in cínere et cilício

Posuérunt mortália servórum tuórum, Dómine, escas volatílibus cœli, carnes Sanctórum tuórum béstiis terræ: secúndum magnitúdinem bráchii tui pósside fílios morte punitórum...

Ecce dedi verba mea in ore tuo: ecce constítui te super gentes et super regna ut evéllas et destruas et ædífices et plantes, alleluia...

Póstula a me, et dabo tibi gentes hereditátem tuam, et possessiónem tuam términos terræ, alleluia...

Angelus Dómini Raphaël apprehéndit et ligávit dǽmonem: magnus Dóminus noster, et magna virtus ejus, alleluia...

Dómine, refúgium factus es nobis, a generatióne et progénie: priúsquam montes fíerent aut formarétur terra et orbis: a sǽculo et usque in sǽculum tu es, Deus, alleluia...

In éxitu Israël de Ægýpto, domus Jacob de pópulo bárbaro, alleluia...

Desidérium ánimæ ejus tribuísti ei Dómine et voluntáte labiórum ejus non fraudásti eum: posuísti in cápite ejus corónam de lápide pretióso, alleluia...

Justítia indútus sum, et vestívi me, sicut vestiménto et diadémate, judício meo: oculus fui cæco et pes claudo: pater eram páuperum, alleluia...