibus géntibus.
V. Iste est, qui contémpsit vitam mundi, et pervénit ad cæléstia regna.
R. Quia te vidi justum coram me ex ómnibus géntibus.
V. Glória Patri, et Fílio, * et Spirítui Sancto.
R. Quia te vidi justum coram me ex ómnibus géntibus.
Introitus. Ps. 36, 30-31. Os justi meditábitur sapiéntiam, et lingua ejus loquétur judícium: lex Dei ejus in corde ipsíus. Ps. ibid., 1. Noli æmulári in malignántibus: neque zeláveris faciéntes iniquitátem. ℣. Glória Patri.
M l'Abbé Grodziski is celebrating the Mass today.
Oratio. Intercéssio nos, quǽsumus, Dómine, beáti Rmualdi Abbátis comméndet: ut, quod nostris méritis non valémus, ejus patrocínio assequámur. Per Dóminum.
Léctio libri Sapientiæ.
Eccli. 45, 1-6.
Diléctus Deo et homínibus, cujus memória in benedictióne est. Símilem illum fecit in glória sanctórum, et magnificávit eum in timóre inimicórum, et in verbis suis monstra placávit. Gloríficávit illum in conspéctu regum, et jussit illi coram pópulo suo, et osténdit illi glóriam suam. In fide et lenitáte ipsíus sanctum fecit illum, et elégit eum; ex omni carne. Audívit enim eum et vocem ipsíus, et indúxit illum in nubem. Et dedit illi coram præcépta, et legem vitæ et disciplínæ.
Graduale. Ps. 20, 4-5. Dómine, prævenísti eum in benedictiónibus dulcédinis: posuísti in cápite ejus corónam de lápide pretióso. ℣. Vitam pétiit a te, et tribuísti ei longitúdinem diérum in sǽculum sǽculi.
Tractus. Ps. 111, 1-3. Beátus vir, qui timet Dóminum: in mandátis ejus cupit nimis. ℣. Potens in terra erit semen ejus: generátio rectórum benedicétur. ℣. Glória et divítiæ in domo ejus: et justítia ejus manet in sǽculum sǽculi.
--solesmes.png)
✠ Sequéntia sancti Evangélii secúndum Matthǽum.
Matth. 19, 27-29.
In illo témpore: Dixit Petrus ad Jesum: Ecce, nos relíquimus ómnia, et secúti sumus te: quid ergo erit nobis? Jesus autem dixit illis: Amen, dico vobis, quod vos, qui secuti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Israël. Et omnis, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros, propter nomen meum, céntuplum accípiet, et vitam ætérnam possidébit.
Offertorium. Ps. 20, 3 et 4. Desidérium ánimæ ejus tribuísti ei, Dómine, et voluntáte labiórum ejus non fraudásti eum: posuísti in cápite ejus corónam de lápide pretióso.
Secreta. Sacris altáribus, Dómine, hóstias superpósitas sanctus Romualdus Abbas, quǽsumus, in salútem nobis proveníre depóscat. Per Dóminum.
Communio. Luc. 12, 42. Fidélis servus et prudens, quem constítuit dóminus super famíliam suam: ut det illis in témpore trítici mensúram.
Postcommunio. Prótegat nos, Dómine, cum tui perceptióne sacraménti beátus Romualdus Abbas, pro nobis intercedéndo: ut et conversatiónis ejus experiámur insígnia, et intercessiónis percipiámus suffragia. Per Dominum.
LDVM
Comments
Post a Comment