Venit Jesus jánuis clausis, et stetit in médio, et dixit: Pax vobis...

In the Gospel for the Vigil Mass of Saint Thomas (I believe that the Vigil may be commemorated at the Mass diei at Saint-E. later on, although this would be only the orations-- am never sure about what has survived into the rubrical schemes of Ioannes XXIII), the Lord, risen from the realm of the dead, visits the Apostles: venit ianuis clausis et stetit in medio. I have to wonder if the reason or one of the reasons that Saint Thomas's feast is appointed at this late point in Advent is the analogy between Our Lord coming forth from the inviolate womb of her who is Virgin ante partum, in partu, et post partum, through the porta aurea (and 'standing' amongst us in our subcelestial region), and His passing through the ianuis clausis described by the Evangelist. I have to go out this morning, eh.

Lectio 1

De Isaía Prophéta

Isa 42:1-4

Ecce servus meus, suscípiam eum: eléctus meus, complácuit sibi in illo ánima mea: dedi spíritum meum super eum, judícium géntibus próferet.

Non clamábit, neque accípiet persónam, nec audiétur vox ejus foris.

Cálamum quassátum non cónteret, et linum fúmigans non exstínguet: in veritáte edúcet judícium.

Non erit tristis, neque turbuléntus, donec ponat in terra judícium: et legem ejus ínsulæ exspectábunt.

R. Nascétur nobis párvulus, et vocábitur Deus, Fortis:

* Ipse sedébit super thronum David patris sui, et imperábit: cujus potéstas super húmerum ejus.

V. In ipso benedicéntur omnes tribus terræ, omnes gentes sérvient ei.

R. Ipse sedébit super thronum David patris sui, et imperábit: cujus potéstas super húmerum ejus.

Lectio 2

Isa 42:5-7

Hæc dicit Dóminus Deus creans cælos, et exténdens eos: firmans terram, et quæ gérminant ex ea: dans flátum pópulo, qui est super eam, et spíritum calcántibus eam.

Ego Dóminus vocávi te in justítia, et apprehéndi manum tuam, et servávi te. Et dedi te in fœdus pópuli, in lucem géntium:

Ut aperíres óculos cæcórum, et edúceres de conclusióne vinctum, de domo cárceris sedéntes in ténebris.

R. Ecce jam venit plenitúdo témporis, in quo misit Deus Fílium suum in terras, natum de Vírgine, factum sub lege:

* Ut eos, qui sub lege erant, redímeret.

V. Propter nímiam caritátem suam, qua diléxit nos Deus, Fílium suum misit in similitúdinem carnis peccáti.

R. Ut eos, qui sub lege erant, redímeret.

Lectio 3

Isa 42:10-13

Cantáte Dómino cánticum novum, laus ejus ab extrémis terræ: qui descénditis in mare, et plenitúdo ejus, ínsulæ, et habitatóres eárum.

Sublevétur desértum, et civitátes ejus; in dómibus habitábit Cedar: laudáte habitatóres Petræ, de vértice móntium clamábunt.

Ponent Dómino glóriam, et laudem ejus in ínsulis nuntiábunt.

Dóminus sicut fortis egrediétur, sicut vir præliátor suscitábit zelum: vociferábitur, et clamábit: super inimícos suos confortábitur.

R. Virgo Israël, revértere ad civitátes tuas:

* Usquequo dolens avertéris? generábis Dóminum Salvatórem, oblatiónem novam in terra: * Ambulábunt hómines in salvatiónem.

V. In caritáte perpétua diléxi te: ídeo attráxi te míserans tui.

R. Usquequo dolens avertéris? generábis Dóminum Salvatórem, oblatiónem novam in terra.

V. Glória Patri, et Fílio, * et Spirítui Sancto.

R. Ambulábunt hómines in salvatiónem.

M. Grodziski is celebrating Holy Mass this morning.

Introitus. Is. 45, 8. Rorate, cœli, désuper, et nubes pluant justum: aperiátur terra, et gérminet Salvatórem. Ps. 18, 2. Cœli enárrant glóriam Dei: et ópera mánuum ejus annúntiat firmaméntum. ℣. Glória Patri.

Oratio. Excita, quǽsumus, Dómine, poténtiam tuam, et veni: et magna nobis virtúte succúrre; ut per auxílium grátiæ tuæ, quod nostra peccáta præpédiunt, indulgéntiæ tuæ propitiatiónis accéleret: Qui vivis et regnas.

Oratio. de Vigilia. Da nobis, quǽsumus, Dómine, beáti Apóstoli tui Thomæ sollemnitátibus gloriári: ut ejus semper et patrocíniis sublevémur; et fidem cóngrua devotióne sectémur. Per Dóminum.

Lectio Epístolæ beati Pauli Apostoli ad Corinthios
1 Cor. 4, 1–5.
Fratres: Sic nos exístimet homo ut minístros Christi, et dispensatóres mysteriórum Dei. Hic jam quǽritur inter dispensatóres, ut fidélis quis inveniátur. Mihi autem pro mínimo est, ut a vobis júdicer aut ab humano die: sed neque meípsum judico. Nihil enim mihi cónscius sum: sed non in hoc justificátus sum: qui autem júdicat me, Dóminus est. Itaque nolíte ante tempus judicáre, quoadúsque véniat Dóminus: qui et illuminábit abscóndita tenebrárum, et manifestábit consília córdium: et tunc laus erit unicuique a Deo.

Graduale. Ps. 144, 18 et 21. Prope est Dóminus ómnibus invocántibus eum: ómnibus, qui ínvocant eum in veritáte. ℣. Laudem Dómini loquétur os meum: et benedícat omnis caro nomen sanctum ejus.

Allelúja, allelúja, ℣. Veni, Dómine, et noli tardáre: reláxa facínora plebis tuæ Israël. Allelúja.

✠ Sequéntia sancti Evangélii secundum Lucam.

Luc. 3, 1–6.
Anno quintodécimo impérii Tibérii Cǽsaris, procuránte Póntio Piláto Judǽam, tetrárcha autem Galilǽæ Heróde, Philíppo autem fratre ejus tetrárcha Iturǽæ et Trachonítidis regionis, et Lysánia Abilínæ tetrárcha, sub princípibus sacerdotum Anna et Cáipha: factum est verbum Domini super Joannem, Zacharíæ filium, in deserto. Et venit in omnem regiónem Jordánis, prǽdicans baptísmum pæniténtiæ in remissiónem peccatórum, sicut scriptum est in libro sermónum Isaíæ Prophétæ: Vox clamántis in desérto: Paráte viam Dómini: rectas fácite sémitas ejus: omnis vallis implébitur: et omnis moris et collis humiliábitur: et erunt prava in dirécta, et áspera in vias planas: et vidébit omnis caro salutáre Dei.

Offertorium. Luc. 1, 28. Ave, María, gratia plena; Dóminus tecum: benedícta tu in muliéribus, et benedíctus fructus ventris tui.

Secreta. Sacrifíciis præséntibus, quǽsumus, Dómine, placátus inténde: ut et devotióni nostræ profíciant et salúti. Per Dóminum.

Secreta. de Vigilia. Débitum tibi, Dómine, nostræ réddimus servitútis, supplíciter exorántes: ut, suffrágiis beáti Thomæ Apóstoli, in nobis tua múnera tueáris, cujus honoránda confessióne laudis tibi hóstias immolámus. Per Dóminum.

Communio. Is. 7, 14. Ecce, Virgo concípiet et páriet fílium: et vocábitur nomen ejus Emmánuel.

Postcommunio. Sumptis munéribus, quǽsumus, Dómine: ut, cum frequentatióne mystérii, crescat nostræ salútis efféctus. Per Dóminum.

Postcommunio. de Vigilia. Adésto nobis, miséricors Deus: et, intercedénte pro nobis beáto Thoma Apóstolo, tua circa nos propitiátus dona custódi. Per Dóminum.

The lessons of the Mass of Saint Thomas.

Léctio Epístolæ beáti Pauli Apóstoli ad Ephésios.

Ephes. 2, 19-22.

Fratres: Jam non estis hóspites et ádvenæ: sed estis cives sanctórum et doméstici Dei: superædificáti super fundaméntum Apostolórum et Prophetárum, ipso summo angulári lápide Christo Jesu: in quo omnis ædificátio constrúcta crescit in templum sanctum in Dómino, in quo et vos coædificámini in habitáculum Dei in Spíritu.

✠ Sequéntia sancti Evangélii secúndum Joánnem.
Joann. 20, 24-29.

In illo témpore: Thomas, unus ex duódecim, qui dícitur Dídymus, non erat cum eis, quando venit Jesus. Dixérunt ergo ei alii discípuli: Vídimus Dóminum. Ille autem dixit eis: Nisi videre in mánibus ejus fixúram clavórum, et mittam dígitum meum in locum clavórum, et mittam manum meam in latus ejus, non credam. Et post dies octo, íterum erant discípuli ejus intus, et Thomas cum eis. Venit Jesus jánuis clausis, et stetit in médio, et dixit: Pax vobis. Deinde dicit Thomæ: Inter dígitum tuum huc, et vide manus meas, et affer manum tuam, et mitte in latus meum: et noli esse incrédulus, sed fidélis. Respóndit Thomas et dixit ei: Dóminus meus et Deus meus. Dixit ei Jesus: Quia vidisti me, Thoma, credidísti: beáti, qui non vidérunt, et crediderunt.

LDVM