A happy, prosperous, and peaceful new year...

To all the dear readers of this page; the rain has interrupted itself for today, I guess; at least for the moment. I have only this morning noticed that the (fairly recently installed) weather mages' app uses the heretofore unseen (in the weather apps) meteorological term 'haze'; we are having hazy conditions, evidently. I myself would just say 'some fog' but I'm sure the mages know better. Today is the Octave of the Nativity of Our Lord and the feast of His Circumcision secundum legem. As will be seen when one reads the orations in the Mass Puer natus est for today, we are also worshipping the Ever-Virgin and Life-giving Mother of God for her part in these saving events; in the Pauline Rite, today is celebrated as the feast of Our Lady's Maternity-- an innovation only in the sense that the liturgy mages who made it up didn't, in the first place, like octaves very much and, in the second and more importantly, didn't think that celebration of the Law's requirement of circumcision was suitable for their idol Contemporary Man. Pft; enough with them.

Lectio 4
Sermo sancti Leónis Papæ
Sermo 7 de Nativitate Domini
Festivitátis hódiernæ, dilectíssimi, verus venerátor est, et pius cultor, qui nec de Incarnatióne Dómini áliquid falsum, nec de Deitáte áliquid sentit indígnum. Paris enim perículi malum est, si illi aut natúræ nostræ véritas, aut Patérnæ glóriæ negátur æquálitas. Cum ergo ad intellegéndum sacraméntum nativitátis Christi, qua de Matre vírgine est ortus, accédimus, abigátur procul terrenárum calígo ratiónum, et ab illuminátæ fídei óculo mundánæ sapiéntiæ fumus abscédat.

R. Congratulámini mihi, omnes qui dilígitis Dóminum:
* Quia, cum essem párvula, plácui Altíssimo, et de meis viscéribus génui Deum et hóminem.
V. Beátam me dicent omnes generatiónes, quia ancíllam húmilem respéxit Deus.
R. Quia, cum essem párvula, plácui Altíssimo, et de meis viscéribus génui Deum et hóminem.

Lectio 5
Divína est enim auctóritas, cui crédimus: divína est doctrína, quam séquimur. Quóniam sive legis testificatióni, sive oráculis prophetárum, sive evangélicæ tubæ interiórem admoveámus audítum; verum est, quod Joánnes plenus Spíritu Sancto intónuit: In princípio erat Verbum, et Verbum erat apud Deum, et Deus erat Verbum. Hoc erat in princípio apud Deum. Omnia per ipsum facta sunt, et sine ipso factum est nihil. Et simíliter verum est, quod idem prædicátor adjécit: Verbum caro factum est et habitávit in nobis: et vídimus glóriam ejus, glóriam quasi Unigéniti a Patre.

R. Confirmátum est cor Vírginis, in quo divína mystéria, Angelo nuntiánte, concépit: tunc speciósum forma præ fíliis hóminum castis suscépit viscéribus:
* Et benedícta in ætérnum, Deum nobis prótulit et hóminem.
V. Domus pudíci péctoris templum repénte fit Dei: intácta nésciens virum, verbo concépit Fílium.
R. Et benedícta in ætérnum, Deum nobis prótulit et hóminem.

Lectio 6
In utráque ergo natúra idem est Dei Fílius, nostra suscípiens, et própria non amíttens: in hómine hóminem rénovans, in se incommutábilis persevérans. Déitas enim, quæ illi cum Patre commúnis est, nullum detriméntum omnipoténtiæ súbiit, nec Dei formam servi forma violávit: quia summa et sempitérna esséntia, quæ se ad humáni géneris inclinávit salútem, nos quidem in suam glóriam tránstulit, sed quod erat, esse non déstitit. Unde cum Unigénitus Dei minórem se Patre confitétur, cui se dicit æquálem, veritátem in se formæ utriúsque demónstrat: ut et humánam probet imparílitas, et divínam decláret æquálitas.

R. Benedícta et venerábilis es, Virgo María, quæ sine tactu pudóris invénta es mater Salvatóris:
* Jacébat in præsépio, et fulgébat in cælo.
V. Dómine, audívi audítum tuum, et tímui: considerávi ópera tua, et expávi: in médio duórum animálium.
R. Jacébat in præsépio, et fulgébat in cælo.
V. Glória Patri, et Fílio, * et Spirítui Sancto.
R. Jacébat in præsépio, et fulgébat in cælo.

Lectio 7
Léctio sancti Evangélii secúndum Lucam
Luc 2:21
In illo témpore: Postquam consummáti sunt dies octo, ut circumciderétur Puer: vocátum est nomen ejus Jesus. Et réliqua.

Homilía sancti Ambrósii Epíscopi
Liber 2 in cap. 2 Lucæ, circa medium
Circumcíditur ítaque Puer. Quis est iste puer, nisi ille, de quo dictum est: Puer natus est nobis, Fílius datus est nobis? Factus est enim sub lege, ut eos, qui sub lege essent, lucrifáceret. Ut sísterent eum Dómino. Quid sit autem in Jerúsalem sisti Dómino, dícerem, nisi in Isaíæ comméntis ante dixíssem. Circumcísus enim vítiis, Domínico dignus judicátur obtútu; quia, Oculi Dómini super justos. Vides omnem legis véteris sériem fuísse typum futúri: nam et circumcísio purgatiónem signíficat delictórum.

R. Sancta et immaculáta virgínitas, quibus te láudibus éfferam, néscio:
* Quia quem cæli cápere non póterant, tuo grémio contulísti.
V. Benedícta tu in muliéribus, et benedíctus fructus ventris tui.
R. Quia quem cæli cápere non póterant, tuo grémio contulísti.

Lectio 8
Sed quóniam prona quadam cupiditáte peccándi, humánæ carnis et mentis fragílitas inextricabílibus vítiis implicátur, eo per octávum circumcisiónis diem culpæ totíus futúra purgátio, resurrectiónis præfigurabátur ætáte. Hoc est enim illud: Quia omne masculínum adapériens vulvam, sanctum Dómino vocábitur. Verbis enim legis promittebátur Vírginis partus. Et vere sanctus, quia immaculátus. Dénique ipsum esse, qui lege signétur, in eúndem modum ab Angelo repetíta verba declárant: Quod nascétur, inquit, Sanctum, vocábitur Fílius Dei.

R. Nésciens Mater Virgo virum, péperit sine dolóre:
* Salvatórem sæculórum, ipsum Regem Angelórum, sola Virgo lactábat úbere de cælo pleno.
V. Domus pudíci péctoris templum repénte fit Dei: intácta nésciens virum, verbo concépit Fílium.
R. Salvatórem sæculórum, ipsum Regem Angelórum, sola Virgo lactábat úbere de cælo pleno.
V. Glória Patri, et Fílio, * et Spirítui Sancto.
R. Salvatórem sæculórum, ipsum Regem Angelórum, sola Virgo lactábat úbere de cælo pleno.

Lectio 9
Solus enim per ómnia ex natis de fémina sanctus Dóminus Jesus, qui terrénæ contágia corruptélæ, immaculáti partus novitáte non sénserit, et cælésti majestáte depúlerit. Nam si lítteram sequámur: quómodo sanctus omnis másculus, cum multos sceleratíssimos fuísse non láteat? Numquid sanctus Achab? numquid sancti pseudoprophétæ, quos ad Elíæ preces ultor cæléstis injúriæ ignis absúmpsit? Sed ille sanctus, quem in figúra futúri mystérii pia legis divínæ præscrípta signábant; eo quod solus sanctæ Ecclésiæ vírginis ad generándos pópulos Dei, immaculátæ fecunditátis aperíret genitále secrétum.

Te Deum laudámus...

The video recording of Holy Mass celebrated (almost five and a half hours ago) at Saint-Eugène in Paris. The libellum is here. I have begun listening to the audio recording of the Mass from the Abbey of Barroux in the earliest hour that I'm awake, after the first hour(s) of the Office. It is instructive to hear the monastic choir, on the one hand, and the Schola Sainte-Cécile in a parish church (and while they have their own estimable heritage of course most parishes in the United States have the resources to provide a schola for the singing of the Mass-- were the will to do so present), on the other. 

Statio ad S. Mariam trans Tiberim 

The Mass begins with the chanting of the Veni Creator Spiritus, which, on this first day of the civil year, is enriched with a plenary indulgence. 

Introitus. Is. 9, 6. Puer natus est nobis, et fílius datus est nobis: cujus impérium super húmerum ejus: et vocábitur nomen ejus magni consílii Angelus. Ps. 97, 1. Cantáte Dómino cánticum novum: quia mirabília fecit. ℣. Glória Patri.

Oratio. Deus, qui salútis ætérnæ, beátæ Maríæ virginitáte fecúnda, humáno géneri prǽmia præstitísti: tríbue, quǽsumus; ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum, Fílium tuum: Qui tecum vivit.

Dr DiPippo points out (here) that the original collect was rather:

Deus, qui nobis nati Salvatóris diem celebráre concédis octávum: fac nos, quaesumus, ejus perpétua divinitáte muníri, cujus sumus carnáli commercio reparáti.

... However, this is not the original Collect, which is attested in the Gelasian Sacramentary in the 8th century, and found in many other Uses of the Roman Rite, (Sarum etc.); it is still used by the Premonstratensians, Dominicans and Carmelites to this day. "O God, who grant us to celebrate the eighth day of the Savior’s Birth; strengthen us (or ‘defend us’ -- fac nos muniri) by the everlasting divinity of Him, by whose dealing in the flesh we have been restored (or ‘renewed’ -- reparati)."

Léctio Epístolæ beati Pauli Apóstoli ad Titum.
Tit. 2, 11-15.
Caríssime: Appáruit grátia Dei Salvatóris nostri ómnibus homínibus, erúdiens nos, ut, abnegántes impietátem et sæculária desidéria, sóbrie et juste et pie vivámus in hoc sǽculo, exspectántes beátam spem et advéntum glóriæ magni Dei et Salvatóris nostri Jesu Christi: qui dedit semetípsum pro nobis: ut nos redímeret ab omni iniquitáte, et mundáret sibi pópulum acceptábilem, sectatórem bonórum óperum. Hæc lóquere et exhortáre: in Christo Jesu, Dómino nostro.

Graduale. Ps. 97, 3 et 2. Vidérunt omnes fines terræ salutare Dei nostri: jubiláte Deo, omnis terra. ℣. Notum fecit Dominus salutare suum: ante conspéctum géntium revelávit justitiam suam.

Allelúja, allelúja. ℣. Hebr. 1,1-2. Multifárie olim Deus loquens pátribus in Prophétis, novíssime diébus istis locútus est nobis in Fílio. Allelúja.

Sequentia.

Votis Pater annuit:

Justum pluunt sidera:

Salvatorem genuit

Intacta puerpera:

Homo Deus nascitur.

Superum concentibus

Panditur mysterium:

Nos mixti pastoribus

Cingamus præsepium

In quo Christus ponitur.

Tu lumen de lumine

Ante solem funderis:

Tu numen de Numine

Ab æterno gigneris,

Patri par progenies.

Tantus es! et superis,

Quæ te premit caritas,

Sedibus delaberis:

Ut surgat infirmitas

Infirmus humi jaces.

Quæ nocens debueram

Innocens exequeris:

Tu legi quam spreveram,

Legifer subjiceris:

Sic doces justitiam!

Cœlum cui regia,

Stabulum non respuis;

Qui donas imperia,

Servi formam induis:

Sic teris superbiam.

Nobis ultro similem

Te præbes in omnibus:

Debilibus debilem,

Mortalem mortalibus:

His trahis nos vinculis!

Cum ægris confunderis,

Morbi labem nesciens;

Pro peccato pateris

Peccatum non faciens:

Hoc uno dissimilis.

Summe Pater, Filium

Qui mittis ad hominem,

Gratiæ principium,

Salutis originem,

Da Jesum cognoscere.

Cujus igne cœlitus

Caritas accenditur,

Ades, alme Spiritus:

Qui pro nobis nascitur,

Da Jesum diligere. 

Amen. Alleluia.

✠ Sequéntia sancti Evangélii secúndum Lucam. 
Luc. 2, 21.
In illo témpore: Postquam consummáti sunt dies octo, ut circumciderétur Puer: vocátum est nomen ejus Jesus, quod vocátum est ab Angelo, priúsquam in útero conciperétur.

Offertorium. Ps. 88,12et 15. Tui sunt cœli et tua est terra: orbem terrárum et plenitúdinem ejus tu fundásti: justítia et judícium præparátio sedis tuæ.

The Schola sang Charpentier's motet for the feast Postquam consummati sunt, H 316. I will try to remember to note the time when I listen to the video. 

Postquam consummáti sunt dies octo ut circumciderétur puer: vocátum est nomen ejus Jesus.

O nomen amábile,
O nomen laudábile,
O nomen admirábile.

O bone Jesu,
Tu qui ætérnus es,
Quómodo nascéris?

O bone Jesu,
Tu qui imménsus es,
Quómodo caperis?

O bone Jesu,
Qui sine culpa es,
Quómodo circumcíderis?

Audíte mortáles, audíte peccatóres, Christi bonitátem et admirámini charitátem ejus: factus est enim sub lege ut eos qui sub lege essent lucri fáceret et eos redímeret ab omni iniquitáte, et pópulum sibi acceptábilem mundáret quam ob rem circumcíditur, et vocátur Jesu.

O nomen amábile,
O nomen laudábile,
O nomen admirábile.

Secreta. Munéribus nostris, quǽsumus, Dómine, precibúsque suscéptis: et cœléstibus nos munda mystériis, et cleménter exáudi. Per Dóminum.

Communio. Ps. 97, 3. Vidérunt omnes fines terræ salutáre Dei nostri.

The Schola sang the Jesu dulcis memoria of Saint Bernard, tomorrow being, in the Traditional Rite, the feast of the Most Holy Name. As whoever wrote the text that accompanies the video infra notes, the fact is that there are more than forty strophes or stanzas or verses depending on the manuscript source-- I suppose it is understandable, if unfortunate, that they are scarcely ever sung. And while I tend to indulge my native pedantry in changing mediaeval Js to the more correct Is, this is an instance when I don't. The Victoria is perhaps apocryphal.

Postcommunio. Hæc nos commúnio, Dómine, purget a crímine: et, intercedénte beáta Vírgine Dei Genetríce María, cœléstis remédii fáciat esse consórtes. Per eúndem Dóminum.

Time got away from me and as I was about to begin listening to the Mass, the beep warning of the beginning of the streaming of Vespers sounded. Eh. The livret for Vespers today is here. 

The antiphon at the Magnificat, Magnum haereditatis mysterium.

The Jesu dulcis memoria at the Exposition of the Most Blessed Sacrament.

And, finally, the Puer natus in Bethlehem alleluia to end the Christmas Octave.

Tuesday is the feast of Saint Geneviève, Patroness of Paris. 

LDVM

Sollemnitas in Circumcisione Domini Nostri Iesu Christi, Saint-Eugène-Sainte-Cécile, l'Abbaye du Barroux